KA ʻEUANELIO I KĀKAU ʻIA AI E LUKA 3:9 - Ka Baibala Hemolele

⁹ “ʻĀnō hoʻi, ke waiho ʻia nei ke koʻi ma ke kumu o nā lāʻau; no laila, ʻo kēlā lāʻau kēia lāʻau i hoʻohua ʻole mai i ka hua maikaʻi, ʻo ia ke kua ʻia i lalo a kiola ʻia aku i ke ahi.”

KA ʻEUANELIO I KĀKAU ʻIA AI E LUKA 3:9 Iomraidhean Croise

KA WĀNANA A ʻEZEKIʻELA 31:18

“ʻO wai lā kou mea e like ai i ka nani, a me ka nui i waena o nā lāʻau o ʻEdena? Akā, e hoʻoiho ʻoe i lalo me nā lāʻau o ʻEdena i ko lalo mau wahi o ka honua; a e moe ʻoe i waena o ka poʻe ʻoki poepoe ʻole ʻia me ka poʻe i pepehi ʻia me ka pahi kaua. ʻO ia hoʻi, ʻo Paraʻo a me kona lehulehu a pau,”’ wahi a Iēhova ka Haku.”

KA BUKE NO DANIʻELA 4:14

‘Kāhea maila ʻo ia me ka leo nui, a penei hoʻi kāna ʻōlelo ʻana, “E kua aku i ka lāʻau, a e ʻokiʻoki i kona mau lālā, E lūlū aku i kona lau, a e hoʻoheleleʻi hoʻi i kona hua; E haʻalele nā holoholona i kona malu, A me nā manu hoʻi i kona mau lālā.

KA BUKE NO DANIʻELA 4:23

‘A ʻo kāu ʻike ʻana, e ke aliʻi, i ka mea kiaʻi, he mea hemolele e iho mai ana, mai ka lani mai, e ʻōlelo ana, “E kua aku i ka lāʻau, a e hoʻopau iā ia; akā, e waiho i ke kumu o kona aʻa ma ka lepo, me ke apo hao a me ke keleawe, ma waena o nā mea uliuli o ke kula; a e hoʻopulu ʻia i ka hau o ka lani, ʻo kona kuleana aia nō ia me nā holoholona o ke kula, a hala aku nā manawa ʻehiku ma luna iho ona”;

KA ʻEUANELIO I KĀKAU ʻIA AI E MATAIO 3:10

“ʻĀnō hoʻi, ke waiho nei ke koʻi lipi ma ke kumu o nā lāʻau, a ʻo kēlā lāʻau ʻo kēia lāʻau e hua ʻole mai ana i ka hua maikaʻi, e kua ia i lalo a e kiola ʻia aku ia i ke ahi.

KA ʻEUANELIO I KĀKAU ʻIA AI E MATAIO 7:19

“ʻO kēlā lāʻau a ʻo kēia lāʻau ke hua ʻole mai ia i ka hua maikaʻi, ua kua ʻia ʻo ia i lalo, a ua kiola ʻia aku hoʻi ia i loko o ke ahi.

KA ʻEUANELIO I KĀKAU ʻIA AI E LUKA 13:6

¶ A ʻōlelo mai ʻo ia i kēia ʻōlelo nane: “He lāʻau fiku kā kekahi kanaka, ua kanu ʻia i loko o kona pā waina; a hele mai ia e ʻimi i ka hua ma luna ona, ʻaʻole i loaʻa.

KA ʻEUANELIO I KĀKAU ʻIA AI E LUKA 13:7

“A laila ʻī akula ʻo ia i ka mea nāna i mālama i ka pā waina, ‘Eia hoʻi, ʻekolu aʻe nei oʻu mau makahiki i hele mai nei e ʻimi ana i ka hua ma luna o kēia lāʻau fiku, ʻaʻole hoʻi i loaʻa iaʻu; e kua aku ia; no ke aha lā ʻo ia e hoʻopilikia ai i ka ʻāina?’

KA ʻEUANELIO I KĀKAU ʻIA AI E LUKA 13:9

e hoʻohua mai paha ia, a i ʻole hoʻi, ma ia hope iho, e kua aku ʻoe iā ia.’”

KA ʻEUANELIO I KĀKAU ʻIA AI E IOANE 15:6

“Inā e pili ʻole mai kekahi iaʻu, ua hoʻokaʻawale ʻia aku ia e like me ka lālā, a ua maloʻo; a e hōʻiliʻili ʻia lākou, a e hoʻolei ʻia i loko o ke ahi, a ua pau i ka puhi ʻia.

ʻO KA ʻEPISETOLE A PAULO KA LUNAʻŌLELO I KO HEBERA 10:28

ʻO ka mea i pale i ke Kānāwai o Mose, ua make ia me ke aloha ʻole ʻia, ma nā mea hōʻike ʻelua, ʻekolu paha.

ʻO KA ʻEPISETOLE A PAULO KA LUNAʻŌLELO I KO HEBERA 12:29

no ka mea, ʻo ko kākou Akua, he ahi ia e hoʻopau ana.