KA ʻEUANELIO I KĀKAU ʻIA AI E LUKA 4:8 - Ka Baibala Hemolele

⁸ ʻŌlelo hou Iesū iā ia, ʻī aʻela, “E hele pēlā ma hope oʻu, e Sātana; no ka mea, ua palapala ʻia, ‘«E hoʻomana ʻoe i ka Haku, i kou Akua, ʻo ia wale nō kāu e mālama aku ai».’”

KA ʻEUANELIO I KĀKAU ʻIA AI E LUKA 4:8 Iomraidhean Croise

KA BUKE ʻALUA NO NĀ ALIʻI 19:15

Pule akula ʻo Hezekia i mua o Iēhova, ʻī akula, “E Iēhova ke Akua o kā ʻIseraʻela, ka mea e noho ana ma luna o nā keruba, ʻo ʻoe nō ke Akua, ʻo ʻoe wale nō, o nā aupuni a pau o ka honua; ʻo ʻoe kai hana i ka lani a me ka honua.

KA BUKE O NĀ HALELŪ 83:18

I ʻike lākou, ʻo ʻoe, ka Mea wale nō nona ka inoa ʻo IĒHOVA; ʻO ʻoe nō ka Mea Kiʻekiʻe Loa ma luna o ka honua a pau.

KA WĀNANA A ʻISAIA 2:11

E kūlou auaneʻi nā maka kiʻekiʻe o kānaka, A e hoʻohaʻahaʻa ʻia ko kānaka lana haʻakei, ʻO Iēhova wale nō ke hoʻokiʻekiʻe ʻia i kēlā lā.

KA ʻEUANELIO I KĀKAU ʻIA AI E MATAIO 16:23

Hāliu aʻela kēlā, ʻī maila iā Petero, “E hele ʻoe pēlā ma hope oʻu, e Sātana. He mea hihia ʻoe noʻu; no ka mea, ʻaʻole ʻoe e manaʻo nei e like me kā ke Akua, ʻo kā ke kanaka kāu e manaʻo nei.”

KA ʻEUANELIO I KĀKAU ʻIA AI E MATAIO 4:10

A laila, ʻōlelo maila Iesū iā ia, “E hele pēlā ʻoe, e Sātana; no ka mea, ua palapala ʻia, ‘«E hoʻomana aku ʻoe i ka Haku i kou Akua, a e mālama aku ʻoe iā ia wale nō».’”

KA ʻEUANELIO I KĀKAU ʻIA AI E LUKA 4:4

ʻŌlelo aʻela Iesū iā ia, ʻī aʻela, “Ua palapala ʻia, ‘«ʻAʻole i ka berena wale nō e ola ai ke kanaka; akā, i ka ʻōlelo a pau a ke Akua».’”

KA ʻEUANELIO I KĀKAU ʻIA AI E LUKA 4:7

No laila, inā e hoʻomana mai ʻoe iaʻu, e lilo nō ia mea a pau iā ʻoe.”

KA BUKE ʻALIMA A MOSE, I KAPA ʻIA KĀNĀWAI LUA 10:20

“E makaʻu aku ʻoe iā Iēhova i kou Akua, e hoʻokauā ʻoe nāna, a e hoʻopili aku iā ia, a e hoʻohiki ma kona inoa.

KA BUKE ʻALIMA A MOSE, I KAPA ʻIA KĀNĀWAI LUA 6:13

“E makaʻu ʻoe iā Iēhova i kou Akua, e mālama iā ia, a e hoʻohiki ʻoe ma kona inoa.

ʻO KA ʻEPISETOLE HOʻOLAHA A IAKOBO 4:7

No laila, e hoʻolohe ʻoukou i ke Akua; e pale aku hoʻi i ka diabolō, a laila e holo aku ia mai o ʻoukou aku.

ʻO KA ʻEPISETOLE HOʻOLAHA MUA A PETERO 5:9

E pale aku ʻoukou iā ia, me ke kūpaʻa ma ka manaʻoʻiʻo, me ka ʻike pono hoʻi, ua hoʻoluhi pū ʻia ko ʻoukou poʻe hoahānau, e noho ana i ke ao nei, ia luhi hoʻokahi nō.

KA HŌʻIKE ʻANA A IOANE KA HAIPULE 19:10

A moe ihola au i lalo i kona wāwae e hoʻomana iā ia. ʻĪ mai kēlā iaʻu, “Uoki kāu; ʻo wau nō kou hoa kauā, kekahi o kou poʻe hoahānau e hōʻike ana iā Iesū; e hoʻomana i ke Akua; no ka mea, ʻo ka ʻuhane iā ia ka wānana, ʻo ia kai hōʻike iā Iesū.”

KA HŌʻIKE ʻANA A IOANE KA HAIPULE 22:9

ʻĪ maila kēlā iaʻu, “Uoki kāu; no ka mea, ʻo wau nō kou hoa kauā, kekahi o nā kāula, kou mau hoahānau, ka poʻe e mālama i nā ʻōlelo o kēia buke. E hoʻomana i ke Akua.”

KA BUKE MUA A SAMUʻELA 7:3

¶ ʻŌlelo akula ʻo Samuʻela i ko ka hale a pau o kā ʻIseraʻela, ʻī akula, “Inā e hoʻi hou ʻoukou iā Iēhova me ko ʻoukou naʻau a pau, e hoʻolei aku ʻoukou i nā akua ʻē, a me ʻAsetarota, mai o ʻoukou aku, a e hoʻomākaukau i ko ʻoukou naʻau no Iēhova, a e mālama ʻoukou iā ia wale nō; a e hoʻopakele mai ʻo ia iā ʻoukou mai ka lima mai o ko Pilisetia.”