KA ʻEUANELIO I KĀKAU ʻIA AI E LUKA 7:12 - Ka Baibala Hemolele

¹² A hoʻokokoke akula ʻo ia i ka ʻīpuka o ua kūlanakauhale lā, aia hoʻi, ua hali ʻia maila ma waho kekahi kanaka make, ke keiki kama kahi a kona makuahine, he wahine kāne make ia; a nui maila ko ke kūlanakauhale me ua wahine lā.

KA ʻEUANELIO I KĀKAU ʻIA AI E LUKA 7:12 Iomraidhean Croise

KA BUKE MUA A MOSE, I KAPA ʻIA KINOHI 22:12

ʻĪ maila ia, “Mai kau aku ʻoe i kou lima ma luna o ke keiki, ʻaʻole hoʻi e mea iki aku iā ia; no ka mea, ke ʻike nei au, ua makaʻu ʻoe i ke Akua; no ka mea, ʻaʻole ʻoe i ʻauʻa i kāu keiki, i kāu keiki ponoʻī iaʻu.”

KA BUKE MUA A MOSE, I KAPA ʻIA KINOHI 22:2

ʻĪ maila ʻo ia, “E lawe aku ʻoe i kāu keiki i kāu ponoʻī, iā ʻIsaʻaka, i kāu mea āu e aloha nei, a e hele aku ʻoe i ka ʻāina ʻo Moria; ma laila ʻoe e kaumaha aku ai iā ia i mōhai kuni ma luna o kekahi puʻu aʻu e hōʻike aku ai iā ʻoe.”

KA BUKE ʻALUA A SAMUʻELA 14:7

“Aia hoʻi, ua kūʻē mai ka ʻohana a pau i kāu kauā wahine; ʻī mai lākou, ‘E hāʻawi mai ʻoe i ka mea nāna i hahau i kona hoahānau, i pepehi aku mākou iā ia, no ke ola o kona hoahānau āna i pepehi aku ai; a e hoʻopau nō hoʻi mākou i ka hoʻoilina’; pēlā nō lākou e kinai ai i kuʻu lānahu ahi i koe, ʻaʻole nō hoʻi lākou e waiho no kaʻu kāne i inoa, ʻaʻole hoʻi koena ma luna o ka honua.”

KA BUKE MUA NO NĀ ALIʻI 17:12

ʻĪ maila ka wahine, “Ma ke ola ʻana o Iēhova ʻo kou Akua, ʻaʻole oʻu pōpō palaoa, hoʻokahi wale nō piha o ka lima o ka palaoa wali ʻole, ma loko o ka barela, a he wahi ʻaila ʻuʻuku i loko o kahi ʻōmole; eia hoʻi, e ʻohi ana au i nā lālā lāʻau ʻelua e hele au i loko, a e hoʻomoʻa aʻe ia na māua me kuʻu keiki, e ʻai māua, a make.”

KA BUKE MUA NO NĀ ALIʻI 17:18

ʻŌlelo maila ka wahine iā ʻElia, “He aha ko kāua, e ke kanaka o ke Akua? Ua hele mai nei anei ʻoe i oʻu nei e hoʻākāka mai i koʻu hewa, a e pepehi mai hoʻi i kaʻu keiki?”

KA BUKE MUA NO NĀ ALIʻI 17:23

Lālau ihola ʻo ʻElia i ke keiki, a lawe iho mai loko iho o ko luna keʻena i loko o ka hale, a hāʻawi aʻela iā ia i kona makuahine; ʻī akula hoʻi ʻo ʻElia, “E ʻike hoʻi, ke ola nei kāu keiki.”

KA BUKE MUA NO NĀ ALIʻI 17:9

“E kū aʻe, a hele ʻoe i Sarepeta no Sidona, a e noho ma laila; eia hoʻi, ua kauoha aʻe nei au i kahi wahine kāne make ma laila e hānai iā ʻoe.”

KA BUKE ʻALUA NO NĀ ALIʻI 4:16

ʻĪ akula ia, “A hiki i kēia wā o kēlā makahiki, e pūliki ʻoe i keiki kāne.” ʻĪ maila kēlā, “ʻAʻole, e kuʻu haku, e ke kanaka o ke Akua; mai hoʻopunipuni ʻoe i kāu kauā wahine!”

KA BUKE ʻALUA NO NĀ ALIʻI 4:20

Hāpai aʻela ʻo ia iā ia, a hali aku iā ia i kona makuahine, a noho iho ia ma luna o kona ʻūhā a awakea, a make ihola.

KA BUKE NO IOBA 29:13

“ʻO ka hoʻomaikaʻi o ka mea ʻane make i kau mai ma luna oʻu; A hoʻohauʻoli nō au i ka naʻau o ka wahine kāne make.

ZEKARIA 12:10

¶ “A e ninini iho au ma luna o ka ʻohana a Dāvida, a ma luna o nā kānaka o Ierusalema, i ka ʻUhane o ke aloha a me ka pule; a e nānā mai lākou iaʻu i ka mea a lākou i hou mai ai, a e kanikau lākou nona, e like me ke kanikau ʻana i ke keiki ponoʻī, a e ʻehaʻeha loa lākou nona, e like me ka ʻehaʻeha ʻana o kekahi i kāna keiki hānau kahi.

KA ʻEUANELIO I KĀKAU ʻIA AI E LUKA 7:11

¶ Eia hoʻi kekahi, ia lā aʻe, hele akula ia i ke kūlanakauhale, i kapa ʻia ʻo Naina; a he nui nā haumāna āna i hele pū me ia, a me nā kānaka he nui loa.

KA ʻEUANELIO I KĀKAU ʻIA AI E LUKA 7:13

A ʻike ka Haku iā ia, hū aʻela kona aloha iā ia, ʻī maila ʻo ia iā ia, “Mai uē ʻoe.”

KA ʻEUANELIO I KĀKAU ʻIA AI E LUKA 8:42

no ka mea, he kaikamahine kama kahi kāna, he ʻumikumamālua paha kona mau makahiki, a e make ana ia. A i ko Iesū hele ʻana, hoʻokē aʻela ka ʻaha kanaka iā ia.

KA ʻEUANELIO I KĀKAU ʻIA AI E LUKA 8:52

Auē ihola lākou a pau me ke kanikau iā ia. ʻĪ maila Iesū, “Mai uē ʻoukou; ʻaʻole ia i make; akā, e hiamoe ana nō ia.”

KA ʻEUANELIO I KĀKAU ʻIA AI E IOANE 11:19

A nui ka poʻe Iudaio i hele aku i o Mareta lā, a me Maria, e hōʻoluʻolu iā lāua no ko lāua kaikunāne.

NĀ ʻOIHANA A KA POʻE LUNAʻŌLELO 9:39

Kū aʻela ʻo Petero i luna, a hele pū me lāua; a hiki akula ia, alakaʻi akula lākou iā ia i ua keʻena lā ma luna; a kū pū me ia nā wāhine kāne make a pau e uē ana, a e hōʻike ana i nā pālule, a me nā kapa komo a Doreka i hana ai i kona wā i noho pū ai me lākou.

NĀ ʻOIHANA A KA POʻE LUNAʻŌLELO 9:41

Hāʻawi akula ʻo Petero i ka lima iā ia, hoʻokū aʻela iā ia i luna; kiʻi akula ia i ka poʻe haipule, a me nā wāhine kāne make, a hōʻike akula iā ia e ola ana.

ʻO KA ʻEPISETOLE HOʻOLAHA A IAKOBO 1:27

ʻO ka haipule ʻiʻo a me ka haumia ʻole i mua i ke alo o ke Akua ʻo ka Makua, eia nō ia; e ʻike i ka poʻe makua ʻole, a me ka poʻe wāhine kāne make i ko lākou wā e pilikia ai, a e mālama hoʻi iā ia iho i haumia ʻole ia i ko ke ao nei.