KA ʻEUANELIO I KĀKAU ʻIA AI E LUKA 2:4 - Ka Baibala Hemolele

⁴ ʻO Iosepa kekahi i piʻi aʻe, mai Galilaia aʻe, mai loko mai o Nazareta ke kūlanakauhale a hiki i Iudea, i ko Dāvida kūlanakauhale i kapa ʻia ʻo Betelehema; (no ka mea, no ka hale ia a me ka ʻohana a Dāvida,)

KA ʻEUANELIO I KĀKAU ʻIA AI E LUKA 2:4 Iomraidhean Croise

KA BUKE MUA A MOSE, I KAPA ʻIA KINOHI 35:19

Make ihola ʻo Rāhela, a kanu ʻia ʻo ia ma ke alanui e hele ai i ʻEperata, ʻo ia ʻo Betelehema.

KA BUKE MUA A MOSE, I KAPA ʻIA KINOHI 48:7

“I koʻu hele ʻana mai, mai Padana mai, make aʻela ʻo Rāhela ma koʻu ʻaoʻao, ma ka ʻāina ʻo Kanaʻana, ma ke ala, kokoke e hiki aku i ʻEperata, a kanu ihola au iā ia ma laila ma ke ala ma ʻEperata, ʻo ia hoʻi ʻo Betelehema.”

MIKA 5:2

“A ʻo ʻoe, Betelehema ʻEperata, Ka mea ʻuʻuku i waena o nā tausani o Iuda, Mai loko mai ou e hele mai ai i oʻu nei, Ka mea e aliʻi ana i loko o kā ʻIseraʻela; Ma mua mai kona puka ʻana, mai ka manawa kahiko loa mai.”

KA ʻEUANELIO I KĀKAU ʻIA AI E MATAIO 1:20

A i kona noʻonoʻo ʻana ma ia mau mea, aia hoʻi, ʻike ʻia aku ka ʻānela a ka Haku e ia ma ka moe, ʻī maila, “E Iosepa, e ka mamo a Dāvida, mai makaʻu ʻoe ke lawe iā Maria i wahine nāu; no ka mea, ua hāpai ʻo ia na ka ʻUhane Hemolele.

KA ʻEUANELIO I KĀKAU ʻIA AI E MATAIO 2:23

A hiki akula ia i kekahi kūlanakauhale ʻo Nazareta ka inoa, noho ihola ia i laila; pēlā i kō ai ka ʻōlelo a ka poʻe kāula, “E kapa ʻia ʻo ia he Nazarene.”

KA ʻEUANELIO I KĀKAU ʻIA AI E LUKA 2:3

Pau nō i ka hele i kākau ʻia ai i ka palapala o kēlā mea kēia mea i kona kūlanakauhale iho.

KA ʻEUANELIO I KĀKAU ʻIA AI E LUKA 2:5

i kākau ʻia ai me Maria ka wahine i hoʻopalau ʻia nāna, e kōkō ana.

KA ʻEUANELIO I KĀKAU ʻIA AI E LUKA 4:16

¶ A hiki hoʻi ia i Nazareta i kona wahi i hānai ʻia ai, komo ia, ma muli o kāna hana mau i ka lā Sābati, i loko o ka hale hālāwai, a kū i luna ia e heluhelu.

KA ʻEUANELIO I KĀKAU ʻIA AI E IOANE 1:46

Nīnau maila ʻo Natanaʻela iā ia, “E hiki mai anei kekahi mea maikaʻi no Nazareta mai?” ʻĪ akula ʻo Pilipo iā ia, “E hele mai, e ʻike.”

KA ʻEUANELIO I KĀKAU ʻIA AI E IOANE 7:42

“ʻAʻole anei i ʻī mai ka Palapala Hemolele, na nā mamo a Dāvida mai ka Mesia, a no Betelehema mai, ke kūlanakauhale o Dāvida?”

KA BUKE NO RUTA 1:19

¶ Hele pū nō lāua, a hiki akula i Betelehema. A komo akula lāua i loko o Betelehema, piʻoloke ihola ke kūlanakauhale a pau no lāua; ʻī aʻela lākou, “ʻO Naomi anei kēia?”

KA BUKE NO RUTA 2:4

Aia hoʻi, hele maila ʻo Boaza, mai Betelehema mai, ʻī maila i ka poʻe ʻokiʻoki, “ʻO Iēhova pū kekahi me ʻoukou!” ʻĪ akula lākou iā ia, “Na Iēhova nō e hoʻopōmaikaʻi mai iā ʻoe!”

KA BUKE NO RUTA 4:11

ʻĪ maila nā kānaka a pau, ma ka puka pā, a me nā lunakahiko, “He poʻe ʻike mākou. Na Iēhova nō e hoʻolilo mai i ka wahine i hele mai i loko o kou hale e like me Rāhela a me Lea, na lāua ʻelua i kūkulu i ka hale o kā ʻIseraʻela, a e waiwai hoʻi ʻoe ma ʻEperata, a e kaulana nō kou inoa ma Betelehema.

KA BUKE NO RUTA 4:17

Kapa akula kona poʻe hoalauna wahine i kona inoa, ʻī aʻela, “Ua hānau ʻia ke keiki kāne na Naomi”; a kapa aku lākou i kona inoa, ʻo ʻObeda; ʻo ia ka makua kāne o Iese, ʻo ka makua kāne o Dāvida.

KA BUKE MUA A SAMUʻELA 16:1

¶ ʻŌlelo maila ʻo Iēhova iā Samuʻela, “Pehea lā ka lōʻihi o kou uē ʻana iā Saula; no ka mea, ua haʻalele au iā ia, ʻaʻole ʻo ia ke aliʻi ma luna o kā ʻIseraʻela? E hoʻopiha ʻoe i kou pepeiaohao i ka ʻaila, a e hele, e hoʻouna aku au iā ʻoe i o Iese lā no Betelehema; no ka mea, ua wae iho au i aliʻi noʻu i waena o kāna mau keiki.”

KA BUKE MUA A SAMUʻELA 16:4

A hana akula ʻo Samuʻela i kā Iēhova i ʻōlelo mai ai, a hele akula i Betelehema; a haʻalulu nā lunakahiko o ke kūlanakauhale i kona hiki ʻana mai, ʻī maila, “I hele mai nei ʻoe me ke aloha?”

KA BUKE MUA A SAMUʻELA 17:12

¶ A ʻo Dāvida, ʻo ia ke keiki a ua kanaka lā no ʻEperata no Betelehema o Iuda, ʻo Iese kona inoa; a ʻewalu āna keiki; a i ka wā iā Saula, ua ʻelemakule ia i waena o kānaka.

KA BUKE MUA A SAMUʻELA 17:58

Nīnau akula ʻo Saula, “E ke kanaka ʻōpiopio, he keiki ʻoe na wai?” ʻĪ maila ʻo Dāvida, “He keiki au na kāu kauā, na Iese no Betelehema.”

KA BUKE MUA A SAMUʻELA 20:6

“Inā paha i ʻike kou makua kāne i koʻu nalo ʻana, a laila e ʻī aku ʻoe, ‘Ua noi ikaika mai ʻo Dāvida iaʻu e holo ia ma Betelehema i kona kūlanakauhale; no ka mea, i laila ka mōhai makahiki no ka ʻohana a pau.’