KA ʻEUANELIO I KĀKAU ʻIA AI E LUKA 17:6 - Ka Baibala Hemolele

⁶ ʻĪ maila hoʻi ka Haku, “Inā he manaʻoʻiʻo ko ʻoukou e like me ka hua mākeke, e hiki iā ʻoukou ke ʻōlelo i kēia lāʻau sukamino, ‘E hehu ʻia aku, a e kanu hou ʻia aku i ke kai,’ a e hoʻolohe nō ia iā ʻoukou.

KA ʻEUANELIO I KĀKAU ʻIA AI E LUKA 17:6 Iomraidhean Croise

KA ʻEUANELIO I KĀKAU ʻIA AI E MATAIO 14:29

ʻĪ maila kēlā, “E hele mai!” Iho ihola ʻo Petero mai luna o ka moku, a hele akula ia ma luna o ka wai e hālāwai me Iesū.

KA ʻEUANELIO I KĀKAU ʻIA AI E MATAIO 17:20

ʻĪ maila ʻo Iesū iā lākou, “No ko ʻoukou manaʻoʻiʻo ʻole. He ʻoiaʻiʻo kaʻu e ʻōlelo aku nei iā ʻoukou, inā he like ko ʻoukou manaʻoʻiʻo me kekahi hua mākeke, a ʻōlelo aku paha ʻoukou i kēia mauna, ‘E neʻe aku ʻoe i ʻō,’ a e neʻe aku nō ia; ʻaʻole mea hiki ʻole iā ʻoukou.

KA ʻEUANELIO I KĀKAU ʻIA AI E MATAIO 21:21

ʻŌlelo maila ʻo Iesū, ʻī maila iā lākou, “He ʻoiaʻiʻo kaʻu e ʻōlelo aku nei iā ʻoukou, inā he manaʻoʻiʻo ko ʻoukou, ʻaʻole ʻoukou kānalua, e hana nō ʻoukou ʻaʻole i kēia wale nō ʻo ka lāʻau fiku; akā, inā e ʻōlelo aku ʻoukou i kēia mauna, ‘E kaʻikaʻi ʻia aʻe ʻoe, a e hoʻolei ʻia aku i loko o ka moana;’ e hana ʻia nō ia.

KA ʻEUANELIO I KĀKAU ʻIA AI E MAREKO 4:31

“Ua like nō ia me ka hua mākeke, i ka wā i kanu ʻia ai ma ka lepo, he hua liʻiliʻi loa ia o nā hua a pau i kanu ʻia ma ka lepo.

KA ʻEUANELIO I KĀKAU ʻIA AI E MAREKO 9:23

ʻĪ maila Iesū iā ia, “A i hiki iā ʻoe ke manaʻoʻiʻo, e hiki nō nā mea a pau loa i ka mea manaʻoʻiʻo.”

KA ʻEUANELIO I KĀKAU ʻIA AI E LUKA 13:19

“Ua like ia me ka hua mākeke a kekahi kanaka i lawe ai, a hoʻolei i loko o kāna māla; a ulu aʻela, a lilo aʻela i lāʻau nui, a «kau ihola nā manu o ka lewa ma kona mau lālā».”

KA ʻEUANELIO I KĀKAU ʻIA AI E LUKA 17:7

“ʻO wai kekahi o ʻoukou he kauā kāna e mahi ʻai ana, a e hānai holoholona ana paha, a hoʻi mai ia mai ka waena mai, e ʻōlelo aku, ‘E hele koke mai ʻoe a e noho ʻoe i lalo e ʻai’?

KA ʻEUANELIO I KĀKAU ʻIA AI E LUKA 19:4

Holo aʻela hoʻi ia ma mua, piʻi aʻela i luna ma ka lāʻau sukomorea e ʻike iā ia, i kona hele ʻana aʻe ma laila.

KA ʻEUANELIO I KĀKAU ʻIA AI E LUKA 7:13

A ʻike ka Haku iā ia, hū aʻela kona aloha iā ia, ʻī maila ʻo ia iā ia, “Mai uē ʻoe.”

KA ʻEUANELIO I KĀKAU ʻIA AI E LUKA 7:19

Kāhea akula ʻo Ioane i kekahi mau haumāna āna ʻelua, hoʻouna akula i o Iesū lā e nīnau aku, “ʻO ʻoe nō anei ka Mea e hele mai ana? A ʻo ka mea ʻē aʻe anei kā mākou e kali ai?”

ʻO KA ʻEPISETOLE MUA A PAULO KA LUNAʻŌLELO I KO KORINETO 13:2

A inā iaʻu ka wānana, a inā i ʻike au i nā mea pohihihi a pau, a me nā mea a pau e naʻauao ai; a inā iaʻu ka manaʻoʻiʻo e hiki ai ke hoʻoneʻe i nā kuahiwi, a i loaʻa ʻole hoʻi ke aloha, he mea ʻole wau.