KA ʻEUANELIO I KĀKAU ʻIA AI E LUKA 12:5 - Ka Baibala Hemolele

⁵ “Akā, ke hōʻike aku nei au iā ʻoukou i kā ʻoukou mea e makaʻu ai; e makaʻu aku ʻoukou i ka Mea nona ka mana e hoʻolei aku i loko o ka lua ahi, ma hope iho o kāna pepehi ʻana. ʻO ia, ʻo kaʻu ʻōlelo nō ia iā ʻoukou, e makaʻu ʻoukou iā ia!

KA ʻEUANELIO I KĀKAU ʻIA AI E LUKA 12:5 Iomraidhean Croise

KA BUKE O NĀ HALELŪ 9:17

¶ E auhulihia ka poʻe hewa i lalo i ka malu o ka make, A me nā lāhui kanaka a pau i hoʻopoina i ke Akua.

NĀ ʻŌLELO AKAMAI A SOLOMONA 14:26

Ma ka makaʻu iā Iēhova, ma laila ka paulele nui; He puʻuhonua hoʻi ia na kāna poʻe keiki.

KA WĀNANA A IEREMIA 10:7

ʻO wai ka mea makaʻu ʻole iā ʻoe, e ke Aliʻi o nā ʻāina? No ka mea, kūpono ia iā ʻoe; No ka mea, i waena o ka poʻe akamai a pau o nā ʻāina, A i loko hoʻi o ko lākou aupuni a pau, ʻAʻohe mea like me ʻoe.

KA WĀNANA A IEREMIA 41:18

No ko Kaledea; no ka mea, ua makaʻu iā lākou, no ko ʻIsemaʻela, ke keiki a Netania pepehi ʻana iā Gedalia, i ke keiki a ʻAhikama, ka mea a ke aliʻi o Babulona i hoʻonoho ai i kiaʻāina no ia ʻāina.

KA WĀNANA A IEREMIA 5:22

‘ʻAʻole anei ʻoukou e makaʻu mai iaʻu?’ wahi a Iēhova; ‘ʻAʻole anei ʻoukou e haʻalulu i mua o koʻu alo, Ka Mea i hoʻonoho i ke one i mokuna no ke kai, Ma muli o ka manaʻo paʻa mau loa, i piʻi ʻole ʻia a kēlā ʻaoʻao; A inā hoʻoleilei kona mau ʻale, ʻAʻole hiki iā lākou ke piʻi, A inā halulu mai, ʻaʻole nō lākou e hele mai i kēia ʻaoʻao?

KA ʻEUANELIO I KĀKAU ʻIA AI E MATAIO 10:28

“Mai makaʻu aku hoʻi ʻoukou i ka poʻe nāna e pepehi mai ke kino, ʻaʻole naʻe e hiki iā lākou ke pepehi i ka ʻuhane; akā, e makaʻu aku i ka mea nona ka mana e make ai ka ʻuhane a me ke kino i loko o Gehena.

KA ʻEUANELIO I KĀKAU ʻIA AI E MATAIO 25:41

“A laila, e ʻōlelo aʻe ia i ka poʻe ma ka lima hema, ‘E ka poʻe i ʻāhewa ʻia, haele ʻoukou pēlā mai oʻu aku nei i loko o ke ahi mau loa, i hoʻomākaukau ʻia no ka diabolō a me kona poʻe ʻānela.

KA ʻEUANELIO I KĀKAU ʻIA AI E MATAIO 25:46

“A ʻo kēia poʻe lā, e hele aku lākou i kahi make mau loa; akā, ʻo ka poʻe maikaʻi i loko o ke ola mau loa.”

KA ʻEUANELIO I KĀKAU ʻIA AI E MATAIO 5:22

Eia hoʻi kaʻu e ʻōlelo aku nei iā ʻoukou, ʻo ka mea e huhū hala ʻole aku i kona hoahānau, e lilo ana ia i mea no ka hoʻohewa ʻia; a ʻo ka mea e hāʻiliʻili aku i kona hoahānau, ‘Ē, pupuka!’ E lilo ia i mea no ka ʻaha hoʻokolokolo; a ʻo ka mea e hāʻiliʻili aku, ‘Ē, lapuwale!’ E lilo ia i mea no ke ahi i Gehena.

KA ʻEUANELIO I KĀKAU ʻIA AI E MAREKO 13:23

“E ao hoʻi ʻoukou; aiʻa, ua hōʻike ʻē aku nō wau iā ʻoukou i nā mea a pau loa.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:6

ʻAʻole make hoʻopohō kekahi, ʻaʻole ka hoʻomakehewa i kā kona hoahānau i kekahi mea; no ka mea, ʻo ka Haku ka Mea nāna ia poʻe e hoʻopaʻi mai, ʻo ia kā mākou i haʻi mua aku ai me ka hōʻike ʻē aku iā ʻoukou.

ʻO KA ʻEPISETOLE A PAULO KA LUNAʻŌLELO I KO HEBERA 10:31

He mea weliweli ka hāʻule ʻana i loko o nā lima o ke Akua ola.

ʻO KA ʻEPISETOLE HOʻOLAHA ʻALUA A PETERO 2:4

No ka mea, inā ʻaʻole i aloha mai ke Akua i nā ʻānela i hewa; akā, kiola nō iā lākou i lalo i ka pō, me ka paʻa i nā kaula o ka pouli, i mālama ʻia ai no ka hoʻāhewa ʻia;

KA HŌʻIKE ʻANA A IOANE KA HAIPULE 14:7

ʻī maila ia me ka leo nui, “E makaʻu i ke Akua, a e hoʻonani aku iā ia; no ka mea, ua hiki mai ka hora o kona hoʻopaʻi ʻana; e kukuli hoʻomaikaʻi i ka mea nāna i hana ka lani a me ka honua, a me ke kai, a me nā wai puna.”

KA HŌʻIKE ʻANA A IOANE KA HAIPULE 15:4

“ʻO wai ka mea e makaʻu ʻole iā ʻoe, e ka Haku, a e hoʻonani ʻole i kou inoa? No ka mea, ʻo ʻoe wale nō ka hemolele; «A e hele mai nō hoʻi ko nā ʻāina a pau, a e kukuli hoʻomaikaʻi i mua ou; No ka mea, ua maopopo ka pono o kou hoʻopaʻi ʻana».”

KA HŌʻIKE ʻANA A IOANE KA HAIPULE 20:14

Kiola ʻia akula ka Make a me ka Pō, i loko o ka loko o ke ahi; ʻo ia ka make ʻalua.