KA ʻEUANELIO I KĀKAU ʻIA AI E LUKA 10:11 - Ka Baibala Hemolele

¹¹ ‘ʻO ka lepo o ko ʻoukou kūlanakauhale i pili mai nei iā mākou, ʻo ia kā mākou e holoi aku ai no ʻoukou; akā, e ʻike ʻoukou i kēia, ke kokoke mai nei ke aupuni o ke Akua iā ʻoukou.’

KA ʻEUANELIO I KĀKAU ʻIA AI E LUKA 10:11 Iomraidhean Croise

KA WĀNANA A ʻEZEKIʻELA 2:5

“A ʻo lākou, inā lohe paha, a lohe ʻole paha, (no ka mea, he ʻohana kipi lākou), e ʻike nō hoʻi lākou he kāula nō kai waena o lākou.

KA ʻEUANELIO I KĀKAU ʻIA AI E MATAIO 10:14

“A ʻo ka mea hoʻokipa ʻole iā ʻoukou, ʻaʻole hoʻi e hoʻolohe i kā ʻoukou ʻōlelo, a hele aku ʻoukou i waho o kēlā hale, a ʻo kēlā kūlanakauhale paha, e lūlū iho i ka lepo o ko ʻoukou wāwae.

KA ʻEUANELIO I KĀKAU ʻIA AI E MATAIO 10:7

“I ko ʻoukou hele ʻana, e aʻo aku, me ka ʻī ʻana, ‘Ua kokoke mai nei ke aupuni o ka lani.’

KA ʻEUANELIO I KĀKAU ʻIA AI E MATAIO 3:2

“E mihi ʻoukou; no ka mea, ua kokoke mai nei ke aupuni o ka lani.”

KA ʻEUANELIO I KĀKAU ʻIA AI E MAREKO 6:11

“A ʻo ka mea hoʻokipa ʻole mai iā ʻoukou, ʻaʻole hoʻi e hoʻolohe mai i kā ʻoukou, a i ko ʻoukou hele ʻana aku, e lūlū i ka lepo ma lalo o ko ʻoukou mau wāwae, i mea hōʻike no lākou. ʻOiaʻiʻo ke ʻōlelo aku nei au iā ʻoukou, i ka lā hoʻopaʻi, e aho nō ka make ʻana o ko Sodoma a me Gomora, i ko ia kūlanakauhale.”

KA ʻEUANELIO I KĀKAU ʻIA AI E LUKA 10:10

“A ʻo ke kūlanakauhale a ʻoukou e komo aku ai, ʻaʻole hoʻi lākou e hoʻokipa iā ʻoukou, e hele ʻoukou i waho ma ko laila mau alanui, a e ʻōlelo aku;

KA ʻEUANELIO I KĀKAU ʻIA AI E LUKA 10:9

e hoʻōla i ko laila poʻe maʻi, a e ʻōlelo aku iā lākou, ‘Ke kokoke mai nei ke aupuni o ke Akua iā ʻoukou.’

KA ʻEUANELIO I KĀKAU ʻIA AI E LUKA 9:5

“A ʻo ka poʻe e hoʻokipa ʻole iā ʻoukou, a hele aku ʻoukou mai kēlā kūlanakauhale aku, e lūlū aku i ka lepo mai ko ʻoukou mau wāwae aku, i mea hōʻike no lākou.”

NĀ ʻOIHANA A KA POʻE LUNAʻŌLELO 13:26

“E nā kānaka, nā hoahānau, nā mamo a ʻAberahama, a me ka poʻe o ʻoukou nei e makaʻu i ke Akua, ua hoʻouna ʻia mai iā ʻoukou nei ka ʻōlelo o kēia ola.

NĀ ʻOIHANA A KA POʻE LUNAʻŌLELO 13:40

“No laila, e mālama pono ʻoukou, o hiki mai auaneʻi ma luna o ʻoukou, ka mea i ʻōlelo ʻia mai ai e nā Kāula:

NĀ ʻOIHANA A KA POʻE LUNAʻŌLELO 13:46

A laila, hoʻoikaika maila ʻo Paulo lāua me Barenaba, ʻī maila, “He mea pono ke haʻi mua ʻia iā ʻoukou ka ʻōlelo a ke Akua; ua kāpae ʻoukou ia mea, a ua manaʻo ʻoukou iā ʻoukou iho, ʻaʻole ʻoukou e pono ke ola loa, eia hoʻi, ke huli aku nei māua i ko nā ʻāina ʻē.

NĀ ʻOIHANA A KA POʻE LUNAʻŌLELO 13:51

A lūlū akula lāua i ka lepo o ko lāua mau wāwae iā lākou, a hele maila lāua i ʻIkonio.

ʻO KA ʻEPISETOLE A PAULO KA LUNAʻŌLELO I KO ROMA 10:21

Akā, ke ʻōlelo maila ʻo ia no kā ʻIseraʻela, “«Ua kīkoʻo aku au i kuʻu lima i ka lāhui kanaka hoʻokuli a me ka pākīkē, a pau loa aʻela ka lā».”

ʻO KA ʻEPISETOLE A PAULO KA LUNAʻŌLELO I KO ROMA 10:8

He aha hoʻi kāna i ʻōlelo mai nei? “«Ua kokoke i ou lā ka ʻōlelo, aia i loko o kou waha a me kou naʻau».” ʻO ia ka ʻōlelo a ka manaʻoʻiʻo a kākou e haʻi aku nei;

ʻO KA ʻEPISETOLE A PAULO KA LUNAʻŌLELO I KO HEBERA 1:3

ʻO ia ka ʻōlinolino o kona nani, a me ka like loa o kona ʻano maoli, e hoʻomau ana i nā mea a pau ma kāna ʻōlelo mana iho, a, hoʻolilo ihola iā ia iho i mea e maʻemaʻe ai ko kākou hewa, noho ihola ia ma ka lima ʻākau o ka Mōʻī ma luna lilo;