KA ʻEUANELIO I KĀKAU ʻIA AI E LUKA 23:4 - Ka Baibala Hemolele

⁴ ʻŌlelo maila Pilato i nā kāhuna nui, a me ka ʻaha kanaka, “ʻAʻohe hewa iki o kēia kanaka i loaʻa iaʻu.”

KA ʻEUANELIO I KĀKAU ʻIA AI E LUKA 23:4 Iomraidhean Croise

KA ʻEUANELIO I KĀKAU ʻIA AI E MATAIO 27:19

A i kona noho ʻana ma ka noho hoʻokolokolo, hoʻouna maila kāna wahine i ona lā, ʻī maila, “Mai mea iki aku ʻoe i ua Kanaka hala ʻole lā; no ka mea, ua kaumaha loa wau nona i kēia lā ma ka moeʻuhane.”

KA ʻEUANELIO I KĀKAU ʻIA AI E MAREKO 15:14

A laila, nīnau maila ʻo Pilato iā lākou, “He aha ka hewa āna i hana ai?” ʻUāʻuā nui akula lākou, “E kau ʻia ʻo ia ma ke keʻa!”

KA ʻEUANELIO I KĀKAU ʻIA AI E LUKA 23:22

A ʻōlelo hou maila ia, ʻo ke kolu kēia, iā lākou, “No ke aha lā, he aha ka mea hewa āna i hana ai? ʻAʻole au i ʻike i kona hewa e pono ai ka make; no laila e hahau aku au iā ia, a hoʻokuʻu aku.”

KA ʻEUANELIO I KĀKAU ʻIA AI E IOANE 18:38

Nīnau akula ʻo Pilato iā ia, “He aha lā ka ʻoiaʻiʻo?” A i kāna ʻōlelo ʻana i kēia, hele hou maila ia ma waho i nā Iudaio, a ʻī maila iā lākou, “ʻAʻole i loaʻa iaʻu ka hewa iki i loko ona.

NĀ ʻOIHANA A KA POʻE LUNAʻŌLELO 25:25

“A ʻike akula au, ʻaʻole ia i hana i ka mea e pono ai ka make, a nāna iho i hoʻopiʻi aku iā ʻAuguseto, manaʻo paʻa au e hoʻouna aku iā ia i laila.

NĀ ʻOIHANA A KA POʻE LUNAʻŌLELO 3:13

“ʻO ke Akua o ʻAberahama, a ʻo ʻIsaʻaka, a ʻo Iakoba, ʻo ke Akua o ko kākou poʻe kūpuna, ua hoʻonani maila ia i kāna Keiki iā Iesū, i ka Mea a ʻoukou i kumakaia aku ai, a hōʻole aku iā ia i mua i ke alo o Pilato, i ka wā i manaʻo iho ai ʻo ia e hoʻokuʻu iā ia.

ʻO KA ʻEPISETOLE A PAULO KA LUNAʻŌLELO I KO HEBERA 7:26

¶ ʻO ia ke ʻano o ke kahuna e pono ai kākou, ka mea hemolele, hewa ʻole, maʻemaʻe wale, kaʻawale hoʻi i nā lawehala, a i hoʻokiʻekiʻe ʻia aʻe hoʻi ma luna o nā lani;

ʻO KA ʻEPISETOLE HOʻOLAHA MUA A PETERO 1:19

akā, me ke koko waiwai ʻiʻo o Kristo, me ko ke keiki hipa kīnā ʻole a me ka hala ʻole.

ʻO KA ʻEPISETOLE HOʻOLAHA MUA A PETERO 2:22

«Ka Mea i hana hewa ʻole, ʻaʻole hoʻi i ʻike ʻia ka ʻapaʻapa ma kona waha».

ʻO KA ʻEPISETOLE HOʻOLAHA MUA A PETERO 3:18

No ka mea, ua make nō hoʻi ʻo Kristo no ka hewa, ʻo ka mea pono no ka poʻe hewa, i alakaʻi ʻo ia iā kākou i ke Akua; ua pepehi ʻia ʻo ia ma ke kino, ua hoʻōla ʻia hoʻi ma ka ʻuhane;