KA BUKE ʻAKOLU A MOSE, I KAPA ʻIA ʻOIHANA KAHUNA 9:22 - Ka Baibala Hemolele

²² ¶ Hohola aʻela hoʻi ʻo ʻAʻarona i kona mau lima i nā kānaka, a hoʻomaikaʻi akula iā lākou; a iho maila hoʻi mai ke kaumaha ʻana i ka mōhai lawehala, a me ka mōhai kuni, a me nā mōhai hoʻomalu.

KA BUKE ʻAKOLU A MOSE, I KAPA ʻIA ʻOIHANA KAHUNA 9:22 Iomraidhean Croise

KA BUKE MUA NO NĀ ALIʻI 8:55

Kū maila ia, a hoʻomaikaʻi maila i ke anaina a pau o kā ʻIseraʻela me ka leo nui:

KA BUKE MUA O KA ʻOIHANA ALIʻI 23:13

ʻO nā keiki kāne a ʻAmerama: ʻo ʻAʻarona a ʻo Mose; ua hoʻokaʻawale ʻia aʻe ʻo ʻAʻarona, e hoʻolaʻa ʻo ia i nā mea hoʻāno loa, ʻo ia a me kona poʻe keiki kāne a mau loa aku, e kuni i ka mea ʻala i mua o Iēhova, e lawelawe nāna, a e hoʻomaikaʻi ma kona inoa a mau loa aku.

KA BUKE ʻALUA O KA ʻOIHANA ALIʻI 6:3

A laila, huli aʻela ko ke aliʻi mau maka, a hoʻomaikaʻi akula ia i ka ʻaha kanaka a pau o kā ʻIseraʻela; a kū aʻela i luna ka ʻaha kanaka a pau o kā ʻIseraʻela.

KA BUKE O NĀ HALELŪ 72:17

E mau ana nō hoʻi kona inoa; E ulu nō kona inoa, a e ʻole loa ka lā; A e pōmaikaʻi nā kānaka iā ia; E pau hoʻi nā lāhui kanaka i ke kapa aku iā ia he pōmaikaʻi.

KA BUKE ʻALUA A MOSE, I KAPA ʻIA PUKA ʻANA 39:43

A mākaʻikaʻi aʻela ʻo Mose i ka hana a pau, aia hoʻi, ua hana lākou ia e like me kā Iēhova i kauoha mai ai, pēlā nō lākou i hana ai. A hoʻomaikaʻi aʻela ʻo Mose iā lākou.

KA BUKE ʻAHĀ A MOSE, I KAPA ʻIA NĀ HELU 6:22

¶ ʻŌlelo maila ʻo Iēhova iā Mose, ʻī maila,

KA ʻEUANELIO I KĀKAU ʻIA AI E MAREKO 10:16

Hiʻipoi ihola ʻo ia iā lākou, kau aʻela i kona lima i luna o lākou, a hoʻomaikaʻi maila iā lākou.

KA ʻEUANELIO I KĀKAU ʻIA AI E LUKA 24:50

¶ A laila alakaʻi ʻo ia iā lākou i waho a hiki i Betania, hāpai aʻela i kona mau lima, a hoʻomaikaʻi maila iā lākou.

NĀ ʻOIHANA A KA POʻE LUNAʻŌLELO 3:26

“Ua hoʻāla mai ke Akua i kāna Keiki iā Iesū, a ua hoʻouna mai iā ia i o ʻoukou nei mua, e hoʻopōmaikaʻi iā ʻoukou i ka hoʻohuli ʻana iā ʻoukou a pau, mai ko ʻoukou hewa mai.”

ʻO KA ʻEPISETOLE LUA A PAULO KA LUNAʻŌLELO I KO KORINETO 13:14

¶ I mau aku ka lokomaikaʻi o ka Haku ʻo Iesū Kristo, me ke aloha o ke Akua, a me ka launa pū ʻana o ka ʻUhane Hemolele me ʻoukou a pau. ʻĀmene.

KA BUKE ʻALIMA A MOSE, I KAPA ʻIA KĀNĀWAI LUA 10:8

I kēlā manawa hoʻokaʻawale aʻela ʻo Iēhova i ka ʻohana a Levi, e halihali i ka pahu berita o Iēhova, e kū i mua o Iēhova e lawelawe nāna, a e hoʻomaikaʻi aku ma kona inoa, a hiki i kēia lā.

KA BUKE ʻALIMA A MOSE, I KAPA ʻIA KĀNĀWAI LUA 21:5

“A ʻo nā kāhuna, nā mamo a Levi e hoʻokokoke mai; no ka mea, ua wae mai ʻo Iēhova kou Akua iā lākou e lawelawe nāna, a e hoʻomaikaʻi aku ma ka inoa ʻo Iēhova, aia nō iā lākou ka ʻōlelo no nā hakakā a me nā hahau ʻana a pau.

ʻO KA ʻEPISETOLE HOʻOLAHA MUA A PETERO 3:9

Mai hoʻihoʻi aku i ka ʻino no ka ʻino, ʻaʻole hoʻi ke kūamuamu no ke kūamuamu; e ʻokoʻa kā ʻoukou, ʻo ka hoʻomaikaʻi aku; e ʻike hoʻi ʻoukou, ua hea ʻia mai ʻoukou i laila, i hoʻoili ʻia mai iā ʻoukou ka hoʻomaikaʻi ʻia.