MIKA 1:16 - Ka Baibala Hemolele

¹⁶ E hoʻoʻōhule ʻoe, a e ʻako i ke oho No nā keiki o kou makemake; E hoʻomāhuahua ʻoe i kou ʻōhule ʻana, e like me ka ʻaeto; No ka mea, ua hele pio akula lākou mai ou aku lā.

MIKA 1:16 Iomraidhean Croise

KA BUKE ʻALUA NO NĀ ALIʻI 17:6

I ka makahiki ʻeiwa o Hosea, hoʻopio akula ke aliʻi o ʻAsuria iā Samaria, a lawe pio akula i kā ʻIseraʻela i ʻAsuria, a hoʻonoho ihola iā lākou ma Hala, a ma Habora ma ka Muliwai o Gozana, a ma nā kūlanakauhale o ko Media.

KA BUKE NO IOBA 1:20

¶ A laila kū aʻela ʻo Ioba, a haehae ihola i kona ʻaʻahu, a ʻako i kona poʻo, a hina i lalo i ka honua, a hoʻomana akula,

KA WĀNANA A ʻISAIA 15:2

Piʻi aku nō ia i ka heiau, ma Dibona hoʻi, Ma nā wahi kiʻekiʻe e uē ai. E ʻaoa nō ʻo Moaba, no Nebo a me Medeba; E ʻōhule nō ko lākou poʻo a pau, E pau nō ka ʻumiʻumi i ke kahi ʻia.

KA WĀNANA A ʻISAIA 22:12

¶ Ia lā, hea mai nō ka Haku, ʻo Iēhova o nā kaua, E uē, a e kūmākena, I ka ʻōhule ʻana, a me ke kāʻei kapa ʻinoʻino.

KA WĀNANA A IEREMIA 16:6

“E make nō ka poʻe nui, a me ka poʻe ʻuʻuku ma kēia ʻāina; ʻaʻole lākou e kanu ʻia, ʻaʻole e kūmākena nā kānaka no lākou, ʻaʻole e ʻokiʻoki iā lākou iho, ʻaʻole hoʻi e koli i ke oho no lākou.

KA WĀNANA A IEREMIA 4:8

“No kēia mea, e komo ʻoukou i ka lole ʻino, E kūmākena, a e ʻaoa hoʻi; No ka mea, ʻaʻole i huli aku Ka ukiuki o ke Akua, mai o kākou aku.”

KA WĀNANA A IEREMIA 47:5

“Ua hiki mai ka ʻōhule ma luna o Gaza, Ua hōʻoki loa ʻia ʻo ʻAsekelona, ʻO ke koena hoʻi o ke awāwa. Pehea lā ka lōʻihi o kou ʻokiʻoki ʻana iā ʻoe iho?

KA WĀNANA A IEREMIA 6:26

E ke kaikamahine o koʻu poʻe kānaka, E hōʻaʻahu ʻoe i kapa kūmākena, A e lūlū i ka lehu ma luna ou; A e kūmākena hoʻi ʻoe, e like me ia no ka hānau kahi, he kūmākena ʻino loa; No ka mea, e hele hoʻohikilele mai ana ka mea ʻānai iā kākou.

KA WĀNANA A IEREMIA 7:29

‘E ʻako ʻoe i kou lauoho, a e hoʻolei aku, A e olo ka pihe ma luna o nā wahi kiʻekiʻe; No ka mea, ua hōʻole ʻo Iēhova, A ua haʻalele hoʻi i ka hanauna o kona ukiuki.’

KE KANIKAU A IEREMIA 2:19

“E kū mai i luna, e uē aku i ka pō; I ka makamua o nā wati i ka pō, E ninini aku i kou naʻau me he wai lā, i mua o ka maka o ka Haku. E hāpai i kou mau lima i ona lā, no ke ola o nā keiki ʻōpiopio ou, Ka poʻe i maʻule no ka pōloli ma ke poʻo o nā alanui a pau.”

ʻAMOSA 7:11

“No ka mea, ke ʻōlelo mai nei ʻo ʻAmosa penei: ‘E make auaneʻi ʻo Ieroboama i ka pahi kaua, a e lawe pio ʻia aku kā ʻIseraʻela mai ko lākou ʻāina aku.’”

ʻAMOSA 7:17

“No ia mea, ke ʻōlelo mai nei ʻo Iēhova, penei: ‘E moekolohe kāu wahine ma ke kūlanakauhale, a ʻo kāu mau keiki kāne, a me kāu mau kaikamāhine, e hāʻule lākou i ka pahi kaua, a e puʻunaue ʻia kou ʻāina me ke kaula ana: a e make ʻoe ma ka ʻāina haumia; a e hele pio aku kā ʻIseraʻela mai ko lākou ʻāina aku.’”

ʻAMOSA 8:10

“A e hoʻolilo au i kā ʻoukou mau ʻahaʻaina i auē ʻana, A i ko ʻoukou mau mele i kanikau ʻana; A e lawe mai au i ke kapa ʻino ma luna o nā pūhaka a pau, A me ka ʻōhule ma luna o nā poʻo a pau; A e hoʻohālike au ia mea me ka auē ʻana no ke keiki kama kahi, A i ka hope o ia mea e like me ka lā ʻawaʻawa.

KA BUKE ʻALIMA A MOSE, I KAPA ʻIA KĀNĀWAI LUA 28:41

“Nāu mai nō nā keiki kāne a me nā kaikamāhine, ʻaʻole naʻe nou lākou; no ka mea, e alakaʻi pio ʻia aku lākou.