KA ʻEUANELIO I KĀKAU ʻIA AI E LUKA 2:10 - Ka Baibala Hemolele

¹⁰ A ʻōlelo maila ka ʻānela iā lākou, “Mai makaʻu ʻoukou; no ka mea, eia hoʻi, ke haʻi aku nei au iā ʻoukou i ka mea maikaʻi, e ʻoliʻoli nui ai e lilo ana no nā kānaka a pau.

KA ʻEUANELIO I KĀKAU ʻIA AI E LUKA 2:10 Iomraidhean Croise

KA BUKE MUA A MOSE, I KAPA ʻIA KINOHI 12:3

“E hoʻopōmaikaʻi aku hoʻi au i ka poʻe hoʻomaikaʻi iā ʻoe, A e hōʻino aku au i ka mea hōʻino iā ʻoe, A iā ʻoe e pōmaikaʻi ai nā ʻohana a pau o ka honua.”

KA WĀNANA A ʻISAIA 40:9

¶ E ka mea haʻi i ka ʻōlelo maikaʻi no Ziona, E piʻi aku ʻoe i luna o ka mauna kiʻekiʻe; E ka mea haʻi i ka ʻōlelo maikaʻi no Ierusalema, E hoʻokiʻekiʻe ʻoe i kou leo me ka ikaika; E hoʻokiʻekiʻe hoʻi, mai makaʻu; E ʻōlelo aʻe i nā kūlanakauhale o kā Iuda, “Aia hoʻi ko ʻoukou Akua!”

KA WĀNANA A ʻISAIA 41:27

“Naʻu ka mea mua e ʻōlelo iā Ziona, ‘Aia hoʻi, e nānā aku iā lākou; A naʻu hoʻi e hāʻawi aku iā Ierusalema i ka mea haʻi i ka ʻōlelo maikaʻi.’

KA WĀNANA A ʻISAIA 49:6

ʻĪ maila ia, “He mea ʻuʻuku ia e lilo ʻoe i Kauā naʻu, E hoʻokū mai i nā ʻohana o kā Iakoba, A e hoʻihoʻi i ka poʻe i mālama ʻia o kā ʻIseraʻela; E hāʻawi nō hoʻi au iā ʻoe i mālamalama no ko nā ʻāina ʻē, I lilo ʻoe i mea hoʻōla aku noʻu, ma nā kūkulu o ka honua.”

KA WĀNANA A ʻISAIA 52:10

Ua hōʻike ʻo Iēhova i kona lima hemolele i mua o nā maka o nā lāhui kanaka a pau; A e ʻike auaneʻi nā kūkulu a pau o ka honua i ka hoʻōla ʻana o ko kākou Akua.

KA WĀNANA A ʻISAIA 52:7

¶ Nani wale hoʻi ma nā mauna, nā wāwae o ka mea haʻi i ka ʻeuanelio, Ka Mea hoʻolaha i ka malu, Ka Mea haʻi i ka ʻeuanelio maikaʻi, Ka Mea hōʻikeʻike i ke ola, Ka Mea ʻōlelo iā Ziona, “Ke mālama aupuni nei kou Akua!”

KA WĀNANA A ʻISAIA 61:1

¶ Eia nō ma luna oʻu ka ʻUhane o Iēhova, ka Haku, No ka mea, ua poni mai ʻo Iēhova iaʻu, E haʻi i ka ʻōlelo maikaʻi i ka poʻe hoʻohaʻahaʻa; Ua hoʻouna mai ʻo ia iaʻu e wahī i nā naʻau ʻehaʻeha, E haʻi aku i ke kuʻu ʻana no ka poʻe i pio, A me ka wehe ʻana o ka hale paʻahao no ka poʻe i paʻa;

KA BUKE NO DANIʻELA 10:19

ʻĪ maila ia, “E ke kanaka i aloha nui ʻia, mai makaʻu ʻoe; he maluhia kou; e ikaika ʻoe, ʻo ia e ikaika ʻoe.” A i kāna ʻōlelo ʻana mai iaʻu, ua ikaika aʻela au, ʻī akula au, “E ʻōlelo mai, e kuʻu haku; no ka mea, ua hoʻoikaika mai ʻoe iaʻu.”

ZEKARIA 9:9

E hauʻoli nui, e ke kaikamahine o Ziona, E hoʻōho ʻoliʻoli, e ke kaikamahine o Ierusalema; Aia hoʻi, e hele mai ana kou aliʻi i ou lā; He hoʻopono, a he hoʻōla nō kona; He akahai nō, a e noho ana ma luna o ka hoki, ʻo ke keiki hoʻi a ka hoki.

KA ʻEUANELIO I KĀKAU ʻIA AI E MATAIO 14:27

ʻŌlelo koke maila ʻo Iesū iā lākou, “E hoʻolana ʻoukou, ʻo wau nō kēia, mai makaʻu.”

KA ʻEUANELIO I KĀKAU ʻIA AI E MATAIO 28:18

Hele maila ʻo Iesū, ʻōlelo maila iā lākou, ʻī maila, “Ua hāʻawi ʻia mai iaʻu ka mana a pau ma ka lani a ma ka honua nei.

KA ʻEUANELIO I KĀKAU ʻIA AI E MATAIO 28:5

ʻŌlelo maila ka ʻānela i ua mau wāhine lā, “Mai makaʻu ʻolua; no ka mea, ua ʻike au e ʻimi ana ʻolua iā Iesū i ka mea i kaulia ma ke keʻa.

KA ʻEUANELIO I KĀKAU ʻIA AI E MAREKO 1:15

ʻī maila, “Ua hiki mai nei ka manawa, ua kokoke mai nei ke aupuni o ke Akua. E mihi ʻoukou a e manaʻoʻiʻo i ka ʻeuanelio.”

KA ʻEUANELIO I KĀKAU ʻIA AI E MAREKO 16:15

ʻĪ maila ʻo ia iā lākou, “E hele aku ʻoukou i nā ʻāina a pau, e haʻi aku i ka ʻeuanelio i nā kānaka a pau.

KA ʻEUANELIO I KĀKAU ʻIA AI E LUKA 1:13

ʻĪ maila ka ʻānela iā ia, “Mai makaʻu ʻoe, e Zakaria; no ka mea, ua lohe ʻia kāu pule; a e hānau ana kāu wahine ʻo ʻElisabeta i keiki kāne nāu, a e kapa aku ʻoe i kona inoa ʻo Ioane.

KA ʻEUANELIO I KĀKAU ʻIA AI E LUKA 1:19

ʻŌlelo maila ka ʻānela, ʻī maila iā ia, “ʻO wau nō ʻo Gaberiʻela, ka mea e kū ana i mua o ke Akua; a ua hoʻouna ʻia mai nei au e ʻōlelo iā ʻoe, a e haʻi aku iā ʻoe ia mau mea ʻoliʻoli.

KA ʻEUANELIO I KĀKAU ʻIA AI E LUKA 1:30

ʻĪ maila ka ʻānela iā ia, “Mai makaʻu ʻoe, e Maria; no ka mea, ua loaʻa iā ʻoe ka lokomaikaʻi ʻia mai e ke Akua.

KA ʻEUANELIO I KĀKAU ʻIA AI E LUKA 2:11

“No ka mea, i kēia lā i hānau ai, ma ke kūlanakauhale o Dāvida, he Ola no ʻoukou, ʻo ia ka Mesia ka Haku.

KA ʻEUANELIO I KĀKAU ʻIA AI E LUKA 24:47

a e haʻi ʻia aku hoʻi ka mihi a me ke kala ʻana i ka hala ma kona inoa ma waena o nā lāhui kanaka a pau, e hoʻomaka ana ma Ierusalema.

KA ʻEUANELIO I KĀKAU ʻIA AI E LUKA 8:1

¶ Eia kekahi, ma ia hope iho kaʻahele aʻela ʻo ia i nā kūlanakauhale a me nā kauhale a pau, e haʻi ana a e hōʻike ana i ka ʻōlelo maikaʻi no ke aupuni o ke Akua; me ia pū nō hoʻi ka poʻe ʻumikumamālua;

NĀ ʻOIHANA A KA POʻE LUNAʻŌLELO 13:32

“Ke haʻi aku nei mākou i ka ʻōlelo maikaʻi iā ʻoukou, i ka ʻōlelo hoʻopōmaikaʻi i haʻi ʻia i nā kūpuna;

ʻO KA ʻEPISETOLE A PAULO KA LUNAʻŌLELO I KO ROMA 10:15

A pehea lā hoʻi e haʻi aku ai lākou ke hoʻouna ʻole ʻia aku? Penei hoʻi i palapala ʻia ai, “«Nani nā wāwae o ka poʻe i hōʻike mai i ka ʻeuanelio, i haʻi mai hoʻi i ka nūhou maikaʻi»!”

ʻO KA ʻEPISETOLE A PAULO KA LUNAʻŌLELO I KO ʻEPESO 3:8

Ua hāʻawi ʻia mai kēia lokomaikaʻi iaʻu, i ka mea ʻuʻuku iho o nā haipule ʻuʻuku loa a pau, e haʻi aku ai au i nā lāhui kanaka ʻē i ka waiwai kupanaha o Kristo;

ʻO KA ʻEPISETOLE A PAULO KA LUNAʻŌLELO I KO KOLOSA 1:23

ke noho mau aku ʻoukou ma ka manaʻoʻiʻo, i hoʻokumu ʻia ʻoukou me ka hoʻopaʻa ʻia, ke hoʻoneʻe ʻole ʻia aku hoʻi mai ka manaʻolana aku o ka ʻeuanelio a ʻoukou i lohe ai, ka mea i haʻi ʻia aku i nā mea a pau i hana ʻia ma lalo aʻe o ka lani, nona iho au ʻo Paulo i hoʻolilo ʻia aʻe nei i luna lawehana.