KA ʻEUANELIO I KĀKAU ʻIA AI E LUKA 1:13 - Ka Baibala Hemolele

¹³ ʻĪ maila ka ʻānela iā ia, “Mai makaʻu ʻoe, e Zakaria; no ka mea, ua lohe ʻia kāu pule; a e hānau ana kāu wahine ʻo ʻElisabeta i keiki kāne nāu, a e kapa aku ʻoe i kona inoa ʻo Ioane.

KA ʻEUANELIO I KĀKAU ʻIA AI E LUKA 1:13 Iomraidhean Croise

KA BUKE MUA A MOSE, I KAPA ʻIA KINOHI 17:10

“Eia kaʻu berita e mālama ai ʻoukou ma waena oʻu a ʻo ʻoukou, a me kāu poʻe mamo ma hope ou; e ʻoki poepoe ʻia nā keiki kāne a pau o ʻoukou.

KA BUKE MUA A MOSE, I KAPA ʻIA KINOHI 17:19

ʻĪ maila ke Akua, “He ʻoiaʻiʻo, na Sara e hānau ke keiki kāne nāu, a e kapa aku ʻoe i kona inoa ʻo ʻIsaʻaka; a e hoʻopaʻa auaneʻi au i kaʻu berita me ia, a me kāna poʻe mamo ma hope ona, i berita mau loa.

KA BUKE MUA A MOSE, I KAPA ʻIA KINOHI 18:14

“E hākālia anei kekahi mea iā Iēhova? I ka wā i ʻōlelo ʻia ai e hoʻi hou mai ana au i ou lā, i kēia manawa o kēlā makahiki, a e loaʻa iā Sara he keiki kāne.”

KA BUKE MUA A MOSE, I KAPA ʻIA KINOHI 25:21

Nonoi akula ʻo ʻIsaʻaka iā Iēhova no kāna wahine; no ka mea, ua pā ʻo ia; a hoʻolohe maila ke Akua iā ia, a hāpai aʻela kāna wahine ʻo Rebeka.

KA BUKE O NĀ HALELŪ 113:9

A hoʻonoho hoʻi ʻo ia i ka wahine pā ma ka hale, I makuahine, e leʻaleʻa ana i nā keiki āna. E halelū aku ʻoukou iā Iēhova!

KA BUKE O NĀ HALELŪ 118:21

E mililani aku au iā ʻoe; no ka mea, ua hoʻolohe mai ʻoe iaʻu, A ua lilo mai ʻoe i hoʻōla noʻu.

KA WĀNANA A ʻISAIA 8:3

A ua hoʻokokoke au i ke kāula wahine, a ua hāpai nō ia, a ua hānau, he keiki kāne. ʻĪ maila ʻo Iēhova iaʻu, “E kapa aku i kona inoa, Mahera-Sala-Hasa-Baza.

KA BUKE NO DANIʻELA 10:12

A laila, ʻōlelo maila ʻo ia iaʻu, “Mai makaʻu ʻoe, e Daniʻela; no ka mea, mai ka lā mua mai āu i hoʻomākaukau ai i kou naʻau e hoʻomaopopo aku, a e hoʻohaʻahaʻa iā ʻoe iho i mua o kou Akua, ua lohe ʻia kāu mau ʻōlelo, a no kāu mau ʻōlelo, ua hiki mai nei au.

HOSEA 1:4

A ʻōlelo maila ʻo Iēhova iā ia, “E kapa aku i kona inoa, ʻo Iezereʻela; no ka mea, ʻaʻole liʻuliʻu aku, a e hoʻopaʻi aku au i ke koko o Iezereʻela ma luna o ko ka hale o Iehu; a e hoʻopau auaneʻi au i ke aupuni o ko ka hale o kā ʻIseraʻela.

HOSEA 1:6

Hāpai hou aʻela ʻo ia, a hānau maila, he kaikamahine. ʻŌlelo mai ke Akua iā ia, “E kapa aku i kona inoa, ʻo Lo-Ruhama; no ka mea, ʻaʻole au e aloha hou aku i ko ka hale o kā ʻIseraʻela; akā, e lawe loa aku au iā lākou.

KA ʻEUANELIO I KĀKAU ʻIA AI E MATAIO 1:21

“A e hānau mai ʻo ia i Keiki Kāne, a e kapa aku ʻoe i kona inoa ʻo Iesū; no ka mea, e hoʻōla ia i kona poʻe kānaka mai ko lākou hewa.”

KA ʻEUANELIO I KĀKAU ʻIA AI E MATAIO 14:27

ʻŌlelo koke maila ʻo Iesū iā lākou, “E hoʻolana ʻoukou, ʻo wau nō kēia, mai makaʻu.”

KA ʻEUANELIO I KĀKAU ʻIA AI E MATAIO 28:5

ʻŌlelo maila ka ʻānela i ua mau wāhine lā, “Mai makaʻu ʻolua; no ka mea, ua ʻike au e ʻimi ana ʻolua iā Iesū i ka mea i kaulia ma ke keʻa.

KA ʻEUANELIO I KĀKAU ʻIA AI E MAREKO 16:6

ʻŌlelo maila ʻo ia iā lākou, “Mai makaʻu ʻoukou; ke ʻimi nei ʻoukou iā Iesū no Nazareta, i ka mea i kaulia ma ke keʻa; ua ala mai ia, ʻaʻole ʻo ia ma ʻaneʻi; e nānā ʻoukou i kahi a lākou i waiho ai iā ia.

KA ʻEUANELIO I KĀKAU ʻIA AI E LUKA 1:14

“A e hauʻoli ana hoʻi ʻoe me ka ʻoliʻoli, a he nui nō hoʻi ka poʻe e hauʻoli i kona hānau ʻana.

KA ʻEUANELIO I KĀKAU ʻIA AI E LUKA 1:30

ʻĪ maila ka ʻānela iā ia, “Mai makaʻu ʻoe, e Maria; no ka mea, ua loaʻa iā ʻoe ka lokomaikaʻi ʻia mai e ke Akua.

KA ʻEUANELIO I KĀKAU ʻIA AI E LUKA 2:21

¶ A hala nā lā ʻewalu i ʻoki poepoe ʻia ai ua keiki lā, kapa ʻia kona inoa ʻo Iesū, ʻo kā ka ʻānela hoʻi i kapa ai ma mua i kona hāpai ʻia i loko o ka ʻōpū.

NĀ ʻOIHANA A KA POʻE LUNAʻŌLELO 10:31

ʻī maila, ‘E Korenelio, ua lohe ʻia kāu pule, ua hoʻomanaʻo ʻia nō hoʻi kāu mau hoʻomanawaleʻa ʻana i mua o ke Akua.

KA BUKE NO NĀ LUNA KĀNĀWAI 6:23

ʻĪ maila ʻo Iēhova iā ia, “Aloha ʻoe. Mai makaʻu ʻoe, ʻaʻole ʻoe e make.”

KA BUKE MUA A SAMUʻELA 2:21

A ʻike maila ʻo Iēhova iā Hana, hāpai aʻela ia, a hānau maila nā keiki kāne ʻekolu a me nā kaikamāhine ʻelua. Ua nui aʻe ʻo Samuʻela ke keiki i mua o Iēhova.