MALAKI 4:3 - Ka Baibala Hemolele

³ “A e hehi iho ʻoukou i ka poʻe ʻaiā; a e lilo lākou i lehu ma lalo iho o ko ʻoukou mau wāwae, i ka lā aʻu e hana ai i kēia,” wahi a Iēhova o nā kaua.

MALAKI 4:3 Iomraidhean Croise

KA BUKE MUA A MOSE, I KAPA ʻIA KINOHI 3:15

“E waiho nō au i ka inaina Ma waena o ʻolua a me ka wahine, A ma waena hoʻi o kou hua a me kona hua; Nāna e paopao iho kou poʻo, A nāu hoʻi e pākuʻikuʻi aku kona kuʻekuʻe wāwae.”

KA BUKE ʻALUA A SAMUʻELA 22:39

“Hoʻopau akula au iā lākou, me ka pepehi iho, ʻAʻole i hiki iā lākou ke kū aʻe; Aiʻa, ua hina lākou ma lalo iho o koʻu mau wāwae.

KA BUKE ʻALUA A SAMUʻELA 22:43

“A laila pākuʻikuʻi aku au iā lākou a okaoka me he lepo lā o ka honua; A hehi ihola au iā lākou a like me ka nenelu o ke alanui, A hoʻopēpē ihola au iā lākou.

KA BUKE NO IOBA 40:12

“E nānā aku i ka mea haʻaheo a pau, a e hoʻokūlou iā ia; A e hehi iho i lalo i ka poʻe hewa ma ko lākou wahi.

KA BUKE O NĀ HALELŪ 147:6

Hoʻokiʻekiʻe nō ʻo Iēhova i ka poʻe hoʻohaʻahaʻa; A hoʻohaʻahaʻa nō ʻo ia i ka poʻe hewa i lalo i ka lepo.

KA BUKE O NĀ HALELŪ 49:14

Me he mau hipa lā ua waiho ʻia lākou i ka lua kupapaʻu; E ʻai nō ka make iā lākou; E lanakila ka poʻe pono ma luna o lākou i ke kakahiaka; A e pau ʻē ko lākou nani i loko o ka lua kupapaʻu, mai kona wahi i noho ai.

KA BUKE O NĀ HALELŪ 91:13

E hehi nō hoʻi ʻoe ma luna o ka liona a me ka moʻo make; A e hahahi nō hoʻi ʻoe i ka liona ʻōpiopio a me ka moʻo nui.

KA WĀNANA A ʻISAIA 25:10

No ka mea, ma kēia mauna e hoʻomaha ai ka lima o Iēhova, A e hahi ʻia ʻo Moaba ma lalo iho ona, E like me ka hahi ʻia o ka mauʻu maloʻo ma ka puʻu ʻōpala.

KA WĀNANA A ʻISAIA 26:6

“E hahi ana nō ka wāwae ma luna ona, ʻO nā wāwae o ka poʻe i hune, a me nā kapuaʻi o ka poʻe i nele.”

KE KANIKAU A IEREMIA 1:15

“Ua hoʻowahāwahā mai ka Haku i koʻu poʻe koʻikoʻi a pau i loko oʻu, Ua kāhea mai ʻo ia i ka ʻaha kanaka e kūʻē mai iaʻu, E luku i koʻu poʻe kānaka uʻi; Ua hahi ka Haku i ka lua waina o ke kaikamahine puʻupaʻa o kā Iuda.

KA WĀNANA A ʻEZEKIʻELA 28:18

“Ua hoʻohaumia ʻoe i kou mau wahi hoʻāno Ma ka nui loa o kou mau hewa, Ma ka hewa o kou kālepa ʻana; No laila, e lawe mai au i ke ahi mai waenakonu ou, A e hoʻopau aku iā ʻoe; A e hoʻolilo au iā ʻoe i lehu ma ka honua I mua o nā maka o nā mea a pau o ka poʻe e nānā aku iā ʻoe.

KA BUKE NO DANIʻELA 7:18

‘Akā, ʻo nā haipule o ka Mea Kiʻekiʻe Loa, e lilo iā lākou ke aupuni; a iā lākou no ke aupuni ia ao aku, ia ao aku, a mau loa aku nō.’

KA BUKE NO DANIʻELA 7:27

‘Akā, ʻo ke aupuni, a me ke aliʻi ʻana, a ʻo ka nani o ke aupuni ma lalo iho o nā lani a puni, e hāʻawi ʻia mai i nā kānaka haipule o ka Mea Kiʻekiʻe, ʻo kona aupuni he aupuni mau loa ia; a ʻo nā aliʻi a pau, e hoʻokauā aku, a e mālama aku nō hoʻi iā ia.’

MIKA 5:8

A lilo ke koena o Iakoba I waena o ko nā ʻāina ʻē, I waena o nā lāhui kanaka he nui, E like me ka liona i waena o nā holoholona o ka ulu lāʻau, E like me ka liona ʻōpio i waena o ka ʻohana hipa; No ka mea, i kona hele ʻana aʻe, Hehi iho i lalo, a e haehae wale, ʻAʻohe mea nāna e hoʻopakele.

MIKA 7:10

A e ʻike kou ʻenemi ia mea, A e uhi mai ka hilahila i ka mea i ʻōlelo mai ai iaʻu, “ʻAuhea ʻo Iēhova kou Akua?” E ʻike auaneʻi koʻu mau maka iā ia; ʻĀnō e hehi ʻia ʻo ia i lalo, e like me ka lepo o nā alanui.

ZEKARIA 10:5

“A e like auaneʻi lākou me nā koa, E hehi iho ana i ka nenelu o nā alanui i loko o ke kaua; A e hoʻokaua aku lākou; No ka mea, me lākou pū ʻo Iēhova, A e hoʻohoka ʻia ka poʻe hoʻoholo lio.

MALAKI 3:17

“Noʻu nō lākou,” wahi a Iēhova o nā kaua, “i ka lā aʻu e ahu iho ai i kuʻu waiwai; a e lokomaikaʻi au iā lākou, e like me ka lokomaikaʻi ʻana o ka makua i kāna keiki nāna ia i mālama.”

ʻO KA ʻEPISETOLE A PAULO KA LUNAʻŌLELO I KO ROMA 16:20

A ʻo ke Akua e malu ai, e paopao koke mai ʻo ia iā Sātana ma lalo iho o ko ʻoukou mau wāwae. ʻO ke aloha o ko kākou Haku ʻo Iesū Kristo me ʻoukou. ʻĀmene.

KA HŌʻIKE ʻANA A IOANE KA HAIPULE 11:15

¶ Puhi aʻela ka ʻānela ʻahiku; a nui loa ihola nā leo ma ka lani, e ʻī mai ana, “Ua lilo ke aupuni o ke ao nei no ko kākou Haku, a no kona Kristo; a ʻo ia ke Aliʻi e mau loa ana i ke ao pau ʻole.”

KA HŌʻIKE ʻANA A IOANE KA HAIPULE 14:20

A ua hahi ʻia ka lua kaomi waina, ma waho o ke kūlanakauhale, a hū maila ke koko mai ka lua mai, a hiki i luna i ke kaula waha o nā lio, no nā setadia hoʻokahi tausani, me nā haneri keu ʻeono.