KA BUKE ʻAKOLU A MOSE, I KAPA ʻIA ʻOIHANA KAHUNA 8:3 - Ka Baibala Hemolele

³ “A e hoʻākoakoa ʻoe i ke anaina a pau ma ka puka o ka halelewa o ke anaina.”

KA BUKE ʻAKOLU A MOSE, I KAPA ʻIA ʻOIHANA KAHUNA 8:3 Iomraidhean Croise

KA BUKE MUA O KA ʻOIHANA ALIʻI 13:5

Pēlā i hōʻuluʻulu ai ʻo Dāvida i kā ʻIseraʻela a pau i kahi hoʻokahi, mai Sihora o ʻAigupita a hiki aku i ke komo ʻana aku i Hemata, e lawe i ka pahu o ke Akua mai Kiriata Iearima mai.

KA BUKE MUA O KA ʻOIHANA ALIʻI 15:3

Hōʻuluʻulu maila ʻo Dāvida i kā ʻIseraʻela a pau i Ierusalema, e lawe mai i ka pahu o Iēhova i kona wahi, kahi āna i hoʻomākaukau ai nona.

KA BUKE ʻALUA O KA ʻOIHANA ALIʻI 30:13

¶ A ʻākoakoa maila ma Ierusalema nā kānaka he nui loa e hana i ka ʻAhaʻaina Berena Hū ʻOle, i ka malama ʻelua, he ʻaha kanaka nui loa.

KA BUKE ʻALUA O KA ʻOIHANA ALIʻI 30:2

Ua kūkākūkā pū ke aliʻi a me nā aliʻi iho ona, a me ka ʻaha kanaka a pau ma Ierusalema, e hana i ka ʻAhaʻaina Mōliaola i ka malama ʻelua.

KA BUKE ʻALUA O KA ʻOIHANA ALIʻI 30:25

Hauʻoli nō ka ʻaha kanaka a pau o kā Iuda, ʻo nā kāhuna, a me nā Levi, a ʻo ka ʻaha kanaka a pau i hele mai, no kā ʻIseraʻela, a me nā malihini i hele mai ka ʻāina ʻo ʻIseraʻela mai, a me ka poʻe i noho ma Iuda.

KA BUKE ʻALUA O KA ʻOIHANA ALIʻI 5:2

¶ A laila, hoʻākoakoa ʻo Solomona i nā lunakahiko o kā ʻIseraʻela, a me ka poʻe koʻikoʻi o nā ʻohana, i nā kaukaualiʻi, a me nā mākualiʻi no nā mamo a ʻIseraʻela, i Ierusalema, e lawe i ka pahu o ka berita o Iēhova mai ke kūlanakauhale o Dāvida, mai Ziona mai.

KA BUKE ʻALUA O KA ʻOIHANA ALIʻI 5:6

A ʻo ke aliʻi, ʻo Solomona a me ka ʻaha kanaka a pau o kā ʻIseraʻela i hoʻākoakoa ʻia i ona lā i mua o ka pahu berita, mōhai aku lākou i nā hipa, a me nā bipi i pau ʻole i ka helu ʻia no ka nui loa.

KA BUKE A NEHEMIA 8:1

¶ Hoʻākoakoa ʻia maila ka ʻaha kanaka a pau e like me ke kanaka hoʻokahi ma kahi ākea ma ke alo o ka Puka Wai; a ʻōlelo akula lākou iā ʻEzera i ke kākau ʻōlelo e lawe mai i ka Buke o ke Kānāwai o Mose, ka mea a Iēhova i kauoha mai ai i kā ʻIseraʻela.

KA BUKE O NĀ HALELŪ 22:25

¶ Iā ʻoe koʻu hoʻoleʻa ʻana i waena o ke anaina nui; E hoʻokō aku au i kaʻu i hoʻohiki ai, i mua o ka poʻe weliweli iā ia.

KA BUKE ʻAKOLU A MOSE, I KAPA ʻIA ʻOIHANA KAHUNA 14:11

“A ʻo ke kahuna e hoʻomaʻemaʻe ana iā ia, e hōʻike ʻo ia i ke kanaka e hoʻomaʻemaʻe ʻia ana a me kēlā mau mea, ma ke alo o Iēhova ma ka puka o ka halelewa o ke anaina.

KA BUKE ʻAKOLU A MOSE, I KAPA ʻIA ʻOIHANA KAHUNA 8:2

“E lawe ʻoe iā ʻAʻarona a me kāna mau keiki pū, a me nā kapa komo, a me ka ʻaila poni, a me ka bipi kāne i mōhai lawehala, a me nā hipa kāne ʻelua, a me ka hīnaʻi berena hū ʻole.

KA BUKE ʻAKOLU A MOSE, I KAPA ʻIA ʻOIHANA KAHUNA 8:4

Hana ihola ʻo Mose e like me kā Iēhova i kauoha mai ai iā ia; a ua hoʻākoakoa ʻia ka ʻaha kanaka i ka puka o ka halelewa o ke anaina.

KA BUKE ʻAHĀ A MOSE, I KAPA ʻIA NĀ HELU 20:8

“E lawe ʻoe i ke koʻokoʻo, a e hoʻākoakoa ʻoe i ke anaina kanaka, ʻo ʻoe a me ʻAʻarona kou kaikuaʻana, a e ʻōlelo aku ʻolua i ka pōhaku i mua o nā maka o lākou; a e hāʻawi mai ia i kona wai, a e lawe mai ʻoe i ka wai no lākou mai loko mai o ka pōhaku; a pēlā nō ʻoe e hoʻoinu ai i ke anaina kanaka, a me kā lākou poʻe holoholona.”

KA BUKE ʻAHĀ A MOSE, I KAPA ʻIA NĀ HELU 21:16

Mai laila aku lākou a Beʻera; ʻo ia ka pūnāwai kahi a Iēhova i ʻōlelo mai ai iā Mose, “E hoʻākoakoa i nā kānaka, a e hāʻawi aku nō wau i wai no lākou.”

KA BUKE ʻAHĀ A MOSE, I KAPA ʻIA NĀ HELU 8:9

“A e kaʻi mai ʻoe i nā Levi i mua o ka halelewa o ke anaina; a e hoʻākoakoa mai hoʻi ʻoe i ke anaina kanaka a pau o nā mamo a ʻIseraʻela.

NĀ ʻOIHANA A KA POʻE LUNAʻŌLELO 2:1

¶ A hiki ʻiʻo maila ka lā Penetekota, ua ʻākoakoa pū lākou a pau, me ka manaʻo lōkahi.