KA ʻEUANELIO I KĀKAU ʻIA AI E LUKA 15:4 - Ka Baibala Hemolele

⁴ “ʻO wai ke kanaka i waena o ʻoukou he poʻe hipa kāna hoʻokahi haneri, a nalowale kekahi o lākou, ʻaʻole anei ia i waiho aku i nā hipa he kanaiwakumamāiwa ma ka wao nahele, a ʻimi aku i ka mea i nalowale a loaʻa ia iā ia?

KA ʻEUANELIO I KĀKAU ʻIA AI E LUKA 15:4 Iomraidhean Croise

KA BUKE O NĀ HALELŪ 119:176

Ua hele hewa au, e like me ka hipa nalowale, E kiʻi mai ʻoe i kāu kauā; No ka mea, ʻaʻole au i hoʻopoina i kāu mau kauoha.

KA WĀNANA A ʻISAIA 53:6

Ua hele hewa kākou a pau e like me nā hipa; Ua huli kēlā mea kēia mea o kākou i kona ʻaoʻao iho; A ua kau nō ʻo Iēhova ma luna ona i ka hewa o kākou a pau.

KA WĀNANA A IEREMIA 33:13

‘Ma nā kūlanakauhale o nā mauna, a ma nā kūlanakauhale o ke awāwa, a ma nā kūlanakauhale o ke Kūkulu Hema, a ma ka ʻāina o kā Beniamina, a ma nā wahi e puni ana iā Ierusalema, a ma nā kūlanakauhale o kā Iuda, e hele hou aʻe nō nā poʻe hipa ma lalo iho o ka lima o ka mea helu,’ wahi a Iēhova.

KA WĀNANA A IEREMIA 50:6

“ʻO koʻu poʻe kānaka, he poʻe hipa nalowale lākou; Na ko lākou mau kahu i alakaʻi hewa iā lākou, Ua kuʻu wale aku nā kahu iā lākou ma nā mauna; Ua hele lākou, mai kekahi puʻu, a i kekahi puʻu, Ua poina iā lākou ko lākou wahi e hoʻomaha ai.

KA WĀNANA A ʻEZEKIʻELA 34:16

“E ʻimi aku au i ka mea i nalowale, a e hoʻihoʻi mai i ka mea i kipaku ʻia aku, a e wahī aku au i ka mea i haʻi, a e hoʻoikaika au i kā ka mea maʻi; akā, e luku au i ka mea momona a me ka ikaika, a e hānai aku au iā lākou me ka hoʻopaʻi ʻana.

KA WĀNANA A ʻEZEKIʻELA 34:31

“A ʻo ʻoukou, kuʻu ʻohana, ka ʻohana o kuʻu ʻāina, he poʻe kānaka; a ʻo wau ko ʻoukou Akua,” wahi a Iēhova ka Haku.

KA WĀNANA A ʻEZEKIʻELA 34:4

“ʻAʻole ʻoukou i hoʻoikaika i ka mea nāwaliwali, ʻaʻole hoʻi ʻoukou i lapaʻau i ka mea maʻi, ʻaʻole hoʻi ʻoukou i wahī i ka mea haʻi, ʻaʻole hoʻi ʻoukou i hoʻihoʻi mai i ka mea i kipaku ʻia aku, ʻaʻole hoʻi ʻoukou i ʻimi i ka mea nalowale; akā, me ka lalau wale, a me ke aloha ʻole i hoʻāliʻi ai ʻoukou ma luna o lākou.

KA WĀNANA A ʻEZEKIʻELA 34:8

“Ma koʻu ola ʻana,” wahi a Iēhova ka Haku, “ʻoiaʻiʻo, no ka lilo ʻana o kaʻu ʻohana i waiwai pio, a no ka lilo ʻana o kaʻu ʻohana i ʻai na nā holoholona a pau o ke kula, no ke kahu hipa ʻole, ʻaʻole hoʻi i ʻimi kuʻu mau kahu hipa i kaʻu ʻohana; akā, ua hānai nā kahu hipa iā lākou iho, ʻaʻole hoʻi i hānai i kaʻu ʻohana;

KA ʻEUANELIO I KĀKAU ʻIA AI E MATAIO 12:11

ʻĪ akula ʻo ia iā lākou, “ʻO wai lā ke kanaka o ʻoukou hoʻokahi hipa kāna, a i hāʻule iho i ka lua i ka lā Sābati, ʻaʻole anei ia e lālau aku iā ia, a e huki mai i luna?

KA ʻEUANELIO I KĀKAU ʻIA AI E LUKA 13:15

ʻŌlelo maila ka Haku iā ia, ʻī maila, “E ka hoʻokamani, ʻaʻole anei kēlā mea kēia mea o ʻoukou i wehe aʻe i kāna bipi kauō, a i kāna hoki paha mai loko aʻe o kahi e hānai ʻia ai a e alakaʻi aku e hoʻohāinu i ka wai?

KA ʻEUANELIO I KĀKAU ʻIA AI E LUKA 15:3

¶ ʻŌlelo maila ʻo ia i kēia ʻōlelo nane iā lākou, ʻī maila,

KA ʻEUANELIO I KĀKAU ʻIA AI E LUKA 19:10

“No ka mea, ua hele mai nei ke Keiki a ke Kanaka e ʻimi a e hoʻōla i ka mea i nalowale.”

ʻO KA ʻEPISETOLE A PAULO KA LUNAʻŌLELO I KO ROMA 2:1

¶ No laila hoʻi, e ke kanaka, ka mea nāna e hoʻohewa aku, ʻaʻole ou mea e hoʻāpono ʻia ai; no ka mea, i kou hoʻāhewa ʻana i kekahi, ua hoʻāhewa ʻoe iā ʻoe iho, no kāu hana ʻana i nā mea āu i hoʻāhewa aku ai.

ʻO KA ʻEPISETOLE HOʻOLAHA MUA A PETERO 2:25

No ka mea, ua like ʻoukou me nā hipa e hele hewa ana; akā, ua hoʻihoʻi ʻia mai nei ʻoukou i ke Kahu Hipa, a me ka Luna Kiaʻi o ko ʻoukou mau ʻuhane.