KA ʻEUANELIO I KĀKAU ʻIA AI E LUKA 15:2 - Ka Baibala Hemolele

² A ʻōhumu ihola ka poʻe Parisaio a me ka poʻe kākau ʻōlelo, ʻī aʻela, “Ua hoʻolauna ʻo ia nei me ka poʻe hewa, a ua ʻai pū nō hoʻi me lākou.”

KA ʻEUANELIO I KĀKAU ʻIA AI E LUKA 15:2 Iomraidhean Croise

KA ʻEUANELIO I KĀKAU ʻIA AI E MATAIO 11:19

“I hele mai nei ke Keiki a ke Kanaka me ka ʻai ʻana a me ka inu ʻana, a ke ʻōlelo nei lākou, ‘Aia hoʻi, he kanaka pākela ʻai, pākela inu waina, a he hoalauna no nā luna ʻauhau a me nā lawehala!’ Akā, ua hoʻāpono ʻia ka naʻauao e kāna poʻe keiki.”

KA ʻEUANELIO I KĀKAU ʻIA AI E MATAIO 9:11

A ʻike akula ka poʻe Parisaio, ʻī maila lākou i kāna poʻe haumāna, “No ke aha lā e ʻai pū ai kā ʻoukou Kumu me nā luna ʻauhau a me nā lawehala?”

KA ʻEUANELIO I KĀKAU ʻIA AI E LUKA 15:3

¶ ʻŌlelo maila ʻo ia i kēia ʻōlelo nane iā lākou, ʻī maila,

KA ʻEUANELIO I KĀKAU ʻIA AI E LUKA 19:7

A ʻo ka poʻe i ʻike ia mea, ʻōhumu ihola lākou a pau, ʻī aʻela, “Ua hele ia e hoʻokipa ʻia aʻe e ke kanaka hewa.”

KA ʻEUANELIO I KĀKAU ʻIA AI E LUKA 5:30

Akā, ʻōhumu ko laila poʻe kākau ʻōlelo, a me nā Parisaio i kāna mau haumāna, ʻī aʻela, “No ke aha lā ʻoukou e ʻai pū ai, a e inu pū hoʻi me nā luna ʻauhau a me nā lawehala?”

KA ʻEUANELIO I KĀKAU ʻIA AI E LUKA 7:34

“Ua hele mai hoʻi ke Keiki a ke Kanaka e ʻai ana, a e inu ana; a ʻōlelo nō ʻoukou, ‘Aia hoʻi, he kanaka pākela ʻai, pākela inu waina, he hoaaloha pū me nā luna ʻauhau a me nā lawehala!’

KA ʻEUANELIO I KĀKAU ʻIA AI E LUKA 7:39

A ʻike aʻela ka Parisaio nāna i kono iā Iesū ʻōlelo ihola ia i loko ona, ʻī ihola, “Inā he kāula kēia, inā ua ʻike ia i kēia wahine i hoʻopā iā ia a me kona ʻano; no ka mea, he wahine hewa ia.”

NĀ ʻOIHANA A KA POʻE LUNAʻŌLELO 11:3

ʻī maila, “Ua hele kā ʻoe i ka poʻe ʻoki poepoe ʻole ʻia, a ua ʻai pū ʻoe me lākou.”

ʻO KA ʻEPISETOLE A PAULO KA LUNAʻŌLELO I KO GALATIA 2:12

No ka mea, ma mua o ka hiki ʻana mai o kekahi poʻe mai o Iakobo mai, ua ʻai pū ihola ia me ko nā ʻāina ʻē; a hiki maila lākou, hoʻokaʻawale aʻela ʻo ia iā ia iho, e makaʻu ana i ka poʻe i ʻoki poepoe ʻia.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:15

Eia hoʻi ka ʻōlelo ʻoiaʻiʻo, e pono e mālama nui ʻia mai, ua hele mai ʻo Kristo Iesū i ke ao nei, e hoʻōla i ka poʻe hewa; ʻo wau nō ko lākou mea ʻoi.