KA ʻEUANELIO I KĀKAU ʻIA AI E LUKA 6:8 - Ka Baibala Hemolele

⁸ Ua ʻike ʻo ia i ko lākou manaʻo, ʻī maila ia i ke kanaka nona ka lima maloʻo, “E ala aʻe, a e kū ma waena.” Ala aʻela hoʻi ia, kū ihola.

KA ʻEUANELIO I KĀKAU ʻIA AI E LUKA 6:8 Iomraidhean Croise

KA HŌʻIKE ʻANA A IOANE KA HAIPULE 2:23

‘A e luku aku nō au i kāna mau keiki i ka make; a e ʻike auaneʻi nā ʻekalesia a pau, ʻo wau nō ka mea huli i ka ʻōpū a me ka naʻau, a naʻu nō e hāʻawi aku i kēlā mea i kēia mea o ʻoukou, e like me kā ʻoukou hana ʻana.

KA ʻEUANELIO I KĀKAU ʻIA AI E MATAIO 9:4

ʻIke ihola Iesū i ko lākou manaʻo, nīnau akula, “No ke aha lā ʻoukou e manaʻo ʻino ai i loko o ko ʻoukou naʻau?

ʻO KA ʻEPISETOLE HOʻOLAHA MUA A PETERO 4:1

¶ Ua ʻeha ʻo Iesū ma ke kino no kākou; no laila, e hoʻomākaukau nō ʻoukou i manaʻo like; no ka mea, inā e ʻeha kekahi ma ke kino, ua hoʻokaʻawale ʻia ʻo ia i ka hewa;

ʻO KA ʻEPISETOLE A PAULO KA LUNAʻŌLELO I KO HEBERA 4:13

ʻAʻohe mea nalo i kona maka; akā, ua wehe ʻia, a ua akāka loa nā mea a pau i ka maka o ka Mea iā ia kākou e haʻi aku ai.

ʻO KA ʻEPISETOLE A PAULO KA LUNAʻŌLELO I KO PILIPI 1:28

ʻaʻole hoʻi i hoʻoweliweli iki ʻia mai ʻoukou e ka poʻe ʻenemi; he hōʻailona ia iā lākou no ka make; akā, iā ʻoukou, he hōʻailona ia no ke ola, a ʻo ia hoʻi mai ke Akua mai.

NĀ ʻOIHANA A KA POʻE LUNAʻŌLELO 26:26

“Ua ʻike nō hoʻi ke aliʻi i kēia mea, ke ʻōlelo wiwo ʻole aku nei au i mua o kona alo; no ka mea, ke manaʻo nei au ʻaʻole i nalo iā ia kekahi o kēia mau mea; no ka mea, ʻaʻole i hana ʻia kēia ma kahi nalo.

NĀ ʻOIHANA A KA POʻE LUNAʻŌLELO 20:24

“ʻAʻole hoʻi au e manaʻo i kēia mau mea, ʻaʻole nō hoʻi e manaʻo wau he mea makemake noʻu kuʻu ola nei, i hoʻopau wau i koʻu hele ʻana me ka ʻoliʻoli, a me ka ʻoihana i loaʻa mai iaʻu na ka Haku mai, na Iesū; i hōʻike aku nō hoʻi au i ka ʻeuanelio o ka lokomaikaʻi o ke Akua.

KA ʻEUANELIO I KĀKAU ʻIA AI E IOANE 21:17

Nīnau hou maila ʻo Iesū iā ia, ʻo ke kolu ia, “E Simona na Iona, ke aloha mai nei anei ʻoe iaʻu?” Kaumaha ihola ʻo Petero, no ke kolu o kona nīnau ʻana iā ia, “Ke aloha mai nei anei ʻoe iaʻu?” A ʻī akula kēlā iā ia, “E ka Haku, ua ʻike ʻoe i nā mea a pau; ua ʻike hoʻi ʻoe, ua aloha au iā ʻoe.” ʻĪ maila ʻo Iesū iā ia, “E hānai ʻoe i kaʻu poʻe hipa.”

KA ʻEUANELIO I KĀKAU ʻIA AI E IOANE 9:4

“He pono noʻu e hana i nā hana a ka Mea nāna au i hoʻouna mai, ʻoiai ka lā; e hiki mai auaneʻi ka pō, ʻaʻohe kanaka e hiki ke hana i laila.

KA ʻEUANELIO I KĀKAU ʻIA AI E IOANE 2:25

ʻaʻole ona hemahema e pono ai ke hōʻike aku kekahi iā ia i ko ke kanaka; no ka mea, ua ʻike nō ia i ko loko o kānaka.

KA ʻEUANELIO I KĀKAU ʻIA AI E LUKA 5:22

ʻIke ihola ʻo Iesū i ko lākou manaʻo, ʻōlelo maila ʻo ia iā lākou, ʻī maila, “No ke aha lā ʻoukou e kūkākūkā nei i loko o ko ʻoukou naʻau?

KA WĀNANA A ʻISAIA 42:4

“ʻAʻole ia e pio, ʻaʻole hoʻi ia e uhaʻi ʻia, A hoʻokumu ʻo ia i ka pono ma ka honua nei; A e kakali nō nā mokupuni i kona kānāwai.”

KA BUKE O NĀ HALELŪ 44:21

ʻAʻole anei i ʻimi ke Akua ia mea? No ka mea, ua ʻike ʻo ia i nā mea huna o ka naʻau.

KA BUKE NO IOBA 42:2

“Ua ʻike nō au, e hiki nō iā ʻoe nā mea a pau; ʻAʻohe manaʻo ou e pono ke keʻakeʻa ʻia.

KA BUKE MUA O KA ʻOIHANA ALIʻI 29:17

“Ua ʻike nō hoʻi au, e koʻu Akua, ke hoʻāʻo mai nei ʻoe i ka naʻau, a ua ʻoluʻolu mai i ka pono. A ʻo wau nei lā, ma ka manaʻo pono o kuʻu naʻau ua hāʻawi ʻoluʻolu aku wau i nēia mau mea a pau; a ua ʻike iho nei hoʻi au me ka ʻoliʻoli i kou poʻe kānaka ma ʻaneʻi, e hāʻawi ʻoluʻolu aku ana nou.

KA BUKE MUA O KA ʻOIHANA ALIʻI 28:9

¶ “ʻO ʻoe hoʻi, e Solomona kuʻu keiki, e ʻike ʻoe i ke Akua o nā kūpuna ou, a e mālama iā ia me ka naʻau pono, a me ka manaʻo makemake; no ka mea, ke nānā mai nei ʻo Iēhova i nā naʻau a pau, a ke ʻike nei i nā ʻano a pau o nā manaʻo; inā ʻoe e ʻimi aku iā ia, e loaʻa auaneʻi ʻo ia iā ʻoe; akā, i haʻalele ʻoe iā ia, e kiola aku ʻo ia iā ʻoe a mau loa aku.

KA ʻEUANELIO I KĀKAU ʻIA AI E LUKA 6:9

ʻĪ maila ʻo Iesū iā lākou, “E nīnau aku au iā ʻoukou i kekahi mea; he pono i nā lā Sābati, ʻo ka hana maikaʻi anei, ʻo ka hana ʻino paha? ʻO ka hoʻōla anei, ʻo ka pepehi paha?”

KA ʻEUANELIO I KĀKAU ʻIA AI E MAREKO 3:3

ʻĪ maila ia i ke kanaka, nona ka lima maloʻo, “E kū mai ʻoe i waenakonu!”

KA ʻEUANELIO I KĀKAU ʻIA AI E LUKA 13:12

A ʻike maila ʻo Iesū iā ia, kāhea maila ia, ʻī maila iā ia, “E ka wahine, ua wehe ʻia ʻoe mai kou maʻi ʻana.”