KA BUKE ʻAKOLU A MOSE, I KAPA ʻIA ʻOIHANA KAHUNA 7:20 - Ka Baibala Hemolele

²⁰ ‘Akā, ʻo ka mea nāna e ʻai i ka ʻiʻo o ka ʻālana o nā mōhai hoʻomalu, nā mea o Iēhova, e kau ana kona haumia ma luna ona, e ʻoki ʻia aku ia mai kona poʻe kānaka aku.

KA BUKE ʻAKOLU A MOSE, I KAPA ʻIA ʻOIHANA KAHUNA 7:20 Iomraidhean Croise

KA BUKE MUA A MOSE, I KAPA ʻIA KINOHI 17:14

“A ʻo ke keiki kāne ʻoki poepoe ʻole ʻia, ke ʻoki poepoe ʻole ʻia ka ʻiʻo o kona ʻōmaka, e hōʻoki ʻia aku ia kanaka mai kona hanauna aku; ua haʻihaʻi ʻo ia i kaʻu berita.”

KA BUKE ʻALUA A MOSE, I KAPA ʻIA PUKA ʻANA 30:33

‘ʻO ka mea hana i mea ʻala e like me ia, a ʻo ka mea kau ia mea ma luna o ka malihini, e ʻoki ʻia ʻo ia mai kona poʻe kānaka aku.’”

KA BUKE ʻALUA A MOSE, I KAPA ʻIA PUKA ʻANA 30:38

“ʻO ka mea hana e like me ia, i mea e honi ai, e ʻoki ʻia nō ia, mai kona poʻe kānaka aku.”

KA WĀNANA A ʻEZEKIʻELA 33:25

“No laila, e ʻōlelo aku iā lākou, ‘Ke ʻī mai nei Iēhova ka Haku, “Ua ʻai ʻoukou me ke koko, a ua leha aʻe i ko ʻoukou mau maka i ko ʻoukou poʻe akua kiʻi, a ua hoʻokahe i ke koko; e loaʻa anei iā ʻoukou ka ʻāina?

KA BUKE ʻAKOLU A MOSE, I KAPA ʻIA ʻOIHANA KAHUNA 18:29

‘No ka mea, ʻo ka mea e hana i kekahi o kēia mau mea inaina ʻia, ʻo nā kānaka e hana, e ʻoki ʻia lākou mai waena aku o ko lākou poʻe kānaka.

KA BUKE ʻAKOLU A MOSE, I KAPA ʻIA ʻOIHANA KAHUNA 19:8

‘No laila, ʻo ka mea e ʻai ia, e kau nō kona hewa ma luna ona, no kāna hōʻino ʻana i ka mea hoʻāno no Iēhova; a e ʻoki ʻia aku kēlā kanaka mai waena aku o kona poʻe kānaka.

KA BUKE ʻAKOLU A MOSE, I KAPA ʻIA ʻOIHANA KAHUNA 20:3

‘A e hoʻokūʻē au i koʻu maka i kēlā kanaka, a e ʻoki aku hoʻi au iā ia mai waena aku o kona poʻe kānaka, no kona hāʻawi ʻana i kekahi keiki āna iā Moleka; e hoʻohaumia i kuʻu keʻena kapu, a me ka hōʻino i koʻu inoa hoʻāno.

KA BUKE ʻAKOLU A MOSE, I KAPA ʻIA ʻOIHANA KAHUNA 23:29

‘ʻO kēlā ʻuhane kēia ʻuhane i hoʻokaumaha ʻole ʻia i ua lā lā, e ʻoki ʻia aku ia mai waena aku o kona poʻe kānaka.

KA BUKE ʻAKOLU A MOSE, I KAPA ʻIA ʻOIHANA KAHUNA 7:19

¶ ‘A ʻo ka ʻiʻo i pili i ka mea maʻemaʻe ʻole, ʻaʻole ia e ʻai ʻia, e hoʻopau ʻia ʻo ia i ke ahi. A ʻo ka ʻiʻo hoʻi, e ʻai ka poʻe maʻemaʻe a pau i ka ʻiʻo.

KA BUKE ʻAKOLU A MOSE, I KAPA ʻIA ʻOIHANA KAHUNA 7:25

‘A ʻo ka mea nāna e ʻai i ke kaikea o ka holoholona a nā kānaka i kaumaha ai i ka mōhai ma ke ahi iā Iēhova, ʻo ka mea i ʻai ia mea, ʻo ia ke ʻoki ʻia aku mai kona poʻe kānaka aku.

KA BUKE ʻAKOLU A MOSE, I KAPA ʻIA ʻOIHANA KAHUNA 7:27

‘ʻO ke kanaka i ʻai i ke koko, ʻo ia ke ʻoki ʻia aku mai kona poʻe kānaka aku.’”

KA BUKE ʻAHĀ A MOSE, I KAPA ʻIA NĀ HELU 19:13

‘ʻO kēlā mea kēia mea e hoʻopā aku i ke kupapaʻu o ke kanaka i make, a i huikala ʻole ʻo ia iā ia iho, ua hoʻohaumia ʻo ia i ka halelewa o Iēhova; a e ʻoki ʻia ua kanaka lā mai kā ʻIseraʻela aku; no ka mea, ʻaʻole i kāpīpī ʻia ka wai huikala ma luna ona; e haumia nō ʻo ia, e kau ana nō kona haumia ma luna ona.

ʻO KA ʻEPISETOLE MUA A PAULO KA LUNAʻŌLELO I KO KORINETO 11:28

E noʻonoʻo ke kanaka iā ia iho, a pēlā ia e ʻai ai i ka berena, a e inu ai hoʻi i ko ke kīʻaha.

KA BUKE MUA A SAMUʻELA 20:26

Akā, ʻaʻole ʻo Saula i ʻōlelo iki ia lā; no ka mea, manaʻo ihola ia, “Ua hiki mai kekahi mea iā ia, ua haumia ʻo ia; ʻoiaʻiʻo, ua haumia ʻo ia.”