KA ʻEUANELIO I KĀKAU ʻIA AI E LUKA 3:4 - Ka Baibala Hemolele

⁴ e like me ka mea i kākau ʻia ma ka buke ʻōlelo a ʻIsaia ke kāula e ʻī ana, “«ʻO ka leo o ka mea e kala ana ma ka wao nahele, ‘E hoʻomākaukau ʻoukou i ke alanui no Iēhova, E hana hoʻi i kona mau kuamoʻo i pololei.

KA ʻEUANELIO I KĀKAU ʻIA AI E LUKA 3:4 Iomraidhean Croise

KA WĀNANA A ʻISAIA 57:14

¶ ʻŌlelo ihola ia, “E hoʻouka i ke ala, e hoʻouka i ke ala, E hoʻomākaukau i ke kuamoʻo, E kaʻikaʻi aku i nā mea e hina ai, mai ke ala aku o koʻu poʻe kānaka.”

KA WĀNANA A ʻISAIA 62:10

¶ E hele aʻe, e hele aʻe, a i loko o nā puka pā, E hoʻomākaukau i ke ala no nā kānaka; E hoʻouka, e hoʻouka i ke kuamoʻo, E hoʻopau i nā pōhaku; E kau hoʻi i ka hae no nā kānaka.

MALAKI 4:6

“A e hoʻohuli aʻe ʻo ia i ka naʻau o nā mākua i nā keiki, a me ka naʻau o nā keiki i nā mākua, o hele aku paha auaneʻi au, a hahau i ka honua i ka hōʻino ʻana.”

KA ʻEUANELIO I KĀKAU ʻIA AI E MATAIO 3:3

ʻO ia nō ka mea i ʻōlelo ʻia mai e ke kāula e ʻIsaia, i ka ʻī ʻana mai, “«Ka leo o ka mea e kala ana ma ka wao nahele, ‘E hoʻomākaukau ʻoukou i alanui no Iēhova, E hana i kona mau kuamoʻo i pololei»!’”

KA ʻEUANELIO I KĀKAU ʻIA AI E MAREKO 1:3

“Ka leo o ka mea e kala ana ma ka wao nahele, ‘E hoʻomākaukau ʻoukou i ke alanui no ka Haku, E hana i kona mau kuamoʻo, i pololei».’”

KA ʻEUANELIO I KĀKAU ʻIA AI E IOANE 1:23

Haʻi maila ia, “ʻO wau nō «ka leo e kala ana i ka wao nahele, ‘E hoʻopololei i ke alanui no Iēhova»,’ e like me kā ʻIsaia ke kāula i ʻōlelo ai.”

KA ʻEUANELIO I KĀKAU ʻIA AI E IOANE 1:7

Hele maila ʻo ia i mea hōʻike, i hōʻike ai ia no ua mālamalama lā, i manaʻoʻiʻo ai nā kānaka a pau ma ona lā.