KA ʻEUANELIO I KĀKAU ʻIA AI E LUKA 10:16 - Ka Baibala Hemolele

¹⁶ “ʻO ka mea e hoʻolohe iā ʻoukou, ʻo ia ke hoʻolohe mai iaʻu; a ʻo ka mea e hoʻowahāwahā iā ʻoukou, ʻo ia ke hoʻowahāwahā mai iaʻu; a ʻo ka mea e hoʻowahāwahā mai iaʻu, ʻo ia ke hoʻowahāwahā i ka Mea nāna au i hoʻouna mai.”

KA ʻEUANELIO I KĀKAU ʻIA AI E LUKA 10:16 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 16:7

“A kakahiaka, a laila ʻoukou e ʻike ai i ka nani o Iēhova; no kona hoʻolohe ʻana i ka mea a ʻoukou i ʻōhumu aku ai iā Iēhova; he aha hoʻi māua, i ʻōhumu mai ai ʻoukou iā māua?”

KA BUKE ʻALUA A MOSE, I KAPA ʻIA PUKA ʻANA 16:8

ʻĪ maila ʻo Mose, “E hāʻawi mai ana ʻo Iēhova i ke ahiahi, i iʻa na ʻoukou e ʻai ai, a kakahiaka i ʻai e māʻona ai; no ka mea, ua lohe mai ʻo Iēhova i ka ʻōhumu ʻana a ʻoukou i ʻōhumu aku ai iā ia; he aha hoʻi ʻo māua? ʻAʻole no māua kā ʻoukou ʻōhumu ʻana; akā, no Iēhova.”

MALAKI 1:6

¶ “‘Ua hoʻomaikaʻi ke keiki i kona makua kāne, a ʻo ke kauā i kona haku; inā hoʻi he makua wau, ʻauhea lā kuʻu hoʻomaikaʻi ʻia? Inā hoʻi he haku wau, ʻauhea lā hoʻi kuʻu weliweli ʻia?’ Wahi a Iēhova o nā kaua iā ʻoukou, e nā kāhuna hoʻowahāwahā i kuʻu inoa. Ke nīnau mai nei ʻoukou, ‘Ma ke aha kā mākou i hoʻowahāwahā ai i kou inoa?’

KA BUKE ʻAHĀ A MOSE, I KAPA ʻIA NĀ HELU 14:11

¶ ʻĪ maila ʻo Iēhova iā Mose, “Pehea lā ka lōʻihi o ka hoʻonāukiuki ʻana mai o kēia poʻe kānaka iaʻu? Āhea lā hoʻi lākou e manaʻoʻiʻo mai ai iaʻu no nā mea mana a pau aʻu i hōʻike ai i waena o lākou?

KA BUKE ʻAHĀ A MOSE, I KAPA ʻIA NĀ HELU 14:2

ʻŌhumu aʻela nā mamo a pau a ʻIseraʻela iā Mose a me ʻAʻarona; ʻī akula ke anaina kanaka a pau iā lāua, “E aho ko mākou make ma ka ʻāina ʻo ʻAigupita! E aho ko mākou make ma kēia wao nahele!

KA BUKE ʻAHĀ A MOSE, I KAPA ʻIA NĀ HELU 16:11

“No ia mea, ua ʻākoakoa aʻe nei ʻoe me ou poʻe a pau e kūʻē iā Iēhova; he aha hoʻi ʻo ʻAʻarona i ʻōhumu aku ai ʻoukou iā ia?”

KA ʻEUANELIO I KĀKAU ʻIA AI E MATAIO 10:40

¶ “ʻO ka mea hoʻokipa mai iā ʻoukou, ʻo ia ke hoʻokipa mai iaʻu; a ʻo ka mea, hoʻokipa mai iaʻu, ʻo ia ke hoʻokipa mai i ka Mea nāna au i hoʻouna mai.

KA ʻEUANELIO I KĀKAU ʻIA AI E MATAIO 18:5

“ʻO ka mea launa aku i kekahi keiki e like me kēia no koʻu inoa, ʻo ia ke launa mai iaʻu.

KA ʻEUANELIO I KĀKAU ʻIA AI E MAREKO 9:37

“ʻO ka mea e launa mai i kekahi keiki liʻiliʻi, e like me ia nei, no koʻu inoa, ʻo ia ka mea launa mai iaʻu; a ʻo ka mea launa mai iaʻu, ʻaʻole ia i launa mai iaʻu wale nō; akā, i ka mea nāna wau i hoʻouna mai nei.”

KA ʻEUANELIO I KĀKAU ʻIA AI E LUKA 9:48

a ʻōlelo maila iā lākou, “ʻO ka mea e mālama i kēia keiki no koʻu inoa, ʻo ia ke mālama mai iaʻu; a ʻo ka mea e mālama mai iaʻu, ʻo ia ke mālama i ka Mea nāna au i hoʻouna mai; no ka mea, ʻo ka mea ʻuʻuku loa i waena o ʻoukou a pau loa, ʻo ia ke ʻoi aku ana.”

KA ʻEUANELIO I KĀKAU ʻIA AI E IOANE 12:44

¶ Kāhea aʻela ʻo Iesū, ʻī aʻela, “ʻO ka mea manaʻoʻiʻo mai iaʻu, ʻaʻole ia e manaʻoʻiʻo mai iaʻu; akā, i ka Mea nāna au i hoʻouna mai.

KA ʻEUANELIO I KĀKAU ʻIA AI E IOANE 12:48

“ʻO ka mea e hoʻowahāwahā mai iaʻu, a mālama ʻole hoʻi i kaʻu mau ʻōlelo, he mea nō kāna, nāna ia e hoʻāhewa aku; ʻo ka ʻōlelo aʻu i ʻōlelo ai, ʻo ia ka mea nāna ia e hoʻāhewa aku i ka lā ma hope.

KA ʻEUANELIO I KĀKAU ʻIA AI E IOANE 13:20

“ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻo ka mea e launa mai i ka mea aʻu e hoʻouna aku ai, ʻo ia ke launa mai iaʻu; a ʻo ka mea e launa mai iaʻu, ʻo ia ke launa i ka Mea nāna au i hoʻouna mai.”

NĀ ʻOIHANA A KA POʻE LUNAʻŌLELO 5:4

“I ka wā e waiho wale ana, ʻaʻole anei nou ponoʻī ia? A pau i ke kūʻai ʻia, ʻaʻole anei iā ʻoe ka mālama? No ke aha lā i komo ai kēia mea ma loko o kou naʻau? ʻAʻole ʻoe i wahaheʻe aku i kānaka, i ke Akua nō.”

ʻO KA ʻEPISETOLE A PAULO KA LUNAʻŌLELO I KO GALATIA 4:14

ʻAʻole nō ʻoukou i hoʻowahāwahā mai i ka ʻino o kuʻu kino, ʻaʻole hoʻi ʻoukou i hoʻopailua mai; akā, ua hoʻokipa mai nō ʻoukou iaʻu me he ʻānela lā no ke Akua, me Kristo Iesū hoʻi.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:8

ʻO ka mea hoʻi i hoʻowahāwahā mai, ʻaʻole ia i hoʻowahāwahā i ke kanaka, i ke Akua nō nāna i hāʻawi mai i kona ʻUhane Hemolele iā mākou.