KA BUKE ʻAKOLU A MOSE, I KAPA ʻIA ʻOIHANA KAHUNA 27:3 - Ka Baibala Hemolele

³ a penei kou manaʻo ʻana, no ke kāne, mai ka makahiki iwakālua a hiki i ka makahiki kanaono ona, ʻo kou manaʻo ʻana, he kanalima sekela kālā, ma muli o ka sekela o ke keʻena kapu.

KA BUKE ʻAKOLU A MOSE, I KAPA ʻIA ʻOIHANA KAHUNA 27:3 Iomraidhean Croise

KA BUKE ʻALUA NO NĀ ALIʻI 12:4

¶ ʻŌlelo akula ʻo Iehoasa i nā kāhuna, “ʻO ke kālā a pau o nā mea i laʻa, ka mea i lawe ʻia mai i loko o ka hale o Iēhova, ʻo ke kālā pono o kēlā kanaka kēia kanaka, ʻo ke kālā o nā kānaka ma ka ʻauhau ʻana, ʻo ke kālā a pau a kēlā kanaka kēia kanaka i manaʻo ai e lawe mai i loko o ka hale o Iēhova,

KA BUKE ʻALUA A MOSE, I KAPA ʻIA PUKA ʻANA 30:13

“Eia kā lākou e hāʻawi mai ai, ʻo kēlā mea kēia mea e hele aʻe ma waena o ka poʻe i helu ʻia, he hapalua o ka sekela, ma ka sekela o ke keʻena kapu, (he iwakālua gera hoʻokahi ia sekela,) a he hapalua o ka sekela, ʻo ia ka haʻawina iā Iēhova.

KA BUKE ʻALUA A MOSE, I KAPA ʻIA PUKA ʻANA 38:24

¶ A ʻo ke gula a pau i hana ʻia ma ka hana o ia mea laʻa, ʻo ke gula laʻa he iwakāluakumamāiwa tālena a me nā sekela ʻehiku haneri me kanakolu, ma ka sekela o ke keʻena kapu.

KA BUKE ʻAKOLU A MOSE, I KAPA ʻIA ʻOIHANA KAHUNA 27:14

¶ ‘A inā e hoʻolaʻa kekahi kanaka i kona hale i hoʻāno ia iā Iēhova, a laila e manaʻo ke kahuna ia mea, inā he maikaʻi paha, inā he ʻino; a e like me ka manaʻo ʻana o ke kahuna, pēlā nō ia e kū iho ai.

KA BUKE ʻAKOLU A MOSE, I KAPA ʻIA ʻOIHANA KAHUNA 27:25

‘‘A ʻo kou manaʻo ʻana a pau, ma ke sekela o ke keʻena kapu ia; iwakālua gera, ʻo ia ke sekela.

KA BUKE ʻAKOLU A MOSE, I KAPA ʻIA ʻOIHANA KAHUNA 27:4

‘A inā he wahine, a laila ʻo kou manaʻo ʻana, he kanakolu sekela;

KA BUKE ʻAKOLU A MOSE, I KAPA ʻIA ʻOIHANA KAHUNA 5:15

“Inā e hana kekahi i ka hewa, a lawehala no ka ʻike ʻole, ma nā mea hoʻāno o Iēhova, a laila e lawe mai ʻo ia iā Iēhova no kona hewa, i ka hipa kāne kīnā ʻole no loko mai o nā ʻohana, me ka mea āu i manaʻo ai ma nā sekela kālā, ma muli o ke sekela o ke keʻena kapu, i mōhai hala.

KA BUKE ʻAKOLU A MOSE, I KAPA ʻIA ʻOIHANA KAHUNA 6:6

“A e lawe mai ʻo ia i kona mōhai hala iā Iēhova, he hipa kāne kīnā ʻole no loko mai o ka ʻohana, me kāu mea i manaʻo ai, i mōhai hala, i ke kahuna.

KA BUKE ʻAHĀ A MOSE, I KAPA ʻIA NĀ HELU 18:16

“A ʻo nā mea e pono ke pānaʻi ʻia, mai ka malama hoʻokahi o ka hānau ʻana kāu e pānaʻi ai, ma kou manaʻo ʻana, e like me nā sekela ʻelima, ma ka sekela o ke keʻena kapu, ʻo ia hoʻi nā gera he iwakālua.

KA BUKE ʻAHĀ A MOSE, I KAPA ʻIA NĀ HELU 3:47

e ʻauhau aku ʻoe i nā sekela ʻelima no ke poʻo hoʻokahi; ma ka sekela o ke keʻena kapu kāu e ʻauhau aku ai; (he iwakālua gera, hoʻokahi ia sekela);