KA ʻEUANELIO I KĀKAU ʻIA AI E LUKA 11:9 - Ka Baibala Hemolele

⁹ “Ke ʻī aku nei hoʻi au iā ʻoukou, e noi, a e hāʻawi ʻia iā ʻoukou; e ʻimi, a e loaʻa iā ʻoukou; e kīkēkē, a e wehe ʻia iā ʻoukou.

KA ʻEUANELIO I KĀKAU ʻIA AI E LUKA 11:9 Iomraidhean Croise

KA BUKE O NĀ HALELŪ 118:5

¶ Ma loko o ka pilikia, kāhea aku au iā Iēhova; A ʻae mai ʻo Iēhova iaʻu ma kahi ākea.

KA BUKE O NĀ HALELŪ 27:4

¶ Hoʻokahi nō mea aʻu i noi aku ai iā Iēhova, ʻo ia kaʻu e ʻimi aku ai; E noho au ma loko o ka hale o Iēhova i nā lā a pau o koʻu ola ʻana, E nānā aku i ka nani o Iēhova, a e nīnaninau i loko o kona luakini.

KA BUKE O NĀ HALELŪ 27:8

I kāu ʻōlelo ʻana, “E ʻimi mai ʻoukou i kuʻu alo”; ʻĪ akula kuʻu naʻau iā ʻoe, “ʻO kou alo, e Iēhova, kaʻu e ʻimi ai.”

KA BUKE O NĀ HALELŪ 34:10

Ua nele a ua pōloli nā liona ʻōpiopio; Akā, ʻo ka poʻe ʻimi iā Iēhova, ʻaʻole e nele i ka mea maikaʻi.

KA BUKE O NĀ HALELŪ 34:4

¶ Ua ʻimi aku au iā Iēhova a ua hoʻolohe mai ia iaʻu; Ua hoʻopakele mai ʻo ia iaʻu i kaʻu mau mea e makaʻu ai a pau.

KA BUKE O NĀ HALELŪ 50:15

“A e kāhea mai iaʻu i ka lā pōpilikia; A e hoʻopakele au iā ʻoe, a e hoʻonani mai nō hoʻi ʻoe iaʻu.”

KE MELE A SOLOMONA 5:6

“Ua wehe aʻe au no kaʻu mea i aloha ai; Akā, ʻo kaʻu mea i aloha ai, ua huli aʻe ia, a hele akula; Ua lele koʻu ʻōʻili i kāna ʻōlelo ʻana mai; Ua ʻimi au iā ia, ʻaʻole naʻe i loaʻa, Ua kāhea aku au iā ia, ʻaʻole naʻe i ʻekemu mai.

KA WĀNANA A ʻISAIA 45:19

“ʻAʻole au i ʻōlelo ma kahi malū, ma kahi pouli o ka honua; ʻAʻole au i ʻōlelo aku i nā pua a Iakoba, ‘E ʻimi makehewa ʻoukou iaʻu’; ʻO wau ʻo Iēhova, ka Mea e ʻōlelo ana ma ka pono, Ka Mea e haʻi aku ana i nā mea pololei.

KA WĀNANA A IEREMIA 29:12

‘A laila ʻoukou e hea mai ai iaʻu, a e hele hoʻi ʻoukou, a e pule mai iaʻu, a e hoʻolohe nō au iā ʻoukou.

KA WĀNANA A IEREMIA 33:3

‘E hea mai ʻoe iaʻu, a e ō aku nō wau iā ʻoe, a e hōʻike aku iā ʻoe i nā mea nui a paʻakikī, aʻu i ʻike ʻole ai.’

KA BUKE NO DANIʻELA 9:3

A hāliu akula au i koʻu maka i ka Haku i ke Akua e ʻimi aku ma ka pule, a me ka nonoi ʻana, me ka hoʻokē ʻai, a me ke kapa ʻino, a me ka lehu ahi.

KA ʻEUANELIO I KĀKAU ʻIA AI E MATAIO 21:22

“ʻO ia hoʻi, ʻo nā mea a pau a ʻoukou e nonoi ai ma ka pule me ka manaʻoʻiʻo, e loaʻa nō ia iā ʻoukou.”

KA ʻEUANELIO I KĀKAU ʻIA AI E MATAIO 21:31

“ʻO wai ko lāua mea nāna i hana ka makemake o ka makua?” ʻĪ maila lākou iā ia, “ʻO ka mua.” ʻĪ akula Iesū iā lākou, “He ʻoiaʻiʻo kaʻu e ʻōlelo aku nei iā ʻoukou, e komo ʻē ka poʻe luna ʻauhau a me nā wāhine hoʻokamakama ma mua o ʻoukou i loko o ke aupuni o ke Akua.

KA ʻEUANELIO I KĀKAU ʻIA AI E MATAIO 6:29

ke ʻōlelo aku nei hoʻi au iā ʻoukou, ʻo Solomona i kona nani a pau, ʻaʻole ia i kāhiko like ʻia me kekahi o ia mau mea.

KA ʻEUANELIO I KĀKAU ʻIA AI E MAREKO 11:24

“No ia mea lā, ke ʻōlelo aku nei au iā ʻoukou, ʻo nā mea a pau a ʻoukou e noi aku ai ma kā ʻoukou pule ʻana, e manaʻoʻiʻo ʻoukou i ka loaʻa ʻana, a laila e loaʻa ʻiʻo aku nō iā ʻoukou ia.

KA ʻEUANELIO I KĀKAU ʻIA AI E MAREKO 13:37

“ʻO kaʻu e ʻōlelo aku nei iā ʻoukou, ʻo ia nō kaʻu e ʻōlelo aku nei i nā mea a pau loa, ‘E makaʻala!’”

KA ʻEUANELIO I KĀKAU ʻIA AI E LUKA 11:10

“No ka mea, ʻo ka mea i noi, ua hāʻawi ʻia nō iā ia; a ʻo ka mea i ʻimi, ua loaʻa nō iā ia; a ʻo ka mea kīkēkē, e wehe ʻia nō iā ia.

KA ʻEUANELIO I KĀKAU ʻIA AI E IOANE 14:13

“A ʻo ka mea a ʻoukou e nonoi ai ma koʻu inoa, ʻo ia kaʻu e hana mai, i hoʻonani ʻia ai ka Makua ma ke Keiki.

KA ʻEUANELIO I KĀKAU ʻIA AI E IOANE 15:16

“ʻAʻole ʻoukou i wae mai iaʻu; akā, ʻo wau kai wae aku iā ʻoukou, a i hoʻokaʻawale iā ʻoukou, i hele ai ʻoukou, a e hoʻohua mai ai i ka hua, a i mau ai hoʻi ko ʻoukou hua; i hāʻawi mai ai ka Makua iā ʻoukou i ka mea a ʻoukou e nonoi ai iā ia ma koʻu inoa.

KA ʻEUANELIO I KĀKAU ʻIA AI E IOANE 15:7

“Inā e pili mai ʻoukou iaʻu, a e noho kaʻu mau ʻōlelo i loko o ʻoukou, a laila, e nonoi ʻoukou i kā ʻoukou mea e makemake ai, a e hāʻawi ʻia nō ia iā ʻoukou.

KA ʻEUANELIO I KĀKAU ʻIA AI E IOANE 4:10

ʻŌlelo maila ʻo Iesū iā ia, ʻī maila, “Inā ua ʻike ʻoe i ka makana o ke Akua, a i ka mea hoʻi e ʻōlelo ana iā ʻoe, ‘Hō mai noʻu e inu;’ inā ua noi mai ʻoe iā ia, a ua hāʻawi aku ia i ka wai ola nou.”

ʻO KA ʻEPISETOLE A PAULO KA LUNAʻŌLELO I KO ROMA 2:7

i ka poʻe e ʻimi ana i ka nani, a me ka mahalo, a me ka make ʻole, ma ka hoʻoikaika mau ʻana i ka hana maikaʻi, i ke ola loa;

ʻO KA ʻEPISETOLE LUA A PAULO KA LUNAʻŌLELO I KO KORINETO 6:2

(No ka mea, ke ʻī maila ʻo ia, “«Ua hoʻolohe akula au iā ʻoe i ka manawa i maliu ʻia ai, A ua kōkua akula au iā ʻoe i ka lā e ola ai». Aia hoʻi, ʻānō «ka manawa e maliu ʻia mai ai»; Aia hoʻi, ʻānō «ka lā e ola ai».”)

ʻO KA ʻEPISETOLE A PAULO KA LUNAʻŌLELO I KO HEBERA 11:6

Akā, he mea hiki ʻole ke hōʻoluʻolu i ke Akua me ka manaʻoʻiʻo ʻole; no ka mea, ʻo ka mea e hele ana i ke Akua, e pono nō e manaʻoʻiʻo ʻo ia, he mea ʻiʻo nō ia, a he Mea hoʻi e uku mai ana i ka poʻe i ʻimi ikaika iā ia.

ʻO KA ʻEPISETOLE A PAULO KA LUNAʻŌLELO I KO HEBERA 4:16

No laila, e hoʻokokoke aku kākou ma ka noho aliʻi aloha me ka manaʻolana, i aloha ʻia mai kākou, a i loaʻa hoʻi ka lokomaikaʻi e kōkua mai ai i ka wā pōpilikia.

ʻO KA ʻEPISETOLE HOʻOLAHA A IAKOBO 1:5

¶ Inā i nele kekahi o ʻoukou i ke akamai, e noi aku ʻo ia i ke Akua i ka Mea i hāʻawi lokomaikaʻi mai no nā mea a pau me ka hōʻino ʻole mai, a e hāʻawi ʻia mai nō ia nona.

ʻO KA ʻEPISETOLE HOʻOLAHA A IAKOBO 5:15

A ʻo ka pule o ka manaʻoʻiʻo, e hoʻōla nō ia i ka mea maʻi, a na ka Haku e hoʻāla mai iā ia; a inā i hana hewa ʻo ia, e kala ʻia mai ia.

ʻO KA ʻEPISETOLE HOʻOLAHA MUA A IOANE 3:22

ʻO ka mea a kākou e noi aku ai, e loaʻa nō iā kākou nona mai; no ka mea, ke mālama nei kākou i kāna mau kauoha, a ke hana nei nō hoʻi kākou i mua ona i kona mea e makemake ai.

KA HŌʻIKE ʻANA A IOANE KA HAIPULE 2:24

‘Ke ʻōlelo aku nei nō hoʻi au iā ʻoukou, ka poʻe i koe ma Tuateira, ka poʻe ʻaʻole i hahai ma ia manaʻo, ka poʻe ʻaʻole i ʻike i ko Sātana mea hohonu, pēlā ka ʻōlelo; ʻaʻole au e kau ma luna o ʻoukou i kekahi mea kaumaha ʻē aʻe.