KA ʻEUANELIO I KĀKAU ʻIA AI E LUKA 1:16 - Ka Baibala Hemolele

¹⁶ “E nui nō hoʻi nā mamo a ʻIseraʻela āna e hoʻohuli ai ma ka Haku, ma ko lākou Akua.

KA ʻEUANELIO I KĀKAU ʻIA AI E LUKA 1:16 Iomraidhean Croise

KA WĀNANA A ʻISAIA 49:6

ʻĪ maila ia, “He mea ʻuʻuku ia e lilo ʻoe i Kauā naʻu, E hoʻokū mai i nā ʻohana o kā Iakoba, A e hoʻihoʻi i ka poʻe i mālama ʻia o kā ʻIseraʻela; E hāʻawi nō hoʻi au iā ʻoe i mālamalama no ko nā ʻāina ʻē, I lilo ʻoe i mea hoʻōla aku noʻu, ma nā kūkulu o ka honua.”

KA BUKE NO DANIʻELA 12:3

“ʻO ka poʻe naʻauao e ʻālohilohi auaneʻi lākou me he mālamalama lā ma ke aouli; a ʻo ka poʻe i hoʻohuli i nā lehulehu ma ka pono, e like me nā hōkū ia ao aku ia ao aku.

MALAKI 3:1

¶ “Aia hoʻi, e hoʻouna auaneʻi au i koʻu ʻelele, nāna e hoʻomākaukau i ke alanui i mua oʻu; a e hikiwawe mai auaneʻi ka Haku, a ʻoukou e ʻimi nei, i loko o kona luakini, ʻo ia ke ʻelele o ka berita, ʻo ka mea a ʻoukou e makemake nei; ʻeā, e hele mai ana ia,” wahi a Iēhova o nā kaua.

KA ʻEUANELIO I KĀKAU ʻIA AI E MATAIO 21:32

“No ka mea, i hele mai nei ʻo Ioane i o ʻoukou nei ma ka ʻaoʻao o ka pono, ʻaʻole naʻe ʻoukou i manaʻoʻiʻo iā ia; akā, manaʻoʻiʻo ka poʻe luna ʻauhau a me nā wāhine hoʻokamakama iā ia; a iā ʻoukou i ʻike iā ia, ʻaʻole ʻoukou i mihi ma hope me ka manaʻoʻiʻo iā ia.

KA ʻEUANELIO I KĀKAU ʻIA AI E LUKA 1:76

“A ʻo ʻoe, e ke keiki nei, e kapa ʻia aʻe ʻoe, He kāula na ka Mea Kiʻekiʻe Loa; No ka mea, e hele ana ʻoe «i mua o ka maka o ka Haku, e hoʻomākaukau i nā alanui nona»;

KA ʻEUANELIO I KĀKAU ʻIA AI E LUKA 3:3

A kaʻahele aʻela ia i nā ʻāina a pau e kokoke mai ana ma Ioredane, e aʻo ana i ka bapetizo no ka mihi i mea e kala ʻia mai ai nā hewa;