KA ʻEUANELIO I KĀKAU ʻIA AI E LUKA 4:7 - Ka Baibala Hemolele

⁷ No laila, inā e hoʻomana mai ʻoe iaʻu, e lilo nō ia mea a pau iā ʻoe.”

KA ʻEUANELIO I KĀKAU ʻIA AI E LUKA 4:7 Iomraidhean Croise

KA BUKE O NĀ HALELŪ 72:11

ʻO ia, e moe iho hoʻi nā aliʻi a pau i mua o kona alo; E pau hoʻi nā lāhui kanaka i ka mālama iā ia.

KA WĀNANA A ʻISAIA 45:14

¶ Ke ʻī mai nei ʻo Iēhova penei, “E hele mai nō i ʻaneʻi, i ou lā, Ka waiwai o ʻAigupita, a me ka mea kūʻai o ʻAitiopa, A me ko Seba, ka poʻe kānaka nunui, a e lilo lākou nou. E hahai nō lākou iā ʻoe; me ka paʻa ʻana i nā kaula hao lākou e hele mai ai, A e moe nō lākou i lalo i mua ou, E nonoi aku nō lākou iā ʻoe, me ka ʻōlelo iho, ‘He ʻoiaʻiʻo nō, me ʻoe nō ke Akua, ʻaʻohe Akua ʻē aʻe.’”

KA WĀNANA A ʻISAIA 46:6

“Ninini aku lākou i ke gula ma waho o ka ʻeke, A kaupaona hoʻi i ke kālā ma ka mea kaulike, A hoʻolimalima hoʻi i ka mea hana gula, A hana ihola ʻo ia ia mea, i akua kiʻi; Kūlou nō lākou, a moe hoʻomana akula.

KA ʻEUANELIO I KĀKAU ʻIA AI E MATAIO 2:11

Komo lākou i loko o ka hale, a ʻike akula i ua Keiki lā a me kona makuahine ʻo Maria, a moe ihola lākou, hoʻomaikaʻi akula iā ia; a wehe aʻela lākou i ko lākou waihona waiwai, hāʻawi akula lākou nāna i ke gula, a me ka libano, a me ka mura.

KA ʻEUANELIO I KĀKAU ʻIA AI E LUKA 17:16

A moe ihola i lalo ke alo, ma kona mau wāwae, hoʻomaikaʻi akula. No Samaria nō hoʻi ia.

KA ʻEUANELIO I KĀKAU ʻIA AI E LUKA 4:6

A ʻōlelo aʻela ka diabolō iā ia, “E hāʻawi aku wau iā ʻoe i kēia mana a pau a me ka nani o ia mau mea; no ka mea, ua hāʻawi ʻia mai ia iaʻu, a e hāʻawi aku hoʻi au ia mea no kaʻu mea e makemake ai.

KA ʻEUANELIO I KĀKAU ʻIA AI E LUKA 4:8

ʻŌlelo hou Iesū iā ia, ʻī aʻela, “E hele pēlā ma hope oʻu, e Sātana; no ka mea, ua palapala ʻia, ‘«E hoʻomana ʻoe i ka Haku, i kou Akua, ʻo ia wale nō kāu e mālama aku ai».’”

KA ʻEUANELIO I KĀKAU ʻIA AI E LUKA 8:28

A i kona ʻike ʻana iā Iesū, walaʻau aʻela ia, moe ihola i mua ona, kāhea aʻela me ka leo nui, “He aha kāu iaʻu, e Iesū ke Keiki a ke Akua Kiʻekiʻe Loa? Ke noi aku nei au iā ʻoe, mai hana ʻeha mai iaʻu.”

KA HŌʻIKE ʻANA A IOANE KA HAIPULE 22:8

¶ ʻO wau, ʻo Ioane nei ka mea i ʻike a i lohe hoʻi i nēia mau mea: a i ka wā aʻu i lohe ai a ʻike aku ai hoʻi, moe ihola au e hoʻomana aku ma nā wāwae o ka ʻānela nāna i hōʻike mai iaʻu i nēia mau mea.

KA HŌʻIKE ʻANA A IOANE KA HAIPULE 4:10

a laila, moe ihola ka poʻe lunakahiko he iwakāluakumamāhā, i mua o ka Mea e noho ana ma ka noho aliʻi, a hoʻomana akula i ka Mea e ola mau ana ia ao aku, ia ao aku; a hoʻolei nō hoʻi i ko lākou mau lei aliʻi i mua o ka noho aliʻi, me ka ʻī ʻana aʻe,

KA HŌʻIKE ʻANA A IOANE KA HAIPULE 5:8

A i kona lawe ʻana i ka buke, moe ihola nā mea ola ʻehā a me nā lunakahiko he iwakāluakumamāhā i mua o ke Keiki Hipa; he mau lira ko lākou a pau, a me nā hue gula, ua piha i nā mea ʻala, ʻo ia hoʻi nā pule a ka poʻe haipule.