KA ʻEUANELIO I KĀKAU ʻIA AI E LUKA 2:7 - Ka Baibala Hemolele

⁷ Hānau ihola ʻo ia i kāna makahiapo kāne; wahī ihola iā ia i ke kapa keiki, a hoʻomoe ihola iā ia ma kahi hānai holoholona; no ka mea, ʻaʻole wahi kaʻawale no lākou ma loko o ka hale hoʻokipa.

KA ʻEUANELIO I KĀKAU ʻIA AI E LUKA 2:7 Iomraidhean Croise

KA BUKE MUA A MOSE, I KAPA ʻIA KINOHI 42:27

A i ka wehe ʻana o kekahi i kāna ʻeke, e hāʻawi aku i ʻai na kona hoki, ma kahi oʻioʻina, ʻike aʻela ia i kāna moni; no ka mea, aia hoʻi ia ma ka waha o kāna ʻeke.

KA BUKE MUA A MOSE, I KAPA ʻIA KINOHI 43:21

a hiki akula mākou i kahi oʻioʻina, wehe aʻela mākou i kā mākou mau ʻeke, aia hoʻi ka moni a pau a mākou i loko o ka waha o nā ʻeke a mākou. A ua halihali hou mai mākou ia mea ma ko mākou mau lima.

KA BUKE O NĀ HALELŪ 22:6

¶ Akā, he ʻenuhe au, ʻaʻole he kanaka; He mea hōʻino ʻia e ko ke ao nei, A i hoʻowahāwahā ʻia e nā kānaka.

KA BUKE ʻALUA A MOSE, I KAPA ʻIA PUKA ʻANA 4:24

¶ A hiki mai hoʻi ia ma ke ala, ma loko o ka hale kipa, hālāwai maila ʻo Iēhova me ia, a ʻimi ihola e pepehi iā ia.

KA WĀNANA A ʻISAIA 7:14

“No laila, na ka Haku ponoʻī nō e hāʻawi mai iā ʻoukou i hōʻailona; aia hoʻi! E hāpai ana nō kekahi wahine puʻupaʻa, a e hānau mai hoʻi ia i keiki, a e kapa aku nō ʻo ia i kona inoa, ʻo ʻImanuʻela.

KA ʻEUANELIO I KĀKAU ʻIA AI E MATAIO 1:25

ʻaʻole naʻe i moe aku iā ia, a hiki i ka wā i hānau ai ʻo ia i kāna Makahiapo Kāne, a kapa akula ia i kona inoa ʻo Iesū.

KA ʻEUANELIO I KĀKAU ʻIA AI E MATAIO 13:55

“ʻAʻole anei kēia ke keiki a ke kamanā? ʻAʻole anei ʻo Maria ka inoa o kona makuahine? A ʻo nā hoahānau ona, ʻo Iakobo, ʻo Iose, ʻo Simona, a ʻo Iuda?

KA ʻEUANELIO I KĀKAU ʻIA AI E MATAIO 8:20

ʻĪ maila Iesū iā ia, “He mau lua ko nā ʻalopeke, he mau pūnana ko nā manu o ka lewa; akā, ʻo ke Keiki a ke Kanaka, ʻaʻohe ona wahi e hoʻomoe ai i kona poʻo.”

KA ʻEUANELIO I KĀKAU ʻIA AI E LUKA 10:34

“Hele ihola i ona lā, a wahī ihola i kona mau ʻeha e ninini ana i ka ʻaila a me ka waina i loko, a kau aʻela iā ia ma luna o kona holoholona iho, a lawe aʻela iā ia i ka hale hoʻokipa, a mālama ihola iā ia.

KA ʻEUANELIO I KĀKAU ʻIA AI E LUKA 2:6

A ʻoiai lāua ma laila, hiki kona manawa e hānau ai.

KA ʻEUANELIO I KĀKAU ʻIA AI E LUKA 2:8

¶ Aia i kēlā ʻāina he mau kahu hipa e noho ana i ke kula, a e kiaʻi ana i kā lākou mau poʻe hipa i ka pō.

KA ʻEUANELIO I KĀKAU ʻIA AI E IOANE 1:14

¶ Lilo maila ka Logou i kanaka, a noho ihola me kākou, a ʻike kākou i kona nani, i ka nani o ka hiwahiwa a ke Akua, ua piha i ka lokomaikaʻi a me ka ʻoiaʻiʻo.

ʻO KA ʻEPISETOLE LUA A PAULO KA LUNAʻŌLELO I KO KORINETO 8:9

No ka mea, ua ʻike nō ʻoukou i ka lokomaikaʻi o ko kākou Haku ʻo Iesū Kristo, ua waiwai ʻo ia, a no ʻoukou i lilo mai ai ia i mea ʻilihune, i waiwai ai hoʻi ʻoukou ma kona ʻilihune.

ʻO KA ʻEPISETOLE A PAULO KA LUNAʻŌLELO I KO GALATIA 4:4

Akā, i ka hiki ʻana mai o ka manawa maopopo, hoʻouna maila ke Akua i kāna Keiki, a ka wahine i hānau ai, i hānau ma lalo o ke Kānāwai.