KA ʻEUANELIO I KĀKAU ʻIA AI E LUKA 16:2 - Ka Baibala Hemolele

² “A kiʻi akula ʻo ia iā ia, ʻī akula iā ia, ‘He aha kēia aʻu i lohe iho nei iā ʻoe? E hōʻike mai ʻoe i kou mālama ʻana; no ka mea, ʻaʻole ʻoe e puʻukū hou aku.’

KA ʻEUANELIO I KĀKAU ʻIA AI E LUKA 16:2 Iomraidhean Croise

KE KAHUNA 12:14

No ka mea, e hoʻokomo ana ke Akua i nā hana a pau, a me nā mea a pau i hūnā ʻia i loko o ka hoʻokolokolo ʻia, inā paha he pono, inā paha he hewa.

KA ʻEUANELIO I KĀKAU ʻIA AI E MATAIO 12:36

“Ke ʻōlelo aku nei au iā ʻoukou, ‘ʻO nā hua ʻōlelo ʻino a pau a nā kānaka e ʻōlelo ai, e hoʻokolokolo ʻia ana lākou ia mea, i ka lā e hoʻokolokolo ai.’

KA ʻEUANELIO I KĀKAU ʻIA AI E MATAIO 20:8

“A ahiahi aʻela, ʻī akula ka haku nona ka pā waina i kona puʻukū, ‘E kāhea, aku ʻoe i ka poʻe paʻaua, a e hāʻawi aku iā lākou i ka uku, mai ka poʻe hope mai a hiki aku i ka poʻe mua.’

KA ʻEUANELIO I KĀKAU ʻIA AI E LUKA 12:20

“Akā, ʻōlelo maila ke Akua iā ia, ‘E ke kanaka naʻaupō! I kēia pō, e kiʻi ʻia aku ai kou ʻuhane; a laila no wai lā ia mau mea āu i hoʻomākaukau ai?’

KA ʻEUANELIO I KĀKAU ʻIA AI E LUKA 12:42

A ʻōlelo maila ka Haku, “ʻO wai lā hoʻi ka puʻukū mālama pono me ke akamai e hoʻolilo ʻia aʻe e kona haku i luna no kona poʻe ʻōhua, e hāʻawi ma ka manawa pono, i kauwahi ʻai na lākou?

KA ʻEUANELIO I KĀKAU ʻIA AI E LUKA 16:1

¶ A ʻōlelo maila ʻo Iesū i kāna mau haumāna, “ʻO kekahi kanaka waiwai he puʻukū kāna; a ua haʻi ʻia iā ia ua puʻukū lā i kona hōkai ʻana i kāna waiwai.

KA ʻEUANELIO I KĀKAU ʻIA AI E LUKA 16:3

“ʻĪ ihola ka puʻukū iā ia iho, ‘Pehea lā wau e hana ai? No ka mea, e lawe ana kuʻu haku i ka puʻukū mai oʻu aku nei; ʻaʻole hiki iaʻu ke mahi, a hilahila nō wau i ke noi.

ʻO KA ʻEPISETOLE A PAULO KA LUNAʻŌLELO I KO ROMA 14:12

No laila hoʻi, e hōʻike aku nō kēlā mea kēia mea o kākou a pau nona iho i ke Akua.

ʻO KA ʻEPISETOLE MUA A PAULO KA LUNAʻŌLELO I KO KORINETO 1:11

E nā hoahānau oʻu, ua haʻi ʻia mai iaʻu no ʻoukou, na ka poʻe ʻōhua o Keloe; ua kūʻēʻē ʻoukou.

ʻO KA ʻEPISETOLE MUA A PAULO KA LUNAʻŌLELO I KO KORINETO 4:2

Eia hoʻi, ua kauoha ʻia mai nā puʻukū, i pololei lākou.

ʻO KA ʻEPISETOLE MUA A PAULO KA LUNAʻŌLELO I KO KORINETO 4:5

No ia mea, mai hoʻohewa ʻē i kekahi mea, a hiki mai ka Haku, nāna nō e hoʻomaopopo mai nā mea i hūnā ʻia o ka pouli, a e hōʻike mai hoʻi nā manaʻo o nā naʻau; a laila e loaʻa mai i kēlā kanaka a i kēia kanaka ka hoʻomaikaʻi ʻia, mai ke Akua mai.

ʻO KA ʻEPISETOLE LUA A PAULO KA LUNAʻŌLELO I KO KORINETO 5:10

No ka mea, e hōʻike ʻia auaneʻi kākou a pau i mua o ka noho hoʻokolokolo o Kristo; i loaʻa i kēlā mea i kēia mea nā mea i loko o ke kino, e like me ka mea āna i hana ai, inā paha he maikaʻi, inā paha he hewa.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 4:14

Mai waiho aku i kou haʻawina i loko ou, i hāʻawi ʻia mai nou, ma ka wānana, a me ke kau ʻana iho o nā lima o ka poʻe lunakahiko.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:24

ʻO nā hewa o kekahi poʻe kānaka, ua akāka ʻē nō ia e hele mua ana i ka hoʻohewa ʻia mai; a e hahai ana nō hoʻi nā hewa ma muli o kekahi poʻe.

ʻO KA ʻEPISETOLE HOʻOLAHA MUA A PETERO 4:10

E like me ka haʻawina i loaʻa mai i kekahi a me kekahi, pēlā e hāʻawi aku ai kekahi i kekahi, e like me nā puʻukū pono o ko ke Akua lokomaikaʻi ʻano ʻē.

ʻO KA ʻEPISETOLE HOʻOLAHA MUA A PETERO 4:5

E hōʻike auaneʻi lākou iā lākou iho, i ka Mea i mākaukau e hoʻokolokolo mai i ka poʻe ola a me ka poʻe make.

KA HŌʻIKE ʻANA A IOANE KA HAIPULE 20:12

A ʻike akula au i ka poʻe make, i ka poʻe ʻuʻuku a me ka poʻe nui, e kū ana i mua o ke Akua, a wehe ʻia ihola nā buke; a wehe ʻia nō hoʻi kekahi buke hou, ʻo ia hoʻi ka buke o ke ola. Ua hoʻokolokolo ʻia ka poʻe make ma nā mea i palapala ʻia i loko o nā buke, ma muli o kā lākou hana ʻana.