KA ʻEUANELIO I KĀKAU ʻIA AI E LUKA 11:4 - Ka Baibala Hemolele

⁴ ‘A e kala mai ʻoe i nā hewa o mākou; No ka mea, ke kala nei mākou i ka poʻe hana hewa mai iā mākou; Mai hoʻokuʻu hoʻi iā mākou i ka hoʻowalewale ʻia mai; Akā, e hoʻopakele aʻe iā mākou i ka ʻino.’”

KA ʻEUANELIO I KĀKAU ʻIA AI E LUKA 11:4 Iomraidhean Croise

KA BUKE MUA A MOSE, I KAPA ʻIA KINOHI 48:16

“Na ka ʻānela i hoʻopakele mai iaʻu mai loko mai o ka hewa a pau, E hoʻomaikaʻi ia mau keiki, A e hea ʻia koʻu inoa ma luna o lāua, a me ka inoa o koʻu makua ʻo ʻAberahama, a me ʻIsaʻaka, A e laha loa lāua i poʻe nui i waena o ka honua.”

KA BUKE MUA NO NĀ ALIʻI 8:34

a laila, e hoʻolohe ʻoe ma ka lani, a e kala mai i ka hewa o kou poʻe kānaka ʻIseraʻela, a e lawe hou mai ʻoe iā lākou i ka ʻāina āu i hāʻawi mai ai i ko lākou mau mākua.

KA BUKE MUA NO NĀ ALIʻI 8:36

a laila e hoʻolohe mai ʻoe ma ka lani, a e kala mai i ka hewa o kāu poʻe kauā, a me kou poʻe kānaka ʻIseraʻela, i aʻo mai ʻoe iā lākou i ka ʻaoʻao maikaʻi e hele ai lākou, a e hāʻawi mai hoʻi i ka ua ma luna iho o ka ʻāina āu i hāʻawi mai ai i waiwai no kou poʻe kānaka.

KA BUKE O NĀ HALELŪ 121:7

E mālama mai nō ʻo Iēhova iā ʻoe i ka ʻino a pau; Nāna nō e mālama i kou ʻuhane.

KA BUKE O NĀ HALELŪ 25:11

No kou inoa, e Iēhova, e kala mai ai ʻoe i koʻu hewa; No ka mea, he nui nō ia.

KA BUKE O NĀ HALELŪ 25:18

E nānā mai i koʻu pilikia a me koʻu ʻeha; A e kala mai i koʻu hewa a pau.

KA BUKE NO DANIʻELA 9:19

“E ka Haku ē, e hoʻolono mai; e ka Haku ē, e kala mai; e ka Haku ē, e hoʻolohe mai, a e hana hoʻi; mai kakali, no kou pono iho nō, e koʻu Akua: no kou kūlanakauhale a me kou poʻe i kapa ʻia ma kou inoa.”

HOSEA 14:2

E lawe me ʻoukou i nā ʻōlelo, a e huli ʻoukou iā Iēhova; E ʻī aku iā ia, “E lawe aku ʻoe i nā hewa a pau, A e ʻae lokomaikaʻi mai, A e hoʻihoʻi aku mākou i nā mōhai o ko mākou lehelehe.

KA ʻEUANELIO I KĀKAU ʻIA AI E MATAIO 18:35

“Pēlā hoʻi i koʻu Makua i ka lani e hana aku ai iā ʻoukou, inā ʻaʻole ʻoukou a pau e kala aku me ko ʻoukou naʻau i nā hala o ko ʻoukou poʻe hoahānau.”

KA ʻEUANELIO I KĀKAU ʻIA AI E MATAIO 26:41

“E kiaʻi ʻoukou, e pule hoʻi, o lilo ʻoukou i ka hoʻowalewale ʻia mai; ua ʻoluʻolu naʻe ka naʻau; akā, ʻo ke kino, ua nāwaliwali ia.”

KA ʻEUANELIO I KĀKAU ʻIA AI E LUKA 11:5

¶ ʻŌlelo maila hoʻi ʻo ia iā lākou, “Inā he makamaka ko kekahi o ʻoukou a hele aku hoʻi ia i ona lā i ke aumoe, a e ʻōlelo aku, ‘E ka makamaka, hō mai hoʻi naʻu i ʻekolu pōpō berena;

KA ʻEUANELIO I KĀKAU ʻIA AI E LUKA 13:4

“A ʻo kēlā poʻe kānaka hoʻi he ʻumikumamāwalu i hiolo ʻia ai e ka hale kiaʻi i Siloama i make ai lākou, ua manaʻo anei ʻoukou ua ʻoi aku ko lākou hewa ma mua o ko nā kānaka a pau e noho ana ma Ierusalema?

KA ʻEUANELIO I KĀKAU ʻIA AI E LUKA 22:46

ʻī maila hoʻi ʻo ia iā lākou, “No ke aha lā ʻoukou e hiamoe nei? E ala aʻe i luna, e pule hoʻi ʻoukou, o lilo ʻoukou i ka hoʻowalewale ʻia.”

KA ʻEUANELIO I KĀKAU ʻIA AI E LUKA 8:13

“A ʻo ka poʻe ma luna o ka pōhaku, a lohe lākou, ʻapo lākou i ka ʻōlelo me ka ʻoliʻoli; ʻaʻole hoʻi o lākou mole, manaʻoʻiʻo nō lākou i kekahi manawa, a i ka wā e hoʻāʻo ʻia ai, haʻalele nō lākou.

KA ʻEUANELIO I KĀKAU ʻIA AI E IOANE 17:15

“ʻAʻole au e pule aku, i lawe aku ai ʻoe iā lākou mai kēia ao aku; akā, e hoʻopakele ʻoe iā lākou i ka ʻino.

ʻO KA ʻEPISETOLE MUA A PAULO KA LUNAʻŌLELO I KO KORINETO 10:13

ʻAʻole a ʻoukou hoʻowalewale ʻē aʻe, ʻo nā mea maoli wale nō; a he mālama nō ko ke Akua; ʻaʻole ia e kuʻu mai iā ʻoukou i ka hoʻowalewale ʻia ma kahi hiki ʻole iā ʻoukou ke kūpaʻa; akā, ke hoʻowalewale ʻia ʻoukou, e hoʻomākaukau nō kēlā i kahi e pakele ai, i hiki iā ʻoukou ke kūpaʻa.

ʻO KA ʻEPISETOLE A PAULO KA LUNAʻŌLELO I KO KOLOSA 3:13

e hoʻomanawanui ana kekahi i kekahi, e kala ana hoʻi kekahi i kekahi, ke loaʻa ka hala o kekahi i kekahi; e like me kā Kristo kala ʻana mai iā ʻoukou, pēlā aku hoʻi ʻoukou.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 3:3

Akā, he ʻoiaʻiʻo ka Haku, nāna ʻoukou e hoʻokūpaʻa mai, a e hoʻopakele hoʻi i ka mea hewa.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:18

A e hoʻopakele mai ana nō ka Haku iaʻu i nā hana hewa a pau, a e mālama mai hoʻi a hiki i kona aupuni i ka lani; nona hoʻi ka hoʻonani mau loa ʻia aku. ʻĀmene.

ʻO KA ʻEPISETOLE HOʻOLAHA A IAKOBO 2:13

ʻO ka mea i hana me ke aloha ʻole aku, e hoʻāhewa ʻia auaneʻi ʻo ia me ke aloha ʻole ʻia mai; ʻaʻole makaʻu ka lokomaikaʻi i ka hoʻohewa ʻia.

KA HŌʻIKE ʻANA A IOANE KA HAIPULE 2:10

‘Mai makaʻu aku i nā mea āu e pilikia ai; aia hoʻi, e hahao ana ʻo ka diabolō i kekahi o ʻoukou i loko o ka hale paʻahao, i hoʻāʻo ʻia ai ʻoukou; he ʻumi nā lā a ʻoukou e kaumaha ai. E kūpaʻa ʻoe ma ka pono a hiki i ka make, a naʻu nō e hāʻawi aku iā ʻoe i ka lei o ke ola.

KA HŌʻIKE ʻANA A IOANE KA HAIPULE 3:10

‘No ka mea, ua mālama ʻoe i ka ʻōlelo o koʻu ahonui, naʻu nō hoʻi e mālama aku iā ʻoe i ka hora o ka hoʻowalewale, i kokoke nō e hiki mai ma luna o ko ke ao nei a pau, e hoʻāʻo i ka poʻe e noho lā ma ka honua.