KA ʻEUANELIO I KĀKAU ʻIA AI E LUKA 13:7 - Ka Baibala Hemolele

⁷ “A laila ʻī akula ʻo ia i ka mea nāna i mālama i ka pā waina, ‘Eia hoʻi, ʻekolu aʻe nei oʻu mau makahiki i hele mai nei e ʻimi ana i ka hua ma luna o kēia lāʻau fiku, ʻaʻole hoʻi i loaʻa iaʻu; e kua aku ia; no ke aha lā ʻo ia e hoʻopilikia ai i ka ʻāina?’

KA ʻEUANELIO I KĀKAU ʻIA AI E LUKA 13:7 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 32:10

“ʻĀnō hoʻi, e ʻae mai ʻoe iaʻu, i wela loa koʻu huhū iā lākou, i hoʻopau wau iā lākou; a naʻu nō e hana aku iā ʻoe i lāhui kanaka nui.”

KA BUKE NO DANIʻELA 4:14

‘Kāhea maila ʻo ia me ka leo nui, a penei hoʻi kāna ʻōlelo ʻana, “E kua aku i ka lāʻau, a e ʻokiʻoki i kona mau lālā, E lūlū aku i kona lau, a e hoʻoheleleʻi hoʻi i kona hua; E haʻalele nā holoholona i kona malu, A me nā manu hoʻi i kona mau lālā.

KA BUKE ʻAKOLU A MOSE, I KAPA ʻIA ʻOIHANA KAHUNA 19:23

¶ ‘A komo ʻoukou i ka ʻāina, a kanu i kēlā lāʻau i kēia lāʻau i mea ʻai, a laila e kapa aʻe ʻoukou i kona hua he ʻoki poepoe ʻole ʻia; ʻekolu makahiki he ʻoki poepoe ʻole ʻia ia iā ʻoukou; ʻaʻole e ʻai ʻia.

KA BUKE ʻAKOLU A MOSE, I KAPA ʻIA ʻOIHANA KAHUNA 25:21

‘A laila e kauoha ai au i kaʻu hoʻomaikaʻi ʻana ma luna o ʻoukou i ke ono o ka makahiki, a e hoʻohua mai ia i ka hua no nā makahiki ʻekolu.

KA ʻEUANELIO I KĀKAU ʻIA AI E MATAIO 7:19

“ʻO kēlā lāʻau a ʻo kēia lāʻau ke hua ʻole mai ia i ka hua maikaʻi, ua kua ʻia ʻo ia i lalo, a ua kiola ʻia aku hoʻi ia i loko o ke ahi.

KA ʻEUANELIO I KĀKAU ʻIA AI E LUKA 13:8

“A ʻōlelo maila ia, ʻī maila iā ia, ‘E ka haku, e waiho hou iā ia i kēia makahiki hoʻi, a ʻeliʻeli au a puni ia, a e kīpulu hoʻi;

KA ʻEUANELIO I KĀKAU ʻIA AI E LUKA 3:9

“ʻĀnō hoʻi, ke waiho ʻia nei ke koʻi ma ke kumu o nā lāʻau; no laila, ʻo kēlā lāʻau kēia lāʻau i hoʻohua ʻole mai i ka hua maikaʻi, ʻo ia ke kua ʻia i lalo a kiola ʻia aku i ke ahi.”

KA ʻEUANELIO I KĀKAU ʻIA AI E IOANE 15:2

“ʻO ka lālā hua ʻole i loko oʻu, ʻo ia kāna e ʻoki aku; a ʻo ka lālā hua, ʻo ia kāna e hoʻomaʻemaʻe i māhuahua aʻe ai kona hua.

KA ʻEUANELIO I KĀKAU ʻIA AI E IOANE 15:6

“Inā e pili ʻole mai kekahi iaʻu, ua hoʻokaʻawale ʻia aku ia e like me ka lālā, a ua maloʻo; a e hōʻiliʻili ʻia lākou, a e hoʻolei ʻia i loko o ke ahi, a ua pau i ka puhi ʻia.