KA ʻEUANELIO I KĀKAU ʻIA AI E LUKA 17:3 - Ka Baibala Hemolele

³ “E mālama ʻoukou iā ʻoukou iho! A inā hana hewa kou hoahānau iā ʻoe, e aʻo aku ʻoe iā ia; a inā i mihi ʻo ia, e kala aku iā ia.

KA ʻEUANELIO I KĀKAU ʻIA AI E LUKA 17:3 Iomraidhean Croise

KA BUKE O NĀ HALELŪ 141:5

¶ Na ka poʻe pono e hahau mai iaʻu, he aloha ia; E aʻo mai ʻo ia iaʻu he mea hamo maikaʻi ia, ʻAʻole ia e wāhi ai i kuʻu poʻo; No ka mea, e mau ana nō kaʻu pule no lākou, i loko o ko lākou pilikia.

KA BUKE ʻALUA A MOSE, I KAPA ʻIA PUKA ʻANA 34:12

“E mālama ʻoe iā ʻoe, o hana auaneʻi ʻoe i berita me ka poʻe e noho ana i ka ʻāina, kahi āu e hele ai, o lilo ia i ʻūpiki i waena o ʻoukou.

NĀ ʻŌLELO AKAMAI A SOLOMONA 17:10

Komo ke aʻo ʻia mai i loko o ka mea naʻauao, Ma mua o nā hahau ʻana he haneri i loko o ka mea lapuwale.

NĀ ʻŌLELO AKAMAI A SOLOMONA 27:5

Maikaʻi ke aʻo maopopo ʻana, Ma mua o ke aloha i hūnā ʻia.

NĀ ʻŌLELO AKAMAI A SOLOMONA 9:8

Mai aʻo aku i ke kanaka ʻaiā, O hoʻowahāwahā mai ʻo ia iā ʻoe; E aʻo aku i ka mea naʻauao, A e aloha mai ʻo ia iā ʻoe.

KA BUKE ʻAKOLU A MOSE, I KAPA ʻIA ʻOIHANA KAHUNA 19:17

¶ ‘Mai inaina aku ʻoe i kou hoahānau i loko o kou naʻau; e aʻo ʻiʻo aku nō ʻoe i kou hoalauna, ʻaʻole hoʻi e waiho i ka hewa ma luna ona.

KA ʻEUANELIO I KĀKAU ʻIA AI E MATAIO 18:21

¶ A laila, hele akula ʻo Petero i ona lā, ʻī akula, “E ka Haku, ʻehia nā hana hewa ʻana mai a koʻu hoahānau iaʻu, a kala aku au iā ia? ʻEhiku anei?”

KA ʻEUANELIO I KĀKAU ʻIA AI E LUKA 21:34

¶ “E mālama hoʻi ʻoukou iā ʻoukou iho, o kaumaha auaneʻi ko ʻoukou mau naʻau i ka ʻuhaʻuha ʻana, a me ka ʻona ʻana, a me ka manaʻo ʻana ma kēia ao, o kau mai hoʻi ua lā lā ma luna iho o ʻoukou, me ka manaʻo ʻole ʻia aku.

ʻO KA ʻEPISETOLE A PAULO KA LUNAʻŌLELO I KO ʻEPESO 5:15

¶ No laila, e nānā ʻoukou i hele pono e like me ka poʻe naʻauao, ʻaʻole me ka poʻe naʻaupō,

KA BUKE ʻALIMA A MOSE, I KAPA ʻIA KĀNĀWAI LUA 4:15

¶ “E mālama nui ʻoukou iā ʻoukou iho; no ka mea, ʻaʻole ʻoukou i ʻike i kekahi ʻano kiʻi i ka lā a Iēhova i ʻōlelo mai ai iā ʻoukou ma Horeba mai loko mai o ke ahi;

KA BUKE ʻALIMA A MOSE, I KAPA ʻIA KĀNĀWAI LUA 4:23

“E mālama pono iā ʻoukou iho, o poina iā ʻoukou ka berita a Iēhova i hana mai ai me ʻoukou, a hana ʻoukou i kiʻi kālai ʻia no ʻoukou, ma ka like ʻana me kekahi mea a Iēhova kou Akua i pāpā mai ai iā ʻoe.

KA BUKE ʻALIMA A MOSE, I KAPA ʻIA KĀNĀWAI LUA 4:9

¶ “E makaʻala iā ʻoe iho, a e mālama nui hoʻi i kou naʻau, o hoʻopoina auaneʻi ʻoe i nā mea a kou maka i ʻike ai, a o nalowale auaneʻi ia mea i kou naʻau i nā lā a pau o kou ola ʻana; akā, e aʻo aku ia mau mea i kāu mau keiki, a me kāu mau moʻopuna;

ʻO KA ʻEPISETOLE A PAULO KA LUNAʻŌLELO I KO HEBERA 12:15

E mālama hoʻi ʻoukou o loaʻa ʻole mai i kekahi ka hoʻomaikaʻi ʻia mai e ke Akua, o kupu mai hoʻi kekahi mole ʻawaʻawa i waena o ʻoukou e hihia ai ʻoukou, a e haumia ai hoʻi kekahi poʻe he nui nō;

ʻO KA ʻEPISETOLE HOʻOLAHA A IAKOBO 5:19

¶ E nā hoahānau, inā e hele hewa kekahi o ʻoukou, mai ka ʻoiaʻiʻo aʻe, a e hoʻohuli mai kekahi iā ia;

ʻO KA ʻEPISETOLE LUA A IOANE 1:8

E mālama pono iā ʻoukou iho, i lilo ʻole kā mākou mea i hana ai; akā, i loaʻa hoʻi iā mākou ka uku a pau.