KA ʻEUANELIO I KĀKAU ʻIA AI E LUKA 17:8 - Ka Baibala Hemolele

⁸ “ʻAʻole anei e ʻōlelo aku iā ia, ‘E hoʻomākaukau ʻoe i ʻai naʻu, e kākoʻo iā ʻoe iho e lawelawe mai naʻu, a pau kaʻu ʻai ʻana, a me koʻu inu ʻana; a ma hope iho e ʻai ʻoe a inu hoʻi?’

KA ʻEUANELIO I KĀKAU ʻIA AI E LUKA 17:8 Iomraidhean Croise

KA BUKE MUA A MOSE, I KAPA ʻIA KINOHI 43:16

¶ A ʻike maila ʻo Iosepa iā Beniamina me lākou, ʻōlelo aʻela ia i ka luna o kona hale, “E alakaʻi ʻoe i kēia poʻe kānaka i ka hale, e kālua i holoholona, a e hoʻomākaukau hoʻi; no ka mea, e ʻai pū kēia poʻe kānaka me aʻu i ke awakea.”

KA BUKE ʻALUA A SAMUʻELA 12:20

A laila, kū aʻela ʻo Dāvida mai ka honua aku, ʻauʻau ihola, a hamo ihola i ka ʻaila, ʻaʻahu ihola iā ia i ka lole hou, hele akula i ka hale o Iēhova, a hoʻomana akula. A laila hoʻi maila ia i kona hale; a kēnā akula ia, a kau maila lākou i ka ʻai i mua ona, a ʻai ihola ia.

KA ʻEUANELIO I KĀKAU ʻIA AI E LUKA 12:37

“Pōmaikaʻi ka poʻe kauā a ka haku e ʻike ai e kiaʻi ana i kona wā e hiki mai ai. He ʻoiaʻiʻo kaʻu e ʻōlelo aku nei iā ʻoukou, e kākoʻo nō ʻo ia iā ia iho, a e hoʻonoho ʻo ia iā lākou e ʻai; a e hele mai ia e lawelawe na lākou.

KA ʻEUANELIO I KĀKAU ʻIA AI E LUKA 17:7

“ʻO wai kekahi o ʻoukou he kauā kāna e mahi ʻai ana, a e hānai holoholona ana paha, a hoʻi mai ia mai ka waena mai, e ʻōlelo aku, ‘E hele koke mai ʻoe a e noho ʻoe i lalo e ʻai’?

KA ʻEUANELIO I KĀKAU ʻIA AI E LUKA 17:9

“E hāʻawi aku anei ʻo ia i ke aloha i ua kauā lā, no kāna hana ʻana i nā mea i kauoha ʻia ai? Ke manaʻo nei au ʻaʻole.

KA ʻEUANELIO I KĀKAU ʻIA AI E IOANE 13:4

kū aʻela ia mai ka ʻahaʻaina aʻe, a waiho akula i kona ʻaʻahu; a lawe aʻela ia i ke kāwele, a kāʻei ihola iā ia iho.