KA ʻEUANELIO I KĀKAU ʻIA AI E LUKA 8:1 - Ka Baibala Hemolele

¹ ¶ Eia kekahi, ma ia hope iho kaʻahele aʻela ʻo ia i nā kūlanakauhale a me nā kauhale a pau, e haʻi ana a e hōʻike ana i ka ʻōlelo maikaʻi no ke aupuni o ke Akua; me ia pū nō hoʻi ka poʻe ʻumikumamālua;

KA ʻEUANELIO I KĀKAU ʻIA AI E LUKA 8:1 Iomraidhean Croise

KA ʻEUANELIO I KĀKAU ʻIA AI E MATAIO 11:1

¶ A oki aʻela kā Iesū aʻo ʻana aku i kāna poʻe haumāna he ʻumikumamālua, hele akula ia ma laila aku, e aʻo a e ʻōlelo aku i loko o ko lākou mau kūlanakauhale.

KA ʻEUANELIO I KĀKAU ʻIA AI E MATAIO 13:19

“ʻO kēlā mea kēia mea lohe i ka ʻōlelo no ke aupuni me ka hoʻomaopopo ʻole; a laila, hele mai nō ka mea ʻino, a kāʻili aku ia i ka mea i lūlū ʻia i loko o kona naʻau. ʻO ia ka mea i lūlū ʻia ma kapa alanui.

KA ʻEUANELIO I KĀKAU ʻIA AI E MATAIO 4:23

¶ Kaʻahele aʻela ʻo Iesū ma Galilaia a puni, e aʻo mai ana i loko o ko lākou mau hale hālāwai, a e haʻi mai ana i ka ʻeuanelio no ke aupuni, a e hoʻōla ana hoʻi i ka maʻi a me ka nāwaliwali a pau o nā kānaka.

KA ʻEUANELIO I KĀKAU ʻIA AI E MATAIO 9:35

¶ Kaʻahele aʻela ʻo Iesū ma nā kūlanakauhale a pau, a me nā kauhale, e aʻo ana i loko o nā hale hālāwai o lākou, a e haʻi mai ana i ka ʻeuanelio no ke aupuni, me ka hoʻōla i nā maʻi a pau, a me nā nāwaliwali a pau o nā kānaka.

KA ʻEUANELIO I KĀKAU ʻIA AI E MAREKO 1:39

A aʻo maila ia ma ko lākou hale hālāwai ma Galilaia a pau, a mahiki akula hoʻi i nā daimonio.

KA ʻEUANELIO I KĀKAU ʻIA AI E LUKA 1:80

¶ A nui aʻela ua keiki lā, ikaika aʻela hoʻi kona manaʻo; ma nā wahi nahele nō hoʻi ia, a hiki i ka lā o kona hōʻike ʻia i kā ʻIseraʻela.

KA ʻEUANELIO I KĀKAU ʻIA AI E LUKA 20:1

¶ Eia hoʻi kekahi, i kekahi o ia mau lā, i kāna aʻo ʻana i kānaka i loko o ka luakini me ka haʻi mai i ka ʻeuanelio, kau aʻela nā kāhuna nui, a me ka poʻe kākau ʻōlelo, a me nā lunakahiko;

KA ʻEUANELIO I KĀKAU ʻIA AI E LUKA 4:18

“«Ma luna iho nei oʻu ka ʻUhane o Iēhova; No ka mea, ua poni maila ʻo ia iaʻu e haʻi aku i ka ʻeuanelio i ka poʻe ʻilihune; Ua hoʻouna mai kēlā iaʻu e lapaʻau i ka poʻe ʻehaʻeha ma ka naʻau, A e haʻi aku i ka hoʻōla ʻana i ka poʻe pio, A me ka ʻike hou ʻana i ka poʻe makapō, A e hoʻokuʻu i ka poʻe i hoʻoluhi hewa ʻia,

KA ʻEUANELIO I KĀKAU ʻIA AI E LUKA 9:6

Hele aku nō hoʻi lākou ma waena o nā kauhale e haʻi aku ana i ka ʻeuanelio, a e hoʻōla aku ana hoʻi, ma nā wahi a pau.

NĀ ʻOIHANA A KA POʻE LUNAʻŌLELO 10:38

“ʻO Iesū no Nazareta, ua poni ke Akua iā ia me ka ʻUhane Hemolele, a me ka mana; nāna nō i kaʻahele e hana maikaʻi ana, a me ka hoʻōla ʻana i nā mea a pau i hoʻoluhi ʻia e ka diabolō; no ka mea, ʻo ke Akua pū kekahi me ia.

NĀ ʻOIHANA A KA POʻE LUNAʻŌLELO 13:32

“Ke haʻi aku nei mākou i ka ʻōlelo maikaʻi iā ʻoukou, i ka ʻōlelo hoʻopōmaikaʻi i haʻi ʻia i nā kūpuna;

ʻO KA ʻEPISETOLE A PAULO KA LUNAʻŌLELO I KO ROMA 10:15

A pehea lā hoʻi e haʻi aku ai lākou ke hoʻouna ʻole ʻia aku? Penei hoʻi i palapala ʻia ai, “«Nani nā wāwae o ka poʻe i hōʻike mai i ka ʻeuanelio, i haʻi mai hoʻi i ka nūhou maikaʻi»!”