KA BUKE ʻAKOLU A MOSE, I KAPA ʻIA ʻOIHANA KAHUNA 26:6 - Ka Baibala Hemolele

⁶ ‘A e hāʻawi aku nō wau i ka malu ma ko ʻoukou ʻāina, a e moe iho ʻoukou i lalo, ʻaʻohe mea nāna ʻoukou e hoʻoweliweli; a e hoʻopau aku au i nā holoholona ʻino mai loko aku o ko ʻoukou ʻāina; ʻaʻole hoʻi e hele aʻe ka pahi kaua ma waena aʻe o ko ʻoukou ʻāina.

KA BUKE ʻAKOLU A MOSE, I KAPA ʻIA ʻOIHANA KAHUNA 26:6 Iomraidhean Croise

KA BUKE ʻALUA NO NĀ ALIʻI 2:24

Hāliu aʻela ia, a nānā maila iā lākou, a hōʻino maila iā lākou ma ka inoa ʻo Iēhova; a hele mai nā bea wahine ʻelua, mai ka ulu lāʻau mai, a haehae i nā kamaliʻi, he kanahākumamālua o lākou.

KA BUKE MUA O KA ʻOIHANA ALIʻI 22:9

‘Aia hoʻi, e hānau ke keiki kāne nāu, he kanaka hoʻomaha nō ia; a e hoʻomaha auaneʻi au iā ia mai kona poʻe ʻenemi a pau e noho ana a puni; no ka mea, ʻo Solomona kona inoa, a e hāʻawi auaneʻi au i ka maluhia a me ka maha no kā ʻIseraʻela i kona mau lā.

KA BUKE ʻALUA O KA ʻOIHANA ALIʻI 20:30

A ua maluhia ke aupuni o Iehosapata, a ua hoʻomalu mai kona Akua iā ia a puni.

KA BUKE NO IOBA 11:19

“A e moe iho ʻoe i lalo, ʻaʻohe mea nāna ʻoe e hoʻomakaʻu mai; A nui nā mea e hoʻālohaloha i mua ou.

KA BUKE NO IOBA 5:23

“No ka mea, e noho kuʻikahi ʻoe me nā pōhaku o ke kula; A e maluhia nā holoholona hihiu o ke kula me ʻoe.

KA BUKE O NĀ HALELŪ 144:14

I hāpai hoʻi kā kākou poʻe bipi; I komo ʻole kekahi i loko, ʻaʻole hoʻi e puka i waho, A i ʻole hoʻi he mea ʻōhumu, ma ko lākou mau alanui!

KA BUKE O NĀ HALELŪ 147:14

Hāʻawi mai nō ʻo ia i ka malu ma kou mau mokuna, A hoʻomāʻona mai iā ʻoe i ka palaoa maikaʻi.

KA BUKE O NĀ HALELŪ 29:11

E hāʻawi mai nō hoʻi ʻo Iēhova i ka ikaika i kona poʻe kānaka; E hoʻopōmaikaʻi mai nō hoʻi ʻo Iēhova i kona poʻe ʻōhua me ka maluhia.

KA BUKE O NĀ HALELŪ 3:5

Ua moe ihola au i lalo a hiamoe; Ua ala aʻela hoʻi, no ko Iēhova mālama ʻana mai iaʻu.

KA BUKE O NĀ HALELŪ 4:8

E moe au i lalo me ka maluhia, a hiamoe; No ka mea, ʻo ʻoe wale nō, e Iēhova, kai hoʻomalu mai i koʻu noho ʻana.

KA BUKE O NĀ HALELŪ 85:8

¶ E hoʻolohe aku nō au i ka mea a ke Akua a Iēhova e ʻōlelo mai ai; No ka mea, e haʻi mai nō ʻo ia i ka malu no kona poʻe kānaka, a me kona poʻe haipule; Mai hoʻi hou naʻe lākou i ka mea lapuwale.

KA BUKE ʻALUA A MOSE, I KAPA ʻIA PUKA ʻANA 23:29

ʻAʻole naʻe au e kipaku aku iā lākou ma mua ou i ka makahiki hoʻokahi; o nāhelehele ka ʻāina, a nui loa iho nā holoholona hihiu e ʻalo mai iā ʻoe.

NĀ ʻŌLELO AKAMAI A SOLOMONA 3:24

I kou moe ʻana, ʻaʻole ʻoe e makaʻu; E moe iho nō ʻoe, a e ʻoluʻolu kou hiamoe ʻana.

NĀ ʻŌLELO AKAMAI A SOLOMONA 6:22

I kou hele ʻana, ʻeā, e kaʻi aku ia iā ʻoe; I kou moe ʻana e kiaʻi ʻo ia ma luna ou; I kou ala ʻana i luna, ʻo ia ke kamaʻilio pū me ʻoe.

KA WĀNANA A ʻISAIA 35:8

A ma laila nō ke kuamoʻo, he alanui hoʻi, A e kapa ʻia nō ia, ke Alanui o ka Pono. ʻAʻole hele ma laila ka mea haumia; E hele pū nō ʻo ia me lākou ma ke ala, ʻAʻole lalau ka poʻe naʻaupō ma laila.

KA WĀNANA A ʻISAIA 35:9

ʻAʻole liona ma ia wahi, ʻAʻole piʻi aku ma laila kekahi holoholona hae, ʻAʻole e loaʻa ia ma ia wahi; Akā, ma laila nō e hele ai ka poʻe i hoʻōla pānaʻi ʻia.

KA WĀNANA A ʻISAIA 45:7

“Ka Mea nāna i hana ka mālamalama, A nāna hoʻi i hana ka pouli, Nāna i hana ka pōmaikaʻi, Nāna hoʻi i hana ka pōʻino, ʻO wau nō Iēhova, ka Mea nāna e hana kēia mau mea a pau.

KA WĀNANA A ʻISAIA 9:7

ʻAʻole e pau ka māhuahua ʻana o kona aupuni, a me ka malu; Ma ka noho aliʻi o Dāvida ia, A ma kona aupuni nō hoʻi, E hoʻāla hou ia mea, a e hoʻokūpaʻa iā ia, Me ka hoʻoponopono, a me ka maikaʻi, Mai kēia wā aku, a i ke ao pau ʻole. Na ka ikaika o Iēhova o nā kaua e hana i kēia.

KA WĀNANA A IEREMIA 30:10

‘No laila, mai makaʻu ʻoe, e kuʻu kauā, e Iakoba,’ wahi a Iēhova, ‘Mai weliweli hoʻi, e kā ʻIseraʻela; No ka mea, aia hoʻi, e hoʻōla nō wau iā ʻoe, mai kahi lōʻihi aku, A i kāu hua hoʻi, mai ka ʻāina o ko lākou pio ʻana; A e hoʻi mai nō ʻo Iakoba, a e hoʻomaha nō, a e maluhia, ʻAʻohe mea e hoʻomakaʻu iā ia.

KA WĀNANA A IEREMIA 31:26

A laila, ala ihola au, a nānā aʻela, a ua ʻoluʻolu koʻu hiamoe ʻana iaʻu.

KA WĀNANA A ʻEZEKIʻELA 14:15

“Inā e hoʻohele aʻe au i nā holoholona ʻino i waena o ka ʻāina, a oki loa iā lākou, a neoneo loa i ʻole ai e hele aʻe ke kanaka ma waena no ua poʻe holoholona lā;

KA WĀNANA A ʻEZEKIʻELA 14:17

“A inā lawe au i ka pahi kaua ma luna o ka ʻāina, a e ʻōlelo aku, ‘E ka pahi kaua, e hele ʻoe ma waena o ka ʻāina’; a ʻoki aku au i nā kānaka a me nā holoholona mai ona aku lā;

KA WĀNANA A ʻEZEKIʻELA 14:21

¶ No ka mea, ke ʻī mai nei Iēhova ka Haku, penei, “E kela aku kēia i ka wā e hoʻouna aku ai au i kuʻu mau mea hoʻopaʻi kaumaha a ʻeha ma luna o Ierusalema, i ka pahi kaua, a me ka wī, a me ka holoholona ʻino, a me ka maʻi ahulau, e oki aku mai laila aku i kānaka pū me ka holoholona.

KA WĀNANA A ʻEZEKIʻELA 34:25

¶ “A e hana au i berita hoʻomalu me lākou, a e hoʻōki aku au i nā holoholona ʻino mai loko aku o ka ʻāina; a e noho maluhia lākou ma ka wao nahele, a e moe hoʻi ma loko o nā ulu lāʻau.

KA WĀNANA A ʻEZEKIʻELA 34:27

“A e hoʻohua mai ka lāʻau o ke kula i kona hua, a e hāʻawi mai ka honua i kona mea ulu, a e noho maluhia lākou ma ko lākou ʻāina, a e ʻike hoʻi ʻo wau nō Iēhova, aia moku iaʻu nā kaula o kā lākou ʻauamo, a hoʻopakele aʻe iā lākou mai loko aʻe o ka lima o ka poʻe i hoʻokauā iā lākou na lākou iho.

KA WĀNANA A ʻEZEKIʻELA 5:17

‘Pēlā e hoʻouna aku ai au ma luna o ʻoukou i ka wī, a me nā holoholona ʻino, a e hoʻonele lākou iā ʻoe; ʻo ka maʻi ahulau, a me ke koko ke hele ma waena ou; a e lawe au i ka pahi kaua ma luna ou. ʻO wau ʻo Iēhova kai ʻōlelo aku.’”

HOSEA 2:18

“A i kēlā manawa e hana aku au no lākou i berita Me nā holoholona o ke kula, a me nā manu o ka lewa, A me nā mea kolo o ka honua; A e haki iaʻu ke kakaka, a me ka pahi kaua, a me ka mea kaua mai ka honua aku, A e hoʻomoe iho au ia lākou me ka maluhia. E hoʻopalau aku au iā ʻoe naʻu a mau loa aku;

HOSEA 2:20

“A e hoʻopalau aku nō hoʻi au iā ʻoe naʻu ma ka ʻoiaʻiʻo: A e ʻike aku ʻoe iā Iēhova.

KA BUKE ʻAKOLU A MOSE, I KAPA ʻIA ʻOIHANA KAHUNA 25:18

¶ ‘No ka mea, e hana ʻoukou ma kaʻu kauoha, a e mālama hoʻi i koʻu mau kānāwai, a e hana ma ia mau mea; a e noho nō ʻoukou ma ka ʻāina me ka maluhia.

KA BUKE ʻAKOLU A MOSE, I KAPA ʻIA ʻOIHANA KAHUNA 25:19

‘A e hoʻohua mai ka ʻāina i kona mau hua, a e ʻai ʻoukou a māʻona, a e noho maluhia ʻoukou i laila.

KA BUKE ʻAKOLU A MOSE, I KAPA ʻIA ʻOIHANA KAHUNA 26:22

‘E hoʻouna nō hoʻi au i nā holoholona hihiu i waena o ʻoukou e kāʻili aʻe i kā ʻoukou mau keiki, a e luku hoʻi i ko ʻoukou holoholona, a e hōʻuʻuku iā ʻoukou, a e neoneo aʻe ko ʻoukou mau alanui.

KA BUKE ʻAKOLU A MOSE, I KAPA ʻIA ʻOIHANA KAHUNA 26:25

‘A e lawe au i ka pahi kaua ma luna o ʻoukou e hoʻopaʻi ana no ka berita; a ʻākoakoa ʻoukou i loko o ko ʻoukou mau kūlanakauhale, e hoʻouna aku au i ka maʻi ahulau i waena o ʻoukou; a e hāʻawi ʻia aku ʻoukou i ka lima o ka ʻenemi.

KA BUKE ʻAKOLU A MOSE, I KAPA ʻIA ʻOIHANA KAHUNA 26:7

‘E alualu ʻoukou i ko ʻoukou poʻe ʻenemi, a e hāʻule lākou i ka pahi kaua ma mua o ʻoukou.

MIKA 4:4

A e noho kēlā kanaka kēia kanaka ma lalo o kona kumu waina, A ma lalo o kona lāʻau fiku, ʻAʻohe mea nāna e hoʻomakaʻu mai; No ka mea, ʻo ka waha o Iēhova o nā kaua, kai ʻōlelo mai.

ZEPANIA 3:13

“ʻAʻole e hana ʻino ke koena o kā ʻIseraʻela, ʻAʻole hoʻi e ʻōlelo hoʻopunipuni lākou; ʻAʻole nō hoʻi e loaʻa ka elelo wahaheʻe I loko o ko lākou waha; Akā, e ʻai auaneʻi lākou, a e moe iho, ʻAʻole kekahi mea e hoʻoweliweli ana iā lākou.”

HAGAI 2:9

‘E ʻoi auaneʻi ka nani o kēia hale hope i mua o ko ka mua,’ wahi a Iēhova o nā kaua; ‘a ma kēia wahi hoʻi e hāʻawi aku nō wau i ka maluhia,’ wahi a Iēhova o nā kaua.”

ZEKARIA 9:10

E hoʻopau auaneʻi hoʻi au i nā hale kaʻa mai ko ʻEperaima aku, A me ka lio mai Ierusalema aku; E hōʻoki ʻia hoʻi ke kakaka kaua; A e haʻi aku auaneʻi ʻo ia i ka maluhia i nā lāhui kanaka; A mai kekahi kai a hiki i kēlā kai kona aupuni, A mai ka Muliwai aku a hiki i nā palena o ka honua.

KA ʻEUANELIO I KĀKAU ʻIA AI E IOANE 14:27

“He aloha kaʻu e waiho aku ai iā ʻoukou, ʻo kuʻu aloha kaʻu e hāʻawi aku ai iā ʻoukou; ʻaʻole like me ka hāʻawi ʻana o ko ke ao nei, kaʻu hāʻawi ʻana aku iā ʻoukou. Mai hoʻokaumaha ʻia ko ʻoukou naʻau, a mai makaʻu hoʻi.

NĀ ʻOIHANA A KA POʻE LUNAʻŌLELO 12:6

A i ka wā a Herode i manaʻo ai e lawe mai iā ia i waho, ia pō, e moe ana nō ʻo Petero ma waena o nā koa ʻelua, ua nakinaki ʻia i nā kaula hao ʻelua; a ʻo nā kiaʻi ma mua o ka puka, e mālama ana nō i ka hale paʻahao.

ʻO KA ʻEPISETOLE A PAULO KA LUNAʻŌLELO I KO ROMA 5:1

¶ No ia mea, i hoʻāpono ʻia mai kākou ma ka manaʻoʻiʻo, he malu ko kākou me ke Akua, ma ko kākou Haku ʻo Iesū Kristo;