MIKA 1:8 - Ka Baibala Hemolele

⁸ ¶ No kēia mea, e auwē iho au, a e ʻaoa, A e hele wale au, me ke kapa ʻaʻahu ʻole; E hoʻohālike au i ka auē ʻana me ko ka ʻīlio hihiu, A i ka ʻalalā ʻana me ko ka iana wahine.

MIKA 1:8 Iomraidhean Croise

KA BUKE ʻALUA NO NĀ ALIʻI 18:13

¶ A i ka ʻumikumamāhā o ka makahiki o Hezekia ke aliʻi, hele kūʻē mai ʻo Senakeriba, ke aliʻi o ʻAsuria, i nā kūlanakauhale a pau o kā Iuda, i paʻa i ka pā pōhaku, a hoʻopio ihola iā lākou.

KA BUKE NO ʻESETERA 4:1

¶ A ʻike aʻela ʻo Moredekai i nā mea a pau i hana ʻia ai, a laila, haehae ihola ia i kona ʻaʻahu, a komo ia i ke kapa ʻinoʻino, a me ka lehu, a puka akula i waho i waena o ke kūlanakauhale, a uē ihola, he uē nui ʻehaʻeha loa.

KA BUKE NO IOBA 30:29

“Ua lilo au i hoahānau no nā ʻīlio hae, A i hoalauna no nā iana.

KA BUKE O NĀ HALELŪ 102:6

Ua like nō au me ka pelikana o ka wao nahele; Ua like nō hoʻi au me ka pueo o ka wao akua.

KA WĀNANA A ʻISAIA 13:21

Ma laila nō e moe ai nā holoholona o ka wao nahele; A e piha nō hoʻi ko lākou hale i nā ʻaoa; E noho nō ma laila ka iana, A e haʻa wale nā kao hihiu ma laila.

KA WĀNANA A ʻISAIA 13:22

E hae nō nā ʻīlio hae ma ko lākou hale aliʻi, A me nā ʻīlio hihiu ma ko lākou mau halelewa. Ua kokoke mai nō kona manawa, ʻAʻole hoʻi e hoʻolōʻihi ʻia kona mau lā.

KA WĀNANA A ʻISAIA 16:9

No laila, me aʻu i uē ai no Iazera, Pēlā nō wau e uē ai no ke kumu waina o Sibema; E hoʻopulu aku au iā ʻoe i kuʻu waimaka, e Hesebona, a me ʻEleale; No ka mea, ua hāʻule ka hoʻōho kaua ma luna o kou kau ʻai a me kou ʻohi ʻai ʻana.

KA WĀNANA A ʻISAIA 21:3

No laila i piha ai koʻu pūhaka i ka ʻeha, Ua loʻohia au i ke nahu kuakoko, E like me ke kuakoko o ka wahine hānau keiki; Kūpaka au i kuʻu lohe ʻana, Makaʻu nō hoʻi au i kuʻu ʻike ʻana.

KA WĀNANA A ʻISAIA 22:4

No laila au i ʻōlelo ai, “E huli aʻe ʻoukou mai oʻu aku nei, e uē nui loa ana au; Mai hoʻoikaika e hoʻomaha mai iaʻu, No ka luku ʻia o ke kaikamahine o koʻu poʻe kānaka.”

KA WĀNANA A ʻISAIA 32:11

E haʻalulu ʻoukou, e ka poʻe e noho nanea ana, E weliweli hoʻi ʻoukou, ka poʻe makaʻu ʻole; E wehe i ko ʻoukou lole, a e kū kohana, a e kāʻei i nā pūhaka.

KA WĀNANA A IEREMIA 4:19

¶ ʻO kuʻu ʻōpū, ʻo kuʻu ʻōpū! Ua hoʻokaʻawili ʻia au ma kuʻu naʻau; Ke kani nei koʻu naʻau i loko oʻu. ʻAʻole au e noho ʻekemu ʻole; No ka mea, ua lohe ʻoe, e kuʻu ʻuhane, I ke kani ʻana o ka pū, A me ka hoʻōho o ke kaua.

KA WĀNANA A IEREMIA 9:1

¶ Auē! Inā i lilo kuʻu poʻo i wai, A me kuʻu mau maka hoʻi i kumu waimaka, I uē aku ai au i ke ao a me ka pō, No ka poʻe i pepehi ʻia o ke kaikamahine o koʻu poʻe kānaka!

KA WĀNANA A IEREMIA 9:10

¶ E olo nō wau i ka pihe no nā mauna, me ka uē aku, A e kūmākena nō hoʻi no nā wahi mauʻu o ka wao nahele; No ka mea, ua pau lākou i ke ahi; No laila, ʻaʻole hiki kekahi ke hele ma laila, ʻAʻole hoʻi e lohe ʻia ka leo o nā holoholona. Ua holo aku nō ka manu o ka lewa, a me ka holoholona, Ua hala lākou.

KA WĀNANA A IEREMIA 9:19

“No ka mea, ua lohe ʻia ka leo o ka uē ʻana, mai Ziona mai, ‘Nani ko kākou luku ʻia! Ua hilahila loa kākou; No ka mea, ua haʻalele kākou i ka ʻāina; No ka mea, ua kipaku aku ko kākou wahi noho ai iā kākou.’”

KA WĀNANA A ʻEZEKIʻELA 32:18

“E ke keiki a ke kanaka, e auwē ʻoe no ka lehulehu o ʻAigupita, a e hoʻoiho iā lākou, iā ia, a me nā kaikamāhine o nā lāhui kanaka kaulana, i nā wahi o lalo o ka honua me ka poʻe iho i lalo i ka lua.

MIKA 2:4

“Ia lā e lawe kekahi i mele no ʻoukou, A e kanikau i ke kanikau nui, i ka ʻī ʻana aʻe, ‘I ka luku ʻana ua luku ʻia kākou; Ua hoʻololi ʻia ka hoʻoilina o kuʻu poʻe kānaka; Nani ka lawe ʻia aku ia mai oʻu lā! A no ka mea hoʻihoʻi, ua puʻunaue ʻia ko kākou mau mahina ʻai.’”

KA BUKE MUA A SAMUʻELA 19:24

A wehe aʻela ia i kona ʻaʻahu, a wānana aʻela hoʻi ia i mua o Samuʻela, a hāʻule ihola ia me ka ʻaʻahu ʻole ia lā a pau, a ia pō a pau. No ia mea, ʻōlelo aʻela lākou, “ʻO Saula anei kekahi me ka poʻe kāula?”