MIKA 1:4 - Ka Baibala Hemolele

⁴ A heheʻe nā mauna ma lalo iho ona, A e wāhi ʻia nā awāwa, E like me ke kēpau i mua o ke ahi, A me ka wai i ninini ʻia ma kahi pali.

MIKA 1:4 Iomraidhean Croise

KA BUKE O NĀ HALELŪ 46:6

Kūpikipikiʻō aʻela nā lāhui kanaka, Nāueue aʻela nā aupuni; Hāʻawi maila ʻo ia i kona leo, Heheʻe ihola ka honua.

KA BUKE O NĀ HALELŪ 68:2

Me he uahi lā i puhi ʻia aku, pēlā e hoʻopuehu ai ʻoe iā lākou; Me ka pīlali i heheʻe ai i mua o ke ahi, Pēlā e make ai ka poʻe hewa i mua o ke Akua.

KA BUKE O NĀ HALELŪ 97:5

Heheʻe wale nā mauna me he kēpau lā i ke alo o Iēhova, I ke alo o ka Haku hoʻi o ka honua a pau.

ʻAMOSA 9:5

¶ A ʻo Iēhova, ka Haku o nā kaua, ʻO ia ka Mea e hoʻopā i ka ʻāina, a e heheʻe iho nō ia; A e auē iho ka poʻe a pau e noho ana i loko ona; A e ea aʻe ia me he Muliwai lā a puni ona; A e hālana aʻe e like me ka Muliwai o ʻAigupita.

NAHUMA 1:5

Ua hoʻonaue ʻia nā mauna e ia, A ua heʻe ihola nā puʻu; Neʻeneʻe ka ʻāina iā ia iho mai kona alo aʻe, A ʻo ka honua, a me nā mea a pau e noho ana i loko.

HABAKUKA 3:10

ʻIke aku nā mauna iā ʻoe, haʻalulu ihola; A holo akula ka wai nui, A hoʻopuka mai ka hohonu i kona leo, Hoʻokiʻekiʻe aʻela ia i kona mau lima i luna.

HABAKUKA 3:6

Kū aʻela ia, a ana akula i ka honua, Nānā aʻela ia, a hoʻohaʻalulu i nā lāhui kanaka; Ua hoʻoheleleʻi ʻia nā mauna kahiko, A ua hoʻohaʻahaʻa ʻia nā puʻu mau loa; ʻO ia kona mau ʻaoʻao i ka wā kahiko.

ZEKARIA 14:4

A e kū kona mau wāwae ia lā ma luna o ka Mauna ʻOliveta, e kū ana i ke alo o Ierusalema ma ka hikina; a e nahā iho ka Mauna ʻOliveta, ma waenakonu ona, mai ka hikina a ke komohana, he awāwa nui loa; a e neʻe aku kekahi hapalua o ka mauna ma ke kūkulu ʻākau, a ʻo kekahi ma ke kūkulu hema.

KA HŌʻIKE ʻANA A IOANE KA HAIPULE 20:11

¶ ʻIke akula au i ka noho aliʻi keʻokeʻo nui, a me ka Mea e noho ana i luna iho, holo akula ka honua a me ka lani mai kona alo aku; ʻaʻole i loaʻa hou kahi no lāua.

KA BUKE NO NĀ LUNA KĀNĀWAI 5:4

“E Iēhova, i kou puka ʻana i waho o Seira, I kou hele ʻana aku, mai ka pāpū aku o ʻEdoma, Naue aʻela ka honua, kulu ka lani, Nākulukulu nō hoʻi nā ao i ka wai;