MIKA 1:12 - Ka Baibala Hemolele

¹² No ka mea, ʻo ka mea e noho ana ma Marota, Ua nāwaliwali ia no ka ʻiʻini i ka maikaʻi; Akā, iho maila ka ʻino mai Iēhova Mai ma ka puka pā o Ierusalema.

MIKA 1:12 Iomraidhean Croise

KA BUKE NO IOBA 30:26

“I ka wā i kakali ai au i ka maikaʻi, a laila hiki mai ka hewa; A ukali au i ka mālamalama, a laila hiki mai ka pouli.

KA WĀNANA A ʻISAIA 45:7

“Ka Mea nāna i hana ka mālamalama, A nāna hoʻi i hana ka pouli, Nāna i hana ka pōmaikaʻi, Nāna hoʻi i hana ka pōʻino, ʻO wau nō Iēhova, ka Mea nāna e hana kēia mau mea a pau.

KA WĀNANA A IEREMIA 14:19

¶ Ua hōʻole loa anei ʻoe i kā Iuda? Ua hoʻopailua anei kou ʻuhane iā Ziona? No ke aha lā ʻoe i pepehi mai ai iā mākou, ʻaʻole hoʻi he hoʻōla no mākou? Kakali mākou i ka malu, ʻaʻole hoʻi he pono; A i ka hoʻōla hoʻi, aia hoʻi, he pōpilikia!

KA WĀNANA A IEREMIA 8:15

Kakali kākou i ka malu; ʻaʻohe pono; A i ka manawa o ke ola, aia hoʻi, he pōpilikia!

ʻAMOSA 3:6

E puhi ʻia anei ka pū ma ke kūlanakauhale, a pīhoihoi ʻole nā kānaka? He ʻino anei ma loko o ke kūlanakauhale, ʻaʻole na Iēhova ia i hana?

MIKA 1:9

No ka mea, ʻo kona ʻeha he ʻeha make ia, a ua hiki mai ia i kā Iuda; Ua hiki mai i ka puka pā o koʻu poʻe kānaka, a i Ierusalema.

KA BUKE NO RUTA 1:20

ʻĪ akula ʻo ia iā lākou, “Mai kapa mai ʻoukou iaʻu ʻo Naomi, e kapa mai ʻoukou iaʻu ʻo Mara; no ka mea, ua hoʻokaumaha loa mai ka Mea Mana iaʻu.

KA BUKE MUA A SAMUʻELA 4:13

A hiki akula ia, aia hoʻi, e noho ana ʻo ʻEli ma luna o ka noho ma kapa alanui, e kiaʻi ana; no ka mea, pīhoihoi kona naʻau no ka pahu o ke Akua. A hiki akula ke kanaka ma ke kūlanakauhale, a haʻi aku, auē nui ihola ko ke kūlanakauhale a pau.