KA ʻEUANELIO I KĀKAU ʻIA AI E LUKA 1:25 - Ka Baibala Hemolele

²⁵ “ʻO ia kā ka Haku i hana mai ai noʻu ia mau lā āna i manaʻo mai ai e lawe aku i ka mea aʻu i hōʻino ʻia mai ai i waena o kānaka.”

KA ʻEUANELIO I KĀKAU ʻIA AI E LUKA 1:25 Iomraidhean Croise

KA BUKE MUA A MOSE, I KAPA ʻIA KINOHI 25:21

Nonoi akula ʻo ʻIsaʻaka iā Iēhova no kāna wahine; no ka mea, ua pā ʻo ia; a hoʻolohe maila ke Akua iā ia, a hāpai aʻela kāna wahine ʻo Rebeka.

KA BUKE ʻALUA A SAMUʻELA 6:23

No laila, ʻaʻohe keiki a Mikala ke kaikamahine a Saula a hiki i kona lā i make ai.

KA WĀNANA A ʻISAIA 25:8

E hoʻopau nō hoʻi ʻo ia i ka make no ka manawa pau ʻole; A na ka Haku ʻo Iēhova, e holoi i ka waimaka, Mai nā maka a pau aku; E lawe aku nō hoʻi ia i ka hilahila o kona poʻe kānaka, Mai ka honua a pau aku; No ka mea, ʻo Iēhova kai ʻōlelo mai.

KA WĀNANA A ʻISAIA 4:1

¶ Ia lā lā, e lālau aku nō nā wāhine ʻehiku i ke kanaka hoʻokahi, me ka ʻōlelo aku, “E ʻai nō mākou i ko mākou ʻai iho, a e komo nō i ko mākou lole; inā e kapa ʻia mai mākou ma kou inoa, i mea e pau ai ko mākou hōʻino ʻia.”

KA ʻEUANELIO I KĀKAU ʻIA AI E LUKA 1:13

ʻĪ maila ka ʻānela iā ia, “Mai makaʻu ʻoe, e Zakaria; no ka mea, ua lohe ʻia kāu pule; a e hānau ana kāu wahine ʻo ʻElisabeta i keiki kāne nāu, a e kapa aku ʻoe i kona inoa ʻo Ioane.

KA ʻEUANELIO I KĀKAU ʻIA AI E LUKA 1:24

¶ A, ma hope iho o ia mau lā, hāpai ihola kāna wahine, ʻo ʻElisabeta, a noho mehameha ihola ia i nā malama ʻelima, ʻī ihola,

ʻO KA ʻEPISETOLE A PAULO KA LUNAʻŌLELO I KO HEBERA 11:11

Ma ka manaʻoʻiʻo i loaʻa ai iā Sara ka ikaika e hāpai keiki ai, a hānau mai, ma hope iho o ka manawa maoli o kona ola ʻana, no kona manaʻo ʻana i ka ʻoiaʻiʻo o ka Mea nāna i haʻi mua mai.

KA BUKE NO NĀ LUNA KĀNĀWAI 11:37

ʻĪ akula ʻo ia i kona makua kāne, “E hana ʻia kēia mea noʻu; e waiho wale iaʻu, i ʻelua malama, i hele au a kaʻahele i nā mauna, a uē i koʻu puʻupaʻa ʻana, ʻo wau a me koʻu poʻe hoahānau.”

KA BUKE MUA A SAMUʻELA 1:6

Hoʻonāukiuki akula kona ʻenemi iā ia, i mea e hoʻonāulu aku ai iā ia; no ka mea, ua hoʻopaʻa ʻo Iēhova i kona ʻōpū.