MIKA 1:5 - Ka Baibala Hemolele

⁵ No ka lawehala ʻana o kā Iakoba kēia mea a pau, a no nā hewa o ko ka hale o ʻIseraʻela. He aha ka hala o kā Iakoba? ʻAʻole anei ʻo Samaria? A ʻo wai nā wahi kiʻekiʻe o Iuda? ʻAʻole anei ʻo Ierusalema?

MIKA 1:5 Iomraidhean Croise

KA BUKE MUA NO NĀ ALIʻI 11:7

A laila hana aʻela ʻo Solomona i wahi kiʻekiʻe no Kemosa ka mea inaina ʻia ʻo kā Moaba, ma ka puʻu ma mua o Ierusalema, a no Moleka ka mea inaina ʻia o nā mamo a ʻAmona.

KA BUKE MUA NO NĀ ALIʻI 13:32

“No ka mea, ʻo ka ʻōlelo āna i hea kūʻē aku ai i ke kuahu ma Betela ma ka ʻōlelo a Iēhova, a i nā hale a pau o nā wahi kiʻekiʻe ma loko o nā kūlanakauhale o Samaria, e kō ʻiʻo auaneʻi nō ia.”

KA BUKE MUA NO NĀ ALIʻI 16:24

Kūʻai lilo maila ʻo ia me Semera, i ka puʻu Samaria, i nā tālena kālā ʻelua, a kūkulu aʻela ma luna o ka puʻu, a kapa aʻe i ka inoa o ke kūlanakauhale āna i hana ai, ʻo Samaria, ma muli o ka inoa ʻo Semera ka haku ʻāina o ka puʻu.

KA BUKE ʻALUA O KA ʻOIHANA ALIʻI 34:3

I ka makahiki ʻewalu o kona aliʻi ʻana, i kona wā ʻōpiopio nō, hoʻomaka ihola ia e ʻimi i ke Akua o Dāvida, ʻo kona kupuna; a i ka makahiki ʻumikumamālua, hoʻomaka ihola ia e hoʻokaʻawale, mai kā Iuda a me ko Ierusalema aku, i nā wahi kiʻekiʻe, a me nā kiʻi no ʻAsetarota, a me nā kiʻi i kālai ʻia, a me nā kiʻi i hoʻoheheʻe ʻia.

KA BUKE ʻALUA O KA ʻOIHANA ALIʻI 34:4

A wāwahi lākou i mua ona i nā kuahu o Baʻala, a kua ʻo ia i lalo i ke kiʻi ma luna iho o ia mau mea, a me nā kiʻi no ʻAsetarota, a me nā kiʻi i kālai ʻia, a me nā kiʻi i hoʻoheheʻe ʻia, wāwahi ihola ʻo ia, a kuʻi palu ihola, a lūlū ihola ʻo ia ia mea ma luna o nā ilina o ka poʻe i mōhai aku ia mau mea.

KA WĀNANA A ʻISAIA 7:9

“ʻO Samaria nō ke poʻo o ʻEperaima, a ʻo ke poʻo hoʻi o Samaria, ʻo ia ke keiki a Remalia. I ʻole ʻoukou e manaʻoʻiʻo i kēia, ʻaʻole ʻoukou e malu.”’”

KA WĀNANA A IEREMIA 2:17

“ʻAʻole anei nāu iho i hana i kēia ma luna ou, I kou haʻalele ʻana iā Iēhova, i kou Akua, Iā ia i alakaʻi aku ai iā ʻoe ma ke ala?

KA WĀNANA A IEREMIA 2:19

“Na kou hewa iho nō e paʻipaʻi iā ʻoe, A na kou mau lawehala e aʻo mai iā ʻoe. E ʻike hoʻi ʻoe, a e hoʻomaopopo, he mea ʻino, A he mea walania hoʻi kou haʻalele ʻana iā Iēhova, i kou Akua, A me ka noho ʻole ʻana o ka makaʻu iaʻu i loko ou,” Wahi a Iēhova, ka Haku o nā kaua.

KA WĀNANA A IEREMIA 23:13

¶ “Ua ʻike nō au i ka lapuwale ma loko o nā kāula o Samaria, A wānana aʻe lākou ma o Baʻala lā, A alakaʻi hewa ihola i koʻu poʻe kānaka, i kā ʻIseraʻela.

KA WĀNANA A IEREMIA 23:14

“Ua ʻike nō hoʻi au i ka mea ʻinoʻino loa i loko o nā kāula o Ierusalema; Moekolohe nō lākou, a hele ma ka wahaheʻe. Hoʻoikaika nō hoʻi lākou i nā lima o ka poʻe hana hewa, I hoʻi ʻole mai kekahi, mai kona hewa mai. Ua like nō lākou a pau iaʻu me ko Sodoma, A ʻo ka poʻe hoʻi e noho ana ma laila, ua like nō me ko Gomora.

KA WĀNANA A IEREMIA 4:18

“Na kou ʻaoʻao, a me kāu hana ʻana I hoʻokau mai i kēia mau mea ma luna ou; Nou nō kēia hewa, He walania hoʻi ia; No ka mea, ua komo loa nō i loko o kou naʻau.”

KA WĀNANA A IEREMIA 5:25

‘Na ko ʻoukou hewa i hoʻohuli aku i kēia mau mea, A na ko ʻoukou hala i hoʻopaʻa i nā mea maikaʻi, i loaʻa ʻole iā ʻoukou.

KA WĀNANA A IEREMIA 6:19

“E hoʻolohe mai, e ka honua! Aia hoʻi, e lawe mai ana nō wau i ka hewa ma luna o kēia poʻe kānaka, I ka hua hoʻi o ko lākou manaʻo iho; No ka mea, ʻaʻole lākou i hoʻolohe mai i kaʻu mau ʻōlelo, ʻAʻole hoʻi i koʻu kānāwai; akā, hōʻole lākou ia.

KE KANIKAU A IEREMIA 5:16

Ua hāʻule ka pāpale aliʻi o ko mākou mau poʻo; Auē hoʻi mākou i kā mākou hana hewa ʻana.

KA WĀNANA A ʻEZEKIʻELA 16:46

“A ʻo kou kaikuaʻana, ʻo Samaria ia, ʻo ia me kāna mau kaikamāhine e noho ana ma kou lima hema. A ʻo kou kaikaina e noho ana ma kou lima ʻākau, ʻo ia ʻo Sodoma a me kāna mau kaikamāhine.

HOSEA 7:1

¶ I ka wā aʻu e hoʻihoʻi aku ai i ke pio ʻana o kuʻu poʻe kānaka, I kuʻu hoʻōla ʻana i kā ʻIseraʻela, a laila hōʻike ʻia mai ka hewa o ʻEperaima, A me nā mea ʻino o ko Samaria; No ka mea, ua hana lākou i ka wahaheʻe; A komo mai ka ʻaihue ma loko, A hao wale ka poʻe pōā ma waho.

ʻAMOSA 6:1

¶ Auē ka poʻe palaka ma Ziona, A hilinaʻi hoʻi ma ka mauna ʻo Samaria; Ka poʻe i ʻōlelo ʻia, ʻo nā poʻokela o nā lāhui kanaka, I o lākou lā i hele mai kā ʻIseraʻela!

ʻAMOSA 7:9

“A e hoʻoneoneo ʻia nā wahi kiʻekiʻe o ʻIsaʻaka, A e wāwahi ʻia nā wahi hoʻāno o kā ʻIseraʻela; A e kūʻē aku au i ka hale o Ieroboama me ka pahi kaua.”

ʻAMOSA 8:14

“ʻO ka poʻe e hoʻohiki ma ka hewa o Samaria, a ʻī iho, ‘E ola ana kou Akua, e Dana; a e ola ana ka ʻaoʻao o Beʻereseba’; E hāʻule nō hoʻi lākou, ʻaʻole loa e ala hou aʻe.”

MIKA 1:13

E ka mea e noho lā ma Lakisa, E hoʻopaʻa i ka hale kaʻa i ka lio māmā; ʻO ia ke poʻo o ka hewa no ke kaikamahine o Ziona; No ka mea, ua loaʻa nā lawehala o kā ʻIseraʻela i loko ou.