KA BUKE ʻAKOLU A MOSE, I KAPA ʻIA ʻOIHANA KAHUNA 7:24 - Ka Baibala Hemolele

²⁴ ‘A ʻo ke kaikea o ka holoholona make wale, a ʻo ke kaikea o ka mea i haehae ʻia e nā holoholona, e pono ia i kā kēlā mea kēia mea ʻē aʻe, ʻaʻole loa hoʻi ʻoukou e ʻai ia mea.

KA BUKE ʻAKOLU A MOSE, I KAPA ʻIA ʻOIHANA KAHUNA 7:24 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 22:30

“Pēlā nō ʻoe e hana ai me kāu mau bipi a me kāu poʻe hipa; ʻehiku lā e noho ai me kona makuahine, a i ka walu o ka lā, e hāʻawi mai ʻoe ia mea iaʻu.

KA BUKE ʻALUA A MOSE, I KAPA ʻIA PUKA ʻANA 22:31

“A e lilo auaneʻi ʻoukou i poʻe kānaka hoʻāno noʻu, ʻaʻole hoʻi ʻoukou e ʻai i ka ʻiʻo i haehae ʻia e nā holoholona ma ke kula, e kiola aku ʻoukou ia na nā ʻīlio.

KA WĀNANA A ʻEZEKIʻELA 4:14

A laila ʻōlelo aku au, “Auē, e Iēhova ka Haku! ʻOiaʻiʻo, ʻaʻole i hoʻohaumia ʻia koʻu ʻuhane; no ka mea, mai koʻu wā kamaliʻi mai a hiki i kēia manawa, ʻaʻole au i ʻai i kauwahi o ka mea i make wale, ʻaʻole hoʻi ʻo ka mea i haehae ʻia e nā holoholona, ʻaʻole hoʻi i komo ka ʻiʻo haumia i loko o kuʻu waha.”

KA WĀNANA A ʻEZEKIʻELA 44:31

“A ʻo ka mea make wale, a i haehae ʻia paha, ʻo ka manu, a ʻo ka holoholona, ʻaʻole e ʻai ke kahuna.

KA BUKE ʻAKOLU A MOSE, I KAPA ʻIA ʻOIHANA KAHUNA 17:15

“A ʻo ke kanaka nāna e ʻai i ka mea make wale, a i ka mea paha i pepehi ʻia e nā holoholona, ʻo ka mea o ko ʻoukou ʻāina ponoʻī, a ʻo ka malihini paha, e holoi ʻo ia i kona mau kapa, e ʻauʻau hoʻi i ka wai, a e haumia a hiki i ke ahiahi.

KA BUKE ʻAKOLU A MOSE, I KAPA ʻIA ʻOIHANA KAHUNA 22:8

‘ʻO ka mea make wale, a ʻo ka mea i nahae ʻia, ʻaʻole ʻo ia e ʻai ia, e hoʻohaumia ai iā ia iho; ʻo wau nō Iēhova.

KA BUKE ʻAKOLU A MOSE, I KAPA ʻIA ʻOIHANA KAHUNA 7:25

‘A ʻo ka mea nāna e ʻai i ke kaikea o ka holoholona a nā kānaka i kaumaha ai i ka mōhai ma ke ahi iā Iēhova, ʻo ka mea i ʻai ia mea, ʻo ia ke ʻoki ʻia aku mai kona poʻe kānaka aku.

KA BUKE ʻALIMA A MOSE, I KAPA ʻIA KĀNĀWAI LUA 14:21

¶ “Mai ʻai ʻoukou i kekahi mea make wale; e hāʻawi aku na ke kanaka ʻē i loko o kou mau ʻīpuka, i ʻai iho ai ʻo ia ia mea; a e kūʻai aku paha ia mea i ka malihini; no ka mea, he poʻe kānaka ʻoukou i hoʻolaʻa ʻia no Iēhova kou Akua. Mai hoʻolapalapa ʻoe i ke keiki kao i loko o ka waiū o kona makuahine.