KA ʻEUANELIO I KĀKAU ʻIA AI E LUKA 1:9 - Ka Baibala Hemolele

⁹ ma muli o ka ʻoihana mua a ke kahuna, ʻo kāna hana kēia, e kuni i ka mea ʻala i kona hele ʻana i loko o ka luakini o ka Haku.

KA ʻEUANELIO I KĀKAU ʻIA AI E LUKA 1:9 Iomraidhean Croise

KA BUKE MUA O KA ʻOIHANA ALIʻI 23:13

ʻO nā keiki kāne a ʻAmerama: ʻo ʻAʻarona a ʻo Mose; ua hoʻokaʻawale ʻia aʻe ʻo ʻAʻarona, e hoʻolaʻa ʻo ia i nā mea hoʻāno loa, ʻo ia a me kona poʻe keiki kāne a mau loa aku, e kuni i ka mea ʻala i mua o Iēhova, e lawelawe nāna, a e hoʻomaikaʻi ma kona inoa a mau loa aku.

KA BUKE MUA O KA ʻOIHANA ALIʻI 6:49

¶ Akā, ʻo ʻAʻarona a me kāna mau keiki, mōhai akula lākou ma luna o ke kuahu no ka mōhai kuni, a ma luna o ke kuahu no ka mea ʻala, a no ka hana a pau o ke Keʻena Kapu, a e mōhai kalahala no kā ʻIseraʻela, e like me nā mea a pau a Mose ke kauā na ke Akua i kauoha ai.

KA BUKE ʻALUA O KA ʻOIHANA ALIʻI 26:16

¶ A ikaika ia, a laila kiʻekiʻe kona naʻau, a ma laila ia i make ai. Hana hewa aku ʻo ia iā Iēhova, i kona Akua, a komo ia i loko o ka luakini o Iēhova e kuni i mea ʻala ma luna o ke kuahu kuni mea ʻala.

KA BUKE ʻALUA O KA ʻOIHANA ALIʻI 29:11

“ʻĀnō, e kaʻu poʻe keiki, mai lalau ʻoukou; no ka mea, ua wae mai ʻo Iēhova iā ʻoukou e kū i mua ona e hoʻokauā nāna, a e lawelawe i kāna mau ʻoihana, a e kuni i ka mea ʻala.”

KA BUKE ʻAHĀ A MOSE, I KAPA ʻIA NĀ HELU 16:40

i mea hoʻomanaʻo no nā mamo a ʻIseraʻela, i ʻole ai ke kanaka ʻē, ka mea ʻaʻole na ka hua a ʻAʻarona, e hele mai a kokoke e kuni i ka mea ʻala i mua o Iēhova, i like ʻole ai ia me Kora, a me kona poʻe; me kā Iēhova i ʻōlelo mai ai iā ia ma ka lima o Mose.

KA ʻEUANELIO I KĀKAU ʻIA AI E MATAIO 27:5

Hoʻolei ihola ia i nā moni i lalo, ma loko o ka luakini, haʻalele akula a hele, a kāʻawe ihola iā ia iho.

ʻO KA ʻEPISETOLE A PAULO KA LUNAʻŌLELO I KO HEBERA 9:6

A hoʻomākaukau ʻia pēlā ua mau mea lā, ua komo mau nā kāhuna i ka halelewa mua e hoʻokō ana i nā ʻoihana.

KA BUKE MUA A SAMUʻELA 2:28

‘A ua wae anei au iā ia no loko mai o nā hanauna kanaka a pau o kā ʻIseraʻela i kahuna naʻu, e kaumaha aku ma luna o koʻu kuahu, e kuni i ka mea ʻala, e hoʻokomo i ka ʻēpoda i mua oʻu? A ua hāʻawi anei i ko ka hale o kou makua kāne i nā mōhai kuni a pau a nā mamo a ʻIseraʻela?