KA BUKE ʻAKOLU A MOSE, I KAPA ʻIA ʻOIHANA KAHUNA 26:44 - Ka Baibala Hemolele

⁴⁴ ‘ʻO ia lā; akā, i ko lākou noho ʻana ma ka ʻāina o ko lākou poʻe ʻenemi, ʻaʻole au e kiola loa iā lākou, ʻaʻole hoʻi au e inaina aku iā lākou, e luku loa ai iā lākou, a e uhaki ai i kuʻu berita me lākou; no ka mea, ʻo wau nō Iēhova ko lākou Akua.

KA BUKE ʻAKOLU A MOSE, I KAPA ʻIA ʻOIHANA KAHUNA 26:44 Iomraidhean Croise

KA BUKE MUA A MOSE, I KAPA ʻIA KINOHI 17:7

“A e hoʻopaʻa nō hoʻi au i kaʻu berita ma waena oʻu a ou, a me kāu poʻe mamo ma hope ou ma nā hanauna o lākou, i berita mau loa, i Akua nō au nou, a no kāu poʻe mamo ma hope ou.

KA BUKE ʻALUA NO NĀ ALIʻI 13:23

A manaʻo mai ʻo Iēhova iā lākou, a ahonui mai iā lākou, a nānā mai iā lākou no kāna berita iā ʻAberahama, iā ʻIsaʻaka, a me Iakoba, ʻaʻole ona makemake e luku aku iā lākou, ʻaʻole hoʻi e hoʻokuke aku iā lākou mai kona alo aku i kēia manawa.

KA BUKE A NEHEMIA 9:17

“Hōʻole aku lākou, ʻaʻole e hoʻolohe, ʻAʻole hoʻi lākou i hoʻomanaʻo i kāu mau hana kupanaha Āu i hana ai me lākou. Hōʻoʻoleʻa nō lākou i ko lākou ʻāʻī, A i ko lākou kipi ʻana, Koho ihola lākou i luna, I hoʻi aku ai lākou ma ko lākou hoʻokauā ʻana. Akā, ʻo ʻoe ke Akua, E kala ana i ka hala, He ʻoluʻolu a me ka lokomaikaʻi, He ahonui a me ke aloha nui, No laila, ʻaʻole ʻoe i haʻalele iā lākou.

KA BUKE A NEHEMIA 9:31

“ʻAʻole naʻe ʻoe i hoʻopau loa iā lākou no kou lokomaikaʻi he nui nō, ʻAʻole hoʻi i haʻalele ʻoe iā lākou; No ka mea, he Akua lokomaikaʻi nō ʻoe a me ke aloha.

KA BUKE O NĀ HALELŪ 103:13

Me ka makua e aloha ana i kāna keiki, Pēlā nō ʻo Iēhova e aloha ai i ka poʻe e makaʻu aku iā ia.

KA BUKE O NĀ HALELŪ 89:33

“ʻAʻole naʻe e lawe loa aku au i koʻu lokomaikaʻi mai ona aku, ʻAʻole hoʻi au e hōʻole i koʻu lokomaikaʻi.

KA BUKE O NĀ HALELŪ 94:14

ʻAʻole haʻalele ʻo Iēhova i kona poʻe kānaka, ʻAʻole hoʻi e kuʻu wale aku i kona hoʻoilina iho.

KA WĀNANA A IEREMIA 14:21

Mai hoʻowahāwahā mai ʻoe, no kou inoa iho, Mai hōʻino ʻoe i ka noho aliʻi o kou nani. E hoʻomanaʻo, mai uhaʻi ʻoe i kou berita me mākou.

KA WĀNANA A IEREMIA 24:5

“Ke ʻōlelo mai nei ʻo Iēhova, ke Akua o kā ʻIseraʻela penei, ‘E like me kēia mau fiku maikaʻi, pēlā nō wau e hoʻomaopopo ai i ka poʻe i lawe pio ʻia o kā Iuda, ka poʻe aʻu i kipaku aku ai, mai kēia wahi aku a i ka ʻāina o ko Kaledea, i mea e pono ai.

KA WĀNANA A IEREMIA 30:11

‘No ka mea, ʻo wau pū nō me ʻoe,’ wahi a Iēhova, ‘e hoʻōla iā ʻoe. A inā e hoʻōki loa paha wau i ko nā ʻāina a pau, kahi aʻu i hoʻopuehu aku iā ʻoukou, ʻAʻole wau e hoʻōki loa iā ʻoe; Akā, e hoʻopaʻi nō wau iā ʻoe ma ka pono, ʻAʻole wau e kuʻu wale aku iā ʻoe.’

KA WĀNANA A IEREMIA 31:20

“ʻO ʻEperaima anei kaʻu keiki aloha? He keiki anei ia e ʻoliʻoli ai? No ka mea, mai ka wā mai o kaʻu ʻōlelo kūʻē ʻana iā ia, He ʻoiaʻiʻo, ke hoʻomanaʻo mau nei au iā ia; No laila, e haʻehaʻe nei koʻu ʻōpū nona; He ʻoiaʻiʻo nō e lokomaikaʻi aku nō wau iā ia, wahi a Iēhova.

KA WĀNANA A IEREMIA 33:26

a laila, e hōʻole nō wau i ka pua a Iakoba, a me Dāvida kaʻu kauā, ʻaʻole hoʻi e lawe i kāna mamo i aliʻi ma luna o ka pua a ʻAberahama, a me ʻIsaʻaka, a me Iakoba; no ka mea, e hoʻihoʻi nō wau i ko lākou pio ʻana, a e lokomaikaʻi aku nō hoʻi au iā lākou.’”

KA WĀNANA A ʻEZEKIʻELA 16:60

¶ “Akā hoʻi, e hoʻomanaʻo aku nō au i kuʻu berita aʻu i hana pū ai me ʻoe i nā lā o kou ʻōpiopio ʻana, a e hoʻomau aku nō au nou i berita mau loa.

KA BUKE ʻAKOLU A MOSE, I KAPA ʻIA ʻOIHANA KAHUNA 26:11

‘A e hoʻonoho au i kuʻu halelewa i waena o ʻoukou, ʻaʻole hoʻi e hoʻowahāwahā koʻu ʻuhane iā ʻoukou.

ʻO KA ʻEPISETOLE A PAULO KA LUNAʻŌLELO I KO ROMA 11:2

ʻAʻole nō ke Akua i kiola i kona poʻe kānaka āna i ʻike mua ai. ʻAʻole anei ʻoukou i ʻike i kā ka Palapala Hemolele i haʻi mai ai iā ʻElia, iā ia i hoʻopiʻi aku ai i ke Akua i kā ʻIseraʻela, i ka ʻī ʻana,

ʻO KA ʻEPISETOLE A PAULO KA LUNAʻŌLELO I KO ROMA 11:26

A laila e hoʻōla ʻia kā ʻIseraʻela a pau; e like me ka mea i palapala ʻia, “«No loko mai o Ziona e puka mai ai ka Hoʻōla, A e pale aku ia i ka ʻaiā ʻana, mai o Iakoba aku.”

KA BUKE NO NĀ LUNA KĀNĀWAI 2:1

¶ Hele maila ka ʻānela o Iēhova, mai Gilegala mai, a i Bokima, ʻī maila: “Ua lawe mai au iā ʻoukou mai ʻAigupita mai, a ua hoʻokomo mai au iā ʻoukou i ka ʻāina aʻu i hoʻohiki ai i ko ʻoukou mau kūpuna. ʻĪ ihola au, ʻʻAʻole au e uhaʻi i kaʻu berita, a hiki loa i ka hopena.