MIKA 2:11 - Ka Baibala Hemolele

¹¹ “Inā e hele ke kanaka ma ka makani, a ma ka hoʻopunipuni, A wahaheʻe ʻo ia, i ka ʻī ʻana aʻe, ‘E wānana aku au iā ʻoe no ka waina, a me ka mea inu ʻawaʻawa’; ʻO ia nō ke kāula o kēia poʻe kānaka.

MIKA 2:11 Iomraidhean Croise

KA BUKE MUA NO NĀ ALIʻI 13:18

ʻŌlelo akula ʻo ia, “He kāula nō hoʻi au e like me ʻoe, a ua ʻōlelo mai nei ka ʻānela iaʻu ma ka ʻōlelo a Iēhova, ʻī maila, ‘E hoʻihoʻi mai ʻoe iā ia me ʻoe i loko o kou hale e ʻai ʻo ia i ka berena, a inu hoʻi i ka wai.’” Hoʻopunipuni mai nō ia iā ia.

KA BUKE MUA NO NĀ ALIʻI 22:6

A laila hōʻuluʻulu aʻela ke aliʻi o ʻIseraʻela i nā kāula, ʻehā haneri kānaka paha, nīnau akula iā lākou, “E piʻi anei au i Ramota Gileada e kaua, ʻaʻole paha, ʻeā?” Haʻi maila hoʻi lākou, “E piʻi; no ka mea, e hāʻawi mai nō ka Haku iā ia i loko o ka lima o ke aliʻi.”

KA BUKE NO IOBA 31:5

¶“Inā ua hele au ma ka wahaheʻe, Inā ua lalelale kuʻu wāwae i ka hoʻopunipuni;

NĀ ʻŌLELO AKAMAI A SOLOMONA 25:14

ʻO nā ao a me ka makani ua ʻole, ʻO ia ke kanaka e haʻanui ana no ka makana hoʻopunipuni.

KA WĀNANA A ʻISAIA 28:7

Ua kūnewanewa lākou nei, no ka waina, Ua hīkākā lākou no ka inu ʻawaʻawa, Ua kūnewanewa ke kahuna pule, a me ke kāula no ka inu ʻawaʻawa, Ua oki loa lākou i ka waina, Ua hīkākā lākou no ka inu ʻawaʻawa, Ua kūnewanewa lākou ma ka hihiʻo, Ua kūlanalana ko lākou hoʻoponopono ʻana.

KA WĀNANA A ʻISAIA 9:15

ʻO ka lunakahiko a me ka mea koʻikoʻi, ʻo ia ke poʻo, ʻO ke kāula i aʻo mai i ka wahaheʻe, ʻo ia ka huelo.

KA WĀNANA A IEREMIA 14:14

A laila, ʻōlelo maila ʻo Iēhova iaʻu, “Ke wānana nei nā kāula i ka wahaheʻe ma koʻu inoa. ʻAʻole au i hoʻouna aku iā lākou, ʻaʻole hoʻi au i kauoha akula iā lākou, ʻaʻole hoʻi au i ʻōlelo iā lākou. Ke wānana nei lākou iā ʻoukou i hihiʻo wahaheʻe, a me ka ʻanāʻanā, a me ka mea hope ʻole, a me ka wahaheʻe o ko lākou naʻau.

KA WĀNANA A IEREMIA 23:14

“Ua ʻike nō hoʻi au i ka mea ʻinoʻino loa i loko o nā kāula o Ierusalema; Moekolohe nō lākou, a hele ma ka wahaheʻe. Hoʻoikaika nō hoʻi lākou i nā lima o ka poʻe hana hewa, I hoʻi ʻole mai kekahi, mai kona hewa mai. Ua like nō lākou a pau iaʻu me ko Sodoma, A ʻo ka poʻe hoʻi e noho ana ma laila, ua like nō me ko Gomora.

KA WĀNANA A IEREMIA 23:17

“Ke ʻōlelo ikaika mai nei lākou i ka poʻe hoʻowahāwahā mai iaʻu, ‘Ua ʻōlelo mai ʻo Iēhova, “E loaʻa iā ʻoukou ka maluhia’; A ʻōlelo nō hoʻi lākou i kēlā mea i kēia mea i hele ma muli o ka paʻakikī o kona naʻau iho, ‘ʻAʻohe hewa e hiki mai ana ma luna o ʻoukou.’

KA WĀNANA A IEREMIA 23:25

¶ “Ua lohe nō wau i nā mea a nā kāula i ʻōlelo ai, ka poʻe i wānana wahaheʻe ma koʻu inoa, me ka ʻōlelo iho, ‘Ua moeʻuhane au, ua moeʻuhane au.’

KA WĀNANA A IEREMIA 23:32

“Aia hoʻi, ke kūʻē nei au i ka poʻe wānana iho i nā moeʻuhane wahaheʻe,” wahi a Iēhova, “a haʻi aʻe ia mau mea, a alakaʻi hewa i koʻu poʻe kānaka, i kā lākou mau mea wahaheʻe, a i kā lākou kaena ʻana; ʻaʻole naʻe au i hoʻouna iā lākou, ʻaʻole i kauoha aku iā lākou; no laila, ʻaʻole lākou e hoʻopōmaikaʻi iki i kēia poʻe kānaka,” wahi a Iēhova.

KA WĀNANA A IEREMIA 28:15

A laila, ʻōlelo maila ke kāula, ʻo Ieremia, iā Hanania, ke kāula, “E hoʻolohe mai ʻoe, e Hanania; ʻaʻole i hoʻouna mai ʻo Iēhova iā ʻoe; akā, ke hoʻohilinaʻi nei ʻoe i kēia poʻe kānaka i ka wahaheʻe.

KA WĀNANA A IEREMIA 5:31

“Wānana wahaheʻe mai nā kāula, A ma o lākou lā i noho aliʻi ai nā kāhuna; A ua makemake koʻu poʻe kānaka ia mea; A pehea hoʻi ʻoukou e hana ai i ka hopena o ia mea?

KE KANIKAU A IEREMIA 2:14

Ua ʻike kou mau kaula i nā mea hewa, a me nā mea lapuwale nou; ʻAʻole naʻe lākou i wehe i ka pale o kou hewa, I mea e hoʻihoʻi ai i kou pio ʻana; Akā, ua ʻike lākou i nā wānana wahaheʻe nou, a me nā hoʻowalewale.

KA WĀNANA A ʻEZEKIʻELA 13:22

“No ka mea, me ka wahaheʻe ʻana ua hoʻokaumaha ʻoukou i ka naʻau o ka mea pono, i hoʻokaumaha ʻole ʻia e aʻu; a ua hoʻoikaika ʻoukou i nā lima o ka mea hewa i huli ʻole ai ʻo ia mai kona ʻaoʻao hewa mai, ma ka ʻōlelo hoʻopōmaikaʻi ʻana iā ia i ke ola.

HOSEA 7:14

ʻAʻole lākou i auē mai iaʻu me ko lākou naʻau, i ka wā a lākou i auē ai ma luna o ko lākou wahi moe: Ua hoʻākoakoa lākou iā lākou iho no ka ʻai, a no ka waina hou, a ua kipi mai lākou iaʻu.

MIKA 3:11

Ua hoʻoponopono ka luna ona no ka uku, A ua aʻo aku kāna mau kāhuna no ke kumu, A ua wānana kāna mau kāula no ke kālā; Akā, e hilinaʻi lākou ma luna o Iēhova, i ka ʻī ʻana aʻe, “ʻAʻole anei ʻo Iēhova i waena o kākou? ʻAʻole e hiki mai ka ʻino ma luna o kākou.”

MIKA 3:5

¶ Pēnēia i ʻōlelo mai ai ʻo Iēhova no nā kāula, Ka poʻe i hoʻoʻauana i kuʻu poʻe kānaka, Ka poʻe i nahu me ko lākou niho, A kāhea aku, “Ua maluhia”; A ʻo ka mea hāʻawi ʻole aku no ko lākou waha, Hoʻomākaukau nō lākou i ke kaua iā ia.

ʻO KA ʻEPISETOLE A PAULO KA LUNAʻŌLELO I KO ROMA 16:18

No ka mea, ke mālama ʻole nei ua poʻe lā i ka Haku iā Iesū Kristo; akā, i ko lākou ʻōpū iho nō; a ma ka malimali a me ka ʻōlelo hoʻomaikaʻi, ke hoʻowalewale nei lākou i nā naʻau o ka poʻe noʻonoʻo ʻole.

ʻO KA ʻEPISETOLE A PAULO KA LUNAʻŌLELO I KO PILIPI 3:19

ʻo ka make ko lākou hope, ʻo ka ʻōpū hoʻi ko lākou akua, a ma ka mea hilahila ko lākou nani, ke manaʻo nei hoʻi lākou i nā mea o ka honua.)

ʻO KA ʻEPISETOLE HOʻOLAHA MUA A IOANE 4:1

¶ E nā punahele, mai manaʻoʻiʻo aku ʻoukou i nā ʻuhane a pau; akā, e hoʻāʻo aku i nā ʻuhane, no ke Akua mai paha, ʻaʻole paha; no ka mea, ua nui nō nā kāula wahaheʻe i hele aku i waena o ke ao nei.