KA ʻEUANELIO I KĀKAU ʻIA AI E LUKA 12:7 - Ka Baibala Hemolele

⁷ “Ua pau nō hoʻi i ka helu ʻia nā lauoho o ko ʻoukou mau poʻo. No laila hoʻi, mai makaʻu ʻoukou; ua ʻoi loa aku ko ʻoukou maikaʻi ma mua o ko nā manu liʻiliʻi.

KA ʻEUANELIO I KĀKAU ʻIA AI E LUKA 12:7 Iomraidhean Croise

KA BUKE ʻALUA A SAMUʻELA 14:11

A laila, ʻī akula kēlā, “Ke noi aku nei au iā ʻoe, e hoʻomanaʻo ke aliʻi iā Iēhova i kou Akua, i ʻole e luku hou aku ka mea hoʻopaʻi koko, o make kaʻu keiki.” ʻĪ maila ke aliʻi, “Ma ko Iēhova ola ʻana, ʻaʻole e hāʻule ka lauoho hoʻokahi o kāu keiki ma ka honua.”

KA BUKE NO IOBA 35:11

‘ʻO ka mea i aʻo mai iā kākou ma mua o nā holoholona o ka honua, A ua hoʻonaʻauao ʻo ia iā kākou ma mua o nā manu o ka lewa?’

KA BUKE O NĀ HALELŪ 8:6

Ua hoʻolilo ʻoe iā ia i haku no nā mea a kou mau lima i hana ai; Nāu nō i waiho nā mea a pau ma lalo aʻe o kona mau wāwae;

KA ʻEUANELIO I KĀKAU ʻIA AI E MATAIO 12:12

“ʻAʻole anei e ʻoi aku ke kanaka ma mua o ka hipa? He mea pono nō ke hana maikaʻi i ka lā Sābati.”

KA ʻEUANELIO I KĀKAU ʻIA AI E MATAIO 6:26

“E nānā aku i nā manu o ka lewa; ʻaʻole lākou e lūlū hua, ʻaʻole hoʻi e ʻoki ʻai, ʻaʻole nō hoʻi e hoʻāhu aʻe i loko o nā hale papaʻa; a ua hānai ko ʻoukou Makua o ka lani iā lākou. ʻAʻole anei e ʻoi aku ko ʻoukou maikaʻi i ko lākou?

KA ʻEUANELIO I KĀKAU ʻIA AI E LUKA 21:18

“ʻAʻole hoʻi e lilo ke oho hoʻokahi o ko ʻoukou poʻo.

NĀ ʻOIHANA A KA POʻE LUNAʻŌLELO 27:34

“No ia mea, ke nonoi aku nei au iā ʻoukou, e lālau i ka ʻai; no ka mea, ʻo ko ʻoukou mea ola ia. No ka mea, ʻaʻole e hāʻule kekahi lauoho o ko ʻoukou mau poʻo.”

KA BUKE MUA A SAMUʻELA 14:45

ʻŌlelo maila nā kānaka iā Saula, “E make anei ʻo Ionatana, nāna i hana kēia ola nui i waena o kā ʻIseraʻela? ʻAʻole loa, ma ke ola o Iēhova, ʻaʻole e hāʻule iho ma ka honua kekahi lauoho o kona poʻo; no ka mea, ua hana pū aku ia me ke Akua i kēia lā.” A hoʻopakele akula nā kānaka iā Ionatana, ʻaʻole ia i make.