KA ʻEUANELIO I KĀKAU ʻIA AI E LUKA 16:3 - Ka Baibala Hemolele

³ “ʻĪ ihola ka puʻukū iā ia iho, ‘Pehea lā wau e hana ai? No ka mea, e lawe ana kuʻu haku i ka puʻukū mai oʻu aku nei; ʻaʻole hiki iaʻu ke mahi, a hilahila nō wau i ke noi.

KA ʻEUANELIO I KĀKAU ʻIA AI E LUKA 16:3 Iomraidhean Croise

KA BUKE NO ʻESETERA 6:6

A laila, komo akula ʻo Hamana. Nīnau maila ke aliʻi iā ia, “He aha ka mea e hana ʻia ai no ke kanaka a ke aliʻi e manaʻo nei e hoʻohanohano?” Nalu ihola ʻo Hamana ma loko o kona naʻau, “ʻO wai ka mea a ke aliʻi e makemake nei e hoʻohanohano, ʻaʻole anei ʻo wau?”

NĀ ʻŌLELO AKAMAI A SOLOMONA 13:4

Makemake wale ka ʻuhane o ka mea hiamoe, ʻaʻole i loaʻa; ʻO ka ʻuhane o ka poʻe hana mau, e māʻona nō ia.

NĀ ʻŌLELO AKAMAI A SOLOMONA 15:19

ʻO ka ʻaoʻao o ka mea palaualelo, ua like ia me kahi paʻapū i nā kākalaioa; ʻO ka ʻaoʻao hoʻi o ka poʻe pololei ua hoʻoponopono ʻia.

NĀ ʻŌLELO AKAMAI A SOLOMONA 18:9

ʻO ka mea hoʻomoloā ma kāna hana ʻana, He kaikaina ʻo ia o ka mea hoʻomāunauna wale.

NĀ ʻŌLELO AKAMAI A SOLOMONA 19:15

ʻO ka palaualelo ka mea e pohō ai i loko o ka hiamoe nui; A ʻo ka ʻuhane hoʻomoloā, e pōloli nō ia.

NĀ ʻŌLELO AKAMAI A SOLOMONA 20:4

ʻAʻole e mahi ʻai ka mea palaualelo no ke anu; A e mākilo ʻo ia i ka wā e ʻohi ai, ʻaʻole e loaʻa.

NĀ ʻŌLELO AKAMAI A SOLOMONA 29:21

ʻO ka mea hoʻohiwahiwa i kāna kauā mai kona wā ʻuʻuku mai, Ma hope iho, e lilo ʻo ia i keiki nāna.

KA WĀNANA A ʻISAIA 10:3

Pehea lā ʻoukou e hana ai i ka lā o ka hoʻopaʻi ʻana, Ke hiki mai ka make mai kahi lōʻihi mai? Iā wai ʻoukou e holo ai no ke kōkua ʻia mai? Ma hea ʻoukou e waiho ai i ko ʻoukou waiwai?

KA WĀNANA A IEREMIA 5:31

“Wānana wahaheʻe mai nā kāula, A ma o lākou lā i noho aliʻi ai nā kāhuna; A ua makemake koʻu poʻe kānaka ia mea; A pehea hoʻi ʻoukou e hana ai i ka hopena o ia mea?

HOSEA 9:5

He aha lā auaneʻi kā ʻoukou e hana ai i ka lā ʻahaʻaina, A i ka lā ʻahaʻaina a Iēhova?

KA ʻEUANELIO I KĀKAU ʻIA AI E MATAIO 20:8

“A ahiahi aʻela, ʻī akula ka haku nona ka pā waina i kona puʻukū, ‘E kāhea, aku ʻoe i ka poʻe paʻaua, a e hāʻawi aku iā lākou i ka uku, mai ka poʻe hope mai a hiki aku i ka poʻe mua.’

KA ʻEUANELIO I KĀKAU ʻIA AI E MAREKO 10:46

¶ A hiki maila lākou i Ieriko; a i ko lākou hele ʻana, mai Ieriko aku, me kāna mau haumāna, a me nā kānaka he nui loa, e noho ana ma kapa alanui, ka makapō, ʻo Batimea, ke keiki a Timea, e nonoi ana.

KA ʻEUANELIO I KĀKAU ʻIA AI E LUKA 12:17

“A nalu ihola ia i loko ona, ʻī ihola, ‘Pehea lā wau e hana ai? No ka mea, ʻaʻole oʻu wahi e hoʻāhu ai i kaʻu ʻai.’

KA ʻEUANELIO I KĀKAU ʻIA AI E LUKA 16:2

“A kiʻi akula ʻo ia iā ia, ʻī akula iā ia, ‘He aha kēia aʻu i lohe iho nei iā ʻoe? E hōʻike mai ʻoe i kou mālama ʻana; no ka mea, ʻaʻole ʻoe e puʻukū hou aku.’

KA ʻEUANELIO I KĀKAU ʻIA AI E LUKA 16:20

“A ʻo kekahi kanaka ʻilihune, ʻo Lazaro kona inoa, ua waiho ʻia akula ia ma kona ʻīpuka, ua paʻapū i nā maʻi hēhē;

KA ʻEUANELIO I KĀKAU ʻIA AI E LUKA 16:22

“Eia hoʻi kekahi, make akula ia kanaka ʻilihune, a lawe ʻia akula ʻo ia e nā ʻānela ma ka poli o ʻAberahama; a make akula hoʻi ua kanaka waiwai lā, a kanu ʻia ihola.

KA ʻEUANELIO I KĀKAU ʻIA AI E LUKA 16:4

‘Ua ʻike au i kaʻu mea e hana aku ai, i hoʻokipa kekahi poʻe iaʻu i ko lākou mau hale, i ka wā e hemo aku ai koʻu puʻukū.’

KA ʻEUANELIO I KĀKAU ʻIA AI E LUKA 18:4

“ʻAʻole aʻela hoʻi ia i makemake ia manawa; a ma hope iho, ʻī ihola ʻo ia i loko ona, ‘ʻAʻole oʻu makaʻu i ke Akua, ʻaʻole oʻu manaʻo i kānaka;

KA ʻEUANELIO I KĀKAU ʻIA AI E IOANE 9:8

No ia mea, nīnau aʻela nā hoalauna, a me ka poʻe i ʻike iā ia ma mua, he makapō, “ʻAʻole anei ʻo ia nei ka mea i noho e nonoi ana?”

NĀ ʻOIHANA A KA POʻE LUNAʻŌLELO 3:2

A hāliʻi ʻia aʻela kekahi kanaka, ua ʻoʻopa mai ka ʻōpū mai o kona makuahine, a waiho nō lākou iā ia i kēlā lā i kēia lā, ma ka puka o ka luakini, i kapa ʻia, he Nani, e nonoi aku i ka poʻe komo, i manawaleʻa.

NĀ ʻOIHANA A KA POʻE LUNAʻŌLELO 9:6

ʻĪ akula ia me ka hopohopo a me ka haʻalulu, “E ka Haku, he aha kou makemake e hana aku ai au?” ʻĪ maila ka Haku iā ia, “E ala ʻoe i luna, a e hele i ke kūlanakauhale, a e haʻi ʻia nō iā ʻoe ka mea pono nāu e hana aku ai.”

ʻO KA ʻEPISETOLE LUA A PAULO KA LUNAʻŌLELO I KO TESALONIKE 3:11

Ua lohe hoʻi mākou, ē, aia hoʻi i waena o ʻoukou kekahi poʻe e hele hōkai ana, ʻaʻole e hana maoli ana; akā, he poʻe hana lapuwale.