KA ʻEUANELIO I KĀKAU ʻIA AI E LUKA 16:8 - Ka Baibala Hemolele

⁸ “A mahalo ihola ua haku lā i ka puʻukū pono ʻole, no kāna hana akamai ʻana. ʻO ia hoʻi, ua ʻoi aku ke akamai o nā keiki o nēia ao i kā lākou hanauna ma mua o ko nā keiki o ka mālamalama.

KA ʻEUANELIO I KĀKAU ʻIA AI E LUKA 16:8 Iomraidhean Croise

ʻO KA ʻEPISETOLE MUA A PAULO KA LUNAʻŌLELO I KO TESALONIKE 5:5

He poʻe keiki ʻoukou a pau no ka mālamalama, a he mau kamaliʻi nō hoʻi no ke ao; ʻaʻole no ka pō kākou, ʻaʻole hoʻi no ka pouli.

ʻO KA ʻEPISETOLE A PAULO KA LUNAʻŌLELO I KO ʻEPESO 5:8

No ka mea, he pōʻeleʻele ko ʻoukou ma mua, i nēia manawa hoʻi ua mālamalama ʻoukou i ka Haku; e haele ʻoukou me he kamaliʻi no ka mālamalama lā;

KA ʻEUANELIO I KĀKAU ʻIA AI E LUKA 16:10

“ʻO ka mea i mālama pono i ka mea ʻuʻuku, ʻo ia ke mālama pono i ka mea nui; a ʻo ka mea i hana hewa ma ka mea ʻuʻuku, ʻo ia hoʻi ke hana hewa ma ka mea nui.

KA ʻEUANELIO I KĀKAU ʻIA AI E IOANE 12:36

“E manaʻoʻiʻo ʻoukou i ka mālamalama, ʻoiai ka mālamalama me ʻoukou, i lilo ʻoukou i poʻe keiki no ka mālamalama.” ʻŌlelo maila ʻo Iesū ia mau mea, a hele akula, a hoʻonalo iā ia iho mai o lākou aku.

ʻO KA ʻEPISETOLE HOʻOLAHA MUA A IOANE 3:10

Ma laila nō i maopopo ai nā keiki a ke Akua, a me ka poʻe keiki na ka diabolō. ʻO ka mea hana ʻole ma ka pono, ʻaʻole ia na ke Akua, ʻaʻole hoʻi ka mea aloha ʻole i kona hoahānau.

KA ʻEUANELIO I KĀKAU ʻIA AI E LUKA 16:4

‘Ua ʻike au i kaʻu mea e hana aku ai, i hoʻokipa kekahi poʻe iaʻu i ko lākou mau hale, i ka wā e hemo aku ai koʻu puʻukū.’

KA BUKE ʻALUA A MOSE, I KAPA ʻIA PUKA ʻANA 1:10

“E hana maʻalea kākou iā lākou; o nui auaneʻi lākou, a hiki mai ke kaua, hui pū lākou me ko kākou poʻe ʻenemi, a e kaua mai hoʻi iā kākou, a pēlā lākou e piʻi aku ai mai ka ʻāina aku.”

KA BUKE MUA A MOSE, I KAPA ʻIA KINOHI 3:1

¶ Ua ʻoi aku ka maʻalea o ka nahesa i ko nā holoholona o ke kula a pau a Iēhova ke Akua i hana ai. ʻĪ maila ia i ka wahine, “He ʻoiaʻiʻo anei, ua pāpā mai ke Akua, ‘ʻAʻole ʻolua e ʻai i ko nā lāʻau a pau o ka mahina ʻai nei’?”

KA ʻEUANELIO I KĀKAU ʻIA AI E LUKA 20:34

Haʻi maila Iesū, ʻī maila iā lākou, “ʻO ko ke ao nei, ua mare lākou, a ua hoʻopalau ʻia nō hoʻi;

KA BUKE O NĀ HALELŪ 17:14

I nā kānaka, i ka lima ou, e Iēhova, I ka poʻe ma kēia ao, i loaʻa ko lākou waiwai i kēia ola ʻana, Ua hoʻopiha ʻia mai e ʻoe ko lākou ʻōpū me kou waiwai i hūnā ʻia; Ua māʻona kā lākou mau kamaliʻi, A waiho nō lākou i ke koena na kā lākou mau keiki hou.

KA BUKE ʻALUA A SAMUʻELA 13:3

He hoalauna ko ʻAmenona, ʻo Ionadaba kona inoa, ke keiki a Simea a ko Dāvida kaikuaʻana; a he kanaka maʻalea loa ʻo Ionadaba.

ʻO KA ʻEPISETOLE HOʻOLAHA MUA A PETERO 2:9

Akā, ʻo ʻoukou, «he hanauna i wae ʻia, he poʻe kāhuna aliʻi, he aupuni kanaka hemolele, he poʻe kānaka nona ponoʻī»; i hōʻike aku ai ʻoukou i ka maikaʻi o ka Mea nāna ʻoukou i hea mai, mai loko mai o ka pouli a i ka mālamalama kupanaha ona.

ʻO KA ʻEPISETOLE A PAULO KA LUNAʻŌLELO I KO PILIPI 3:19

ʻo ka make ko lākou hope, ʻo ka ʻōpū hoʻi ko lākou akua, a ma ka mea hilahila ko lākou nani, ke manaʻo nei hoʻi lākou i nā mea o ka honua.)

ʻO KA ʻEPISETOLE MUA A PAULO KA LUNAʻŌLELO I KO KORINETO 3:18

¶ Mai hoʻopunipuni kekahi iā ia iho. Inā i manaʻo ʻia kekahi o ʻoukou, ua naʻauao ma nā mea o kēia ao, he pono nō e lilo ia i naʻaupō, i naʻauao ʻiʻo ai ʻo ia.

KA ʻEUANELIO I KĀKAU ʻIA AI E LUKA 18:6

ʻĪ maila hoʻi ka Haku, “E lohe ʻoukou i ka mea a ka luna kānāwai pono ʻole i ʻōlelo mai ai.

KA ʻEUANELIO I KĀKAU ʻIA AI E MATAIO 17:26

ʻĪ akula Petero iā ia, “ʻO kānaka ʻē.” ʻĪ maila Iesū iā ia, “A laila, ua kaʻawale nā keiki.

KA BUKE ʻALUA NO NĀ ALIʻI 10:19

“ʻĀnō hoʻi, e hoʻākoakoa mai ʻoukou i nā kāula a pau a Baʻala, a me kāna poʻe kauā a pau, a me kāna poʻe kāhuna a pau i oʻu nei, mai hoʻokoe ʻia kekahi; no ka mea, he mōhai nui kaʻu no Baʻala; ʻo kēlā mea kēia mea e koe ana, ʻaʻole ia e ola.” Akā, hana nō ʻo Iehu me ka hoʻopunipuni, i luku aku ai ia i ka poʻe mālama iā Baʻala.

KA ʻEUANELIO I KĀKAU ʻIA AI E MATAIO 12:32

“ʻO ka mea ʻōlelo hōʻino mai i ke Keiki a ke Kanaka, e kala ʻia ana ʻo ia; akā, ʻo ka mea ʻōlelo hōʻino i ka ʻUhane Hemolele, ʻaʻole loa e kala ʻia ana ʻo ia i kēia ao, ʻaʻole hoʻi i kēlā ao aku.

KA ʻEUANELIO I KĀKAU ʻIA AI E LUKA 16:7

“A laila nīnau akula ʻo ia i kekahi, ‘Pehea lā ka nui o kāu ʻaiʻē?’ A haʻi maila ia, ‘Hoʻokahi haneri homera huapalaoa.’ ʻĪ akula hoʻi ʻo ia iā ia, ‘E lawe i kāu palapala, a e kākau iho i kanawalu.’

KA ʻEUANELIO I KĀKAU ʻIA AI E LUKA 20:35

akā, ʻo ka poʻe e pono ke loaʻa pū iā lākou kēlā ao aku me ka hoʻāla hou ʻia mai mai waena mai o ka poʻe make, ʻaʻole o lākou e mare, ʻaʻole nō hoʻi e hoʻopalau ʻia.

NĀ ʻŌLELO AKAMAI A SOLOMONA 12:8

E hoʻomaikaʻi ʻia ke kanaka e like me kona akamai; Akā, ʻo ka mea naʻau loko ʻino, e hoʻowahāwahā ʻia ʻo ia.