MIKA 1:6 - Ka Baibala Hemolele

⁶ “A e hoʻohālike au iā Samaria me he puʻu lā o ke kula, A me he wahi kanu lā no ka pā waina; A e hoʻolei iho au i nā pōhaku ona ma ke awāwa, A e hōʻike aku au i kona mau kahua.

MIKA 1:6 Iomraidhean Croise

KA BUKE ʻALUA A SAMUʻELA 17:13

“A inā paha ua komo aku ia i loko o kekahi kūlanakauhale, a laila e lawe aku kā ʻIseraʻela a pau i nā kāula i ua kūlanakauhale lā, a e kauō aku kākou ia wahi ma loko o ka muliwai, a koe ʻole ma ia wahi kekahi pōhaku liʻiliʻi.”

KA BUKE ʻALUA NO NĀ ALIʻI 18:10

A pau nā makahiki ʻekolu, hoʻopio lākou iā ia, i ke ono o ka makahiki o Hezekia, ʻo ia ka iwa o ka makahiki o Hosea ke aliʻi o kā ʻIseraʻela, ua hoʻopio ʻia ʻo Samaria.

KA BUKE ʻALUA NO NĀ ALIʻI 18:9

¶ A i ka hā o ka makahiki o Hezekia, ʻo ia ka hiku o ka makahiki o Hosea, ke keiki a ʻEla, ke aliʻi o kā ʻIseraʻela, hele kūʻē mai ʻo Salemanesera, ke aliʻi o ʻAsuria, i Samaria, a hoʻopilikia iā ia.

KA BUKE ʻALUA NO NĀ ALIʻI 19:25

¶ ‘ʻAʻole anei ʻoe i lohe i ka manawa ma mua Naʻu nō ia i hana, A i nā wā kahiko, naʻu nō ia i hoʻokumu? ʻĀnō, ua hoʻokō nō au, I lilo ai ʻoe I mea e luku ai i nā kūlanakauhale i hoʻopaʻa ʻia, a lilo i mau puʻu ʻōpala.

KA WĀNANA A ʻISAIA 17:1

¶ Ka wānana no Damaseko. “Aia hoʻi! Ua hoʻōki ʻia ʻo Damaseko, ʻaʻole ia he kūlanakauhale, E lilo nō ia i puʻu ʻōpala.

KA WĀNANA A ʻISAIA 25:12

E hoʻohiolo nō ʻo ia i ka pā kaua o kou pā kiʻekiʻe, E hana nō ʻo ia a haʻahaʻa, E hoʻohaʻahaʻa nō ma ka honua, i lalo hoʻi ma ka lepo.

KA WĀNANA A ʻISAIA 25:2

No ka mea, ua hana mai ʻoe i ke kūlanakauhale, he puʻu, I ke kūlanakauhale i paʻa i ka pā kaua, he puʻu ʻōpala; I ka hale aliʻi o nā malihini, i ʻole ia he kūlanakauhale; ʻAʻole hoʻi ia e hana hou ʻia, a i ka manawa pau ʻole.

KA WĀNANA A IEREMIA 31:5

“E kanu hou ana nō ʻoe i nā kumu waina ma nā mauna o Samaria; E kanu nō ka poʻe kanu, a e ʻai wale hoʻi.

KA WĀNANA A IEREMIA 51:25

“Aia hoʻi, ʻo wau kai kūʻē iā ʻoe, e ka mauna hoʻomake,” Wahi a Iēhova; “Ka Mea i ʻānai i ka honua a pau; A e kākāuha aku au i koʻu lima ma luna ou, A e ʻolokaʻa aku au iā ʻoe i lalo, mai nā pōhaku aku, A e hoʻolilo au iā ʻoe i mauna ʻā.

KA WĀNANA A IEREMIA 51:37

“A e lilo ʻo Babulona i mau puʻu, He wahi noho no nā ʻīlio hihiu, He mea e kāhāhā ai, a e hoʻowahāwahā ai hoʻi, Me ka mea ʻole nāna e noho.

KA WĀNANA A IEREMIA 9:11

A e hoʻolilo nō wau iā Ierusalema i mau puʻu, he noho ʻana hoʻi no nā ʻīlio hihiu; A e hoʻoneoneo nō wau i nā kūlanakauhale o kā Iuda, ʻaʻohe mea noho i loko.”

KE KANIKAU A IEREMIA 4:1

¶ Nani ka mae wale ʻana o ke gula! A me ke ʻano ʻē ʻana o ke gula maikaʻi! Ua hoʻolei ʻia nā pōhaku o kahi hoʻāno ma ke poʻo o nā alanui a pau.

KA WĀNANA A ʻEZEKIʻELA 13:14

“Pēlā e wāwahi ai au i ka pā a ʻoukou i hamo ai me ka puna ikaika ʻole, a e hoʻohaʻahaʻa i lalo a i ka lepo, i ʻike ʻia kona kumu, a e hina ʻia, a e hoʻopau pū iā ʻoukou i waenakonu ona; a e ʻike hoʻi ʻoukou ʻo wau nō Iēhova ka Haku.

HOSEA 13:16

E hoʻopaʻi ʻia auaneʻi ko Samaria; No ka mea, ua kipi aku ia i kona Akua; E hāʻule auaneʻi lākou ma ka pahi kaua; E ʻulupā ʻia kā lākou mau keiki liʻiliʻi, A ʻo kā lākou poʻe wāhine hāpai e kaha ʻia aku.

ʻAMOSA 5:11

No ia mea, no ko ʻoukou hehi ʻana ma luna o ka ʻilihune, A ke lawe nei ʻoukou i ka ʻai makana mai ona aku lā; Ua hana ʻoukou i nā hale pōhaku i kālai ʻia, Akā, ʻaʻole ʻoukou e noho i loko o lākou; Ua kanu ʻoukou i nā pā waina maikaʻi, Akā, ʻaʻole ʻoukou e inu i ka waina o lākou.

ʻAMOSA 6:8

¶ Ua hoʻohiki ʻo Iēhova ka Haku, ma kona ola, wahi a Iēhova, ke Akua o nā kaua, “Ke hoʻopailua nei au i ka haʻaheo o Iakoba, A ke hoʻowahāwahā nei hoʻi i kona mau hale aliʻi; No laila, e hoʻolilo aku ai au i ke kūlanakauhale, a me kona mea i piha ai.”

MIKA 3:12

No laila, no ʻoukou E hoʻōʻō palau ʻia ʻo Ziona me he kīhāpai lā, A e lilo ʻo Ierusalema i mau puʻu, A ʻo ka mauna o ka hale e like me nā wahi kiʻekiʻe o ka ulu lāʻau.

HABAKUKA 3:13

Ua hele aku ʻoe e hoʻōla i kou poʻe kānaka, E hoʻopakele i kou mea i poni ʻia; Ua ʻulupā ʻoe i ke poʻo o ka mea no ka ʻohana hewa, Ua hōʻike aʻe i ka hohonu, a hiki i ka ʻāʻī. Sila.

KA ʻEUANELIO I KĀKAU ʻIA AI E MATAIO 24:2

ʻĪ maila ʻo Iesū iā lākou, “Ke ʻike nei anei ʻoukou i kēia mau mea a pau? He ʻoiaʻiʻo kaʻu e ʻōlelo aku nei iā ʻoukou, e pau ia mau mea i ka hoʻohiolo ʻia; ʻaʻole e koe kekahi pōhaku ma luna o kekahi pōhaku.”