KA ʻEUANELIO I KĀKAU ʻIA AI E LUKA 12:1 - Ka Baibala Hemolele

¹ ¶ Ia manawa, ka ʻākoakoa lehulehu loa ʻana mai o ka ʻaha kanaka, a hehi kekahi ma luna o kekahi, ʻōlelo mua maila ia i kāna mau haumāna, “I nui ko ʻoukou mālama iā ʻoukou iho i ka mea hū a ka poʻe Parisaio; ʻo ka hoʻokamani nō ia.

KA ʻEUANELIO I KĀKAU ʻIA AI E LUKA 12:1 Iomraidhean Croise

KA BUKE ʻALUA NO NĀ ALIʻI 7:17

A hoʻonoho akula ke aliʻi i ka luna kiaʻi, i ka mea āna i hilinaʻi ai ma kona lima, e mālama i ka ʻīpuka; a hehi ihola nā kānaka ma luna ona, a make ihola ia, e like me ka ʻōlelo a ke kanaka o ke Akua, āna i ʻōlelo ai i ka hele ʻana o ke aliʻi i ona lā.

KA BUKE NO IOBA 20:5

“ʻO ka ʻoliʻoli o ka poʻe hewa, he pōkole ia, A ʻo ka leʻaleʻa o ka ʻaiā, no ka minute ia?

KA BUKE NO IOBA 27:8

“No ka mea, he aha ka manaʻolana o ka ʻaiā, i ka wā e hoʻopau ai iā ia, I ka wā e kāʻili aku ai ke Akua i kona ʻuhane?

KA BUKE NO IOBA 36:13

“A ʻo ka poʻe ʻaiā ma ka naʻau, hōʻiliʻili lākou i ka inaina; ʻAʻole lākou e kāhea aku, i ka wā e hoʻopaʻa aku ai ʻo ia iā lākou.

KA WĀNANA A ʻISAIA 33:14

Ua makaʻu ka poʻe hewa ma Ziona, Ua loʻohia ka poʻe ʻaiā i ka haʻalulu. “ʻO wai lā ka mea o kākou e hiki ke noho me ke ahi e hoʻopau ana? ʻO wai lā ka mea o kākou e hiki ke noho me ka wela mau loa?”

KA ʻEUANELIO I KĀKAU ʻIA AI E LUKA 11:44

“Auē hoʻi ʻoukou, ka poʻe kākau ʻōlelo a me nā Parisaio, ka poʻe hoʻokamani! No ka mea, ua like ʻoukou me nā hale kupapaʻu i nalo, e hehi ʻia ana e kānaka me ka ʻike ʻole.”

KA ʻEUANELIO I KĀKAU ʻIA AI E LUKA 12:56

“E ka poʻe hoʻokamani! E hiki nō iā ʻoukou ke hoʻomaopopo i nā mea i ʻikea ma ka lani a ma ka honua; pehea lā i maopopo ʻole ai kēia manawa iā ʻoukou?

KA ʻEUANELIO I KĀKAU ʻIA AI E LUKA 5:1

¶ Eia kekahi, hoʻokekē aʻela ka ʻaha kanaka iā ia, e lohe i ka ʻōlelo a ke Akua, i kona kū kokoke ʻana ma ka moana wai o Genesareta.

KA ʻEUANELIO I KĀKAU ʻIA AI E LUKA 5:15

Kukuʻi loa aʻela kona kaulana, a lulumi maila nā ʻaha kanaka nui, e lohe iā ia, a e hoʻōla ʻia e ia ko lākou nāwaliwali.

KA ʻEUANELIO I KĀKAU ʻIA AI E LUKA 6:17

A iho maila ʻo ia me lākou, kū ihola ma kahi pāpū, a ʻo kāna poʻe haumāna, a me nā kānaka he lehulehu no Iudea a pau, no Ierusalema hoʻi, a no kahakai ʻo Turo a me Sidona, hele aku lākou e hoʻolohe iā ia, a e hoʻōla ʻia hoʻi ko lākou mau maʻi;

NĀ ʻOIHANA A KA POʻE LUNAʻŌLELO 21:20

A i ko lākou lohe ʻana, hoʻomaikaʻi aku lākou i ke Akua, ʻī maila iā ia, “E ke kaikaina, ke ʻike nei ʻoe i ka nui o nā ʻumi tausani o nā Iudaio i manaʻoʻiʻo; ua ikaika loa lākou a pau ma ke Kānāwai.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:3

No ka mea, hāʻawi mua aku au iā ʻoukou i ka mea aʻu i loaʻa mai, i ka make ʻana o Kristo no ko kākou hewa, e like me kā ka Palapala Hemolele;

ʻO KA ʻEPISETOLE A PAULO KA LUNAʻŌLELO I KO HEBERA 12:22

Akā, ua hele mai nō ʻoukou i ka Mauna Ziona, a i ke kūlanakauhale o ke Akua ola, i ko ka lani Ierusalema, a i ke anaina hiki ʻole ke helu ʻia o nā ʻānela;

ʻO KA ʻEPISETOLE HOʻOLAHA A IAKOBO 3:17

Akā, ʻo ke akamai no luna mai, he maʻemaʻe nō ia ma mua, a laila he noho mālie, he akahai, he ʻoluʻolu, he piha hoʻi i ka lokomaikaʻi a me ka hua maikaʻi, ʻaʻole loa e manaʻo ʻino aku, ʻaʻole hoʻi he hoʻokamani.

ʻO KA ʻEPISETOLE HOʻOLAHA MUA A PETERO 2:1

¶ No ia mea, e haʻalele ʻoukou i ka ʻōpū ʻinoʻino a pau, a me ka wahaheʻe a pau, a me ka hoʻokamani, a me ka pāonioni, a me ka ʻōlelo ʻino a pau;