MIKA 2:12 - Ka Baibala Hemolele

¹² ¶ “E hoʻākoakoa ʻiʻo ana au i kāu a pau, e Iakoba; E hōʻuluʻulu ʻiʻo ana au i ke koena o kā ʻIseraʻela; E hui pū aku au iā lākou e like me nā hipa a Bozera, E like me ka poʻe hipa i waenakonu o ko lākou pā hipa; E piʻoloke nui lākou no ka nui o nā kānaka.

MIKA 2:12 Iomraidhean Croise

KA BUKE MUA A MOSE, I KAPA ʻIA KINOHI 36:33

A make ihola ʻo Bela, a noho aliʻi aʻela ʻo Iobaba ke keiki kāne a Zera no Bozera ma kona hakahaka.

KA BUKE MUA O KA ʻOIHANA ALIʻI 1:44

A make iho ʻo Bela, a laila aliʻi ihola ʻo Iobaba ke keiki a Zera no Bozera, ma kona hakahaka.

KA WĀNANA A ʻISAIA 11:11

¶ A hiki aku i kēlā lā, E hohola hou mai ka Haku i kona lima, E hoʻōla i ke koena o kona poʻe kānaka, I ka poʻe e koe ma ʻAsuria, a ma ʻAigupita, a me Paterosa, Ma Kusa a me ʻElama, ma Sinara a me Hamata, A ma nā mokupuni o ke Kai.

KA WĀNANA A ʻISAIA 27:12

A hiki aku ia lā, e uhaʻi ʻo Iēhova, mai ka wai o kahawai mai, a hiki aku i ka muliwai o ʻAigupita, a e hōʻiliʻili pākahi iā ʻoukou, e nā mamo a ʻIseraʻela.

KA WĀNANA A ʻISAIA 34:6

Ua ana ka pahi kaua o Iēhova i ke koko, Ua hāpala ʻia i ke kaikea, I ke koko hoʻi o nā keiki hipa momona, a me nā kao kāne, I ke kaikea hoʻi ma nā puʻupaʻa o nā hipa kāne, No ka mea, he mōhai ko Iēhova ma Bozera, A he luku nui hoʻi ma ka ʻāina ʻo ʻEdoma.

KA WĀNANA A ʻISAIA 5:17

E ʻai nō nā keiki hipa ma laila, e like me ko lākou kula iho, A e hoʻopau nō nā malihini i nā mea i koe o ka poʻe waiwai.

KA WĀNANA A IEREMIA 23:3

“A e hōʻiliʻili nō wau i ke koena o kaʻu poʻe hipa, mai nā ʻāina a pau mai, kahi aʻu i hoʻokuke aku ai iā lākou, a e hoʻihoʻi hou mai au iā lākou i loko o ko lākou mau pā; a e kawowo lākou, a māhuahua aku.

KA WĀNANA A IEREMIA 3:18

“Ia mau lā, e hele pū nō ko ka hale o kā Iuda, me ko ka hale o kā ʻIseraʻela, a e hele pū mai nō lākou mai ka ʻāina o ka ʻākau mai, a i ka ʻāina aʻu i hāʻawi aku ai i ʻāina hoʻoili no kou poʻe mākua.

KA WĀNANA A ʻEZEKIʻELA 34:11

¶ No ka mea, ke ʻī mai nei Iēhova ka Haku, penei, “Eia hoʻi, ʻo wau, e ʻimi nō wau i kaʻu mau hipa, a huli hoʻi iā lākou.

KA WĀNANA A ʻEZEKIʻELA 34:13

“A e lawe mai au iā lākou mai nā lāhui kanaka mai, a e hōʻuluʻulu iā lākou mai nā ʻāina mai, a e lawe mai iā lākou i ko lākou ʻāina iho, a e hānai au iā lākou ma luna o nā mauna o kā ʻIseraʻela, ma nā muliwai hoʻi, a ma nā wahi i noho ʻia a pau o ka ʻāina.

KA WĀNANA A ʻEZEKIʻELA 34:22

“No laila, e hoʻōla au i kaʻu ʻohana, ʻaʻole loa aku lākou he waiwai pio; a e hoʻoponopono hoʻi au i waena o ka hipa a me ka hipa.

KA WĀNANA A ʻEZEKIʻELA 34:31

“A ʻo ʻoukou, kuʻu ʻohana, ka ʻohana o kuʻu ʻāina, he poʻe kānaka; a ʻo wau ko ʻoukou Akua,” wahi a Iēhova ka Haku.

KA WĀNANA A ʻEZEKIʻELA 36:37

¶ ‘Ke ʻī mai nei Iēhova ka Haku, penei, “E nīnau ʻia hoʻi au no kēia e ka ʻohana a ʻIseraʻela, e hana aku ia mea no lākou; e hoʻonui aku au iā lākou i kānaka me he ʻohana hipa lā.

KA WĀNANA A ʻEZEKIʻELA 37:21

“A e ʻōlelo aku ʻoe iā lākou, ‘Ke ʻī mai nei Iēhova ka Haku, penei, “Aia hoʻi, e lawe mai au i ka poʻe mamo a ʻIseraʻela mai waena mai o nā lāhui kanaka kahi i hele aku ai lākou, a e hōʻuluʻulu au iā lākou ma kēlā ʻaoʻao kēia ʻaoʻao, a e lawe mai iā lākou i loko o ko lākou ʻāina.

HOSEA 1:11

A e hoʻākoakoa ʻia mai nā mamo a Iuda, a me nā mamo a ʻIseraʻela, ma kahi hoʻokahi, A e hoʻonoho lākou i hoʻokahi aliʻi no lākou; A e piʻi aʻela lākou mai ka ʻāina mai; No ka mea, nani ka manawa o Iezereʻela.

ʻAMOSA 1:12

“A e hoʻolei aku au i ke ahi i loko o Temana, A e hoʻopau aku ia i nā hale aliʻi o Bozera.”

MIKA 2:13

“Ua piʻi aʻe ka mea wāwahi i mua o lākou; Ua wāwahi iho lākou, a ua komo lākou ma ka puka pā, a ua hele aku ma laila; A e hele ko lākou aliʻi i mua o lākou, ʻO Iēhova ma ko lākou poʻo.”

MIKA 4:8

“A ʻo ʻoe, e ka hale kiaʻi o ka poʻe holoholona, Ka puʻu o ke kaikamahine a Ziona, E hele mai nō ia i ou lā, ʻO ke aliʻi ʻana ma mua; E hele mai ke aupuni i ke kaikamahine o Ierusalema.

MIKA 5:7

¶ A ʻo ke koena o Iakoba I waena o nā lāhui kanaka he nui, E like ia me ka hau mai o Iēhova mai, Me ka ua ma luna o ka weuweu, Ka mea kali ʻole no ke kanaka, ʻAʻohe hoʻi e hoʻokaʻulua no ke keiki a ke kanaka.

MIKA 5:8

A lilo ke koena o Iakoba I waena o ko nā ʻāina ʻē, I waena o nā lāhui kanaka he nui, E like me ka liona i waena o nā holoholona o ka ulu lāʻau, E like me ka liona ʻōpio i waena o ka ʻohana hipa; No ka mea, i kona hele ʻana aʻe, Hehi iho i lalo, a e haehae wale, ʻAʻohe mea nāna e hoʻopakele.

MIKA 7:14

¶ E hānai ʻoe i kou poʻe kānaka me kou koʻokoʻo, Ka poʻe o kou hoʻoilina, Ka poʻe e noho mehameha ana ma ka ulu lāʻau, I waena o Karemela; E ʻai lākou ma Basana, a ma Gileada, E like me ka manawa kahiko.

MIKA 7:18

ʻO wai lā ke Akua e like me ʻoe, e kala ana i ka hewa, A e māʻalo aʻe ana i ka hala o ke koena o kona hoʻoilina? ʻAʻole ia e hoʻomau loa aku i kona inaina; No ka mea, ke makemake nei nō ia i ke aloha.

ZEPANIA 3:20

“Ia manawa nō naʻu ʻoukou e alakaʻi mai, I ka manawa aʻu e hōʻuluʻulu ai iā ʻoukou; A e hoʻokaulana au i ko ʻoukou inoa no ka hoʻomaikaʻi ʻia i waena o nā kānaka a pau o ka honua, I kuʻu wā e hoʻihoʻi mai ai i ko ʻoukou pio ʻana, i mua o ko ʻoukou mau maka,” wahi a Iēhova.