KA ʻEUANELIO I KĀKAU ʻIA AI E LUKA 17:15 - Ka Baibala Hemolele

¹⁵ A ʻo kekahi o lākou i kona ʻike ʻana, ua hoʻōla ʻia ia, huli maila ia, hoʻonani akula i ke Akua me ka leo nui.

KA ʻEUANELIO I KĀKAU ʻIA AI E LUKA 17:15 Iomraidhean Croise

KA ʻEUANELIO I KĀKAU ʻIA AI E MATAIO 9:8

A ʻike akula nā kānaka, mahalo akula, a hoʻonani akula lākou i ke Akua, nāna i hāʻawi mai ia mana no nā kānaka.

KA ʻEUANELIO I KĀKAU ʻIA AI E MAREKO 2:12

Ala koke aʻela ia, kaʻikaʻi aʻela i kona wahi moe, a hele akula i waho, i mua o lākou a pau; no laila, mahalo akula lākou a pau, hoʻonani akula i ke Akua, ʻī ihola, “ʻAkahi nō kākou i ʻike i kēia.”

KA ʻEUANELIO I KĀKAU ʻIA AI E IOANE 5:14

Ma hope iho, ʻike maila ʻo Iesū iā ia i loko o ka luakini, ʻī maila iā ia, “Eia hoʻi, ua hoʻōla ʻia ʻoe; mai hana hewa hou aku, o loʻohia ʻoe e ka ʻino i ʻoi aku.”

KA ʻEUANELIO I KĀKAU ʻIA AI E IOANE 9:38

ʻĪ akula kēlā, “Ke manaʻoʻiʻo nei au;” a kukuli hoʻomaikaʻi aku iā ia.