KA ʻEUANELIO I KĀKAU ʻIA AI E LUKA 17:21 - Ka Baibala Hemolele

²¹ “ʻAʻole e ʻōlelo mai kānaka, ‘Eia hoʻi ma ʻaneʻi!’ a, ‘Aia hoʻi ma ʻō!’ No ka mea, aia hoʻi i loko o ʻoukou ke aupuni o ke Akua.”

KA ʻEUANELIO I KĀKAU ʻIA AI E LUKA 17:21 Iomraidhean Croise

KA ʻEUANELIO I KĀKAU ʻIA AI E MATAIO 12:28

“Inā paha ʻo wau e mahiki aku i nā daimonio ma ka ʻUhane o ke Akua, inā ua kokoke mai ke aupuni o ke Akua i o ʻoukou nei.

KA ʻEUANELIO I KĀKAU ʻIA AI E MAREKO 13:21

“A i kēlā wā, inā ʻōlelo mai kekahi kanaka, ‘Eia ka Mesia ma ʻaneʻi, aia hoʻi ma ʻō,’ mai manaʻoʻiʻo ʻoukou ia.

KA ʻEUANELIO I KĀKAU ʻIA AI E LUKA 17:23

“A ʻōlelo mai lākou iā ʻoukou, ‘Eia hoʻi ma ʻaneʻi; a, aia hoʻi ma ʻō;’ mai hele aku ʻoukou, mai hahai aku hoʻi.

KA ʻEUANELIO I KĀKAU ʻIA AI E LUKA 21:8

A ʻōlelo maila ia, “E mālama o puni ʻoukou; no ka mea, he nui ka poʻe e hele mai ana ma koʻu inoa, e ʻōlelo ana, ‘ʻO wau nō ia; a e kokoke mai nei ka manawa;’ mai hahai aku hoʻi ʻoukou iā lākou.

KA ʻEUANELIO I KĀKAU ʻIA AI E IOANE 1:26

ʻŌlelo maila ʻo Ioane iā lākou, ʻī maila, “Ke bapetizo nei au me ka wai; akā, ke kū nei kekahi i waena o ʻoukou, ka mea a ʻoukou i ʻike ʻole ai.

KA ʻEUANELIO I KĀKAU ʻIA AI E IOANE 18:36

ʻĪ maila ʻo Iesū, “ʻAʻole no kēia ao koʻu aupuni. Inā no kēia ao koʻu aupuni, inā ua kaua aku koʻu poʻe kānaka, i ʻole ai e hāʻawi ʻia aku au i nā Iudaio; akā hoʻi, ʻaʻole no kēia ao koʻu aupuni.”

ʻO KA ʻEPISETOLE A PAULO KA LUNAʻŌLELO I KO ROMA 14:17

No ka mea, ʻaʻole ka ʻai a me ka mea inu ke aupuni o ke Akua; akā, ʻo ka pono, a me ke kuʻikahi, a me ka ʻoliʻoli i ka ʻUhane Hemolele.

ʻO KA ʻEPISETOLE A PAULO KA LUNAʻŌLELO I KO KOLOSA 1:27

i ka poʻe a ke Akua i hoʻomaopopo ai i ka waiwai nani o kēia mea pohihihi i waena o ko nā ʻāina ʻē; ʻo ia nō ʻo Kristo i loko o ʻoukou, ka manaʻolana no ka nani.