KA BUKE ʻAKOLU A MOSE, I KAPA ʻIA ʻOIHANA KAHUNA 26:3 - Ka Baibala Hemolele

³ ‘Inā e hele ʻoukou ma koʻu mau kānāwai, a e mālama hoʻi i kaʻu mau kauoha, a e hana hoʻi ma ia mau mea;

KA BUKE ʻAKOLU A MOSE, I KAPA ʻIA ʻOIHANA KAHUNA 26:3 Iomraidhean Croise

KA BUKE A NEHEMIA 1:9

akā, inā huli mai ʻoukou iaʻu, a mālama i kaʻu mau kauoha, a hana hoʻi ia; a laila inā i kipaku ʻia kekahi o ʻoukou ma ka palena o ka lani, e hōʻuluʻulu au iā lākou ma laila mai, a e lawe mai iā lākou ma kahi aʻu i wae ai e waiho i koʻu inoa ma laila.’

KA BUKE ʻALUA A MOSE, I KAPA ʻIA PUKA ʻANA 23:25

“E mālama hoʻi ʻoukou iā Iēhova i ko ʻoukou Akua; a laila, nāna nō e hoʻomaikaʻi i kāu ʻai, a me kou wai; a e lawe aku nō hoʻi i ka maʻi, mai loko aku ou.

KA WĀNANA A ʻISAIA 1:19

“Inā e ʻae mai ʻoukou e hoʻolohe, E ʻai nō ʻoukou i ka maikaʻi o ka ʻāina.

KA WĀNANA A ʻISAIA 30:23

¶ A laila e hāʻawi mai nō ʻo ia i ka ua no kāu hua, ka mea āu e kanu ai ma ka lepo; a me ka berena hoʻi no ka hua ʻana mai o ka lepo, a e momona nō ia, a māhuahua ka maikaʻi; e ʻai nō kou mau holoholona ia lā ma nā kula pālahalaha.

KA WĀNANA A IEREMIA 11:4

aʻu i kauoha aku ai i ko ʻoukou poʻe kūpuna, i ka lā aʻu i lawe mai ai iā lākou mai ka ʻāina ʻo ʻAigupita, a mai ke kapuahi hao mai, i ka ʻī ʻana aku, ‘E hoʻolohe mai i kuʻu leo, a e hana i nā mea e like me nā mea a pau aʻu i kauoha aku nei iā ʻoukou; pēlā ʻoukou e lilo ai i poʻe kānaka noʻu, a ʻo wau auaneʻi ko ʻoukou Akua’;

KA BUKE ʻAKOLU A MOSE, I KAPA ʻIA ʻOIHANA KAHUNA 19:25

‘A i ka lima o ka makahiki, e ʻai ʻoukou i kona hua, e hāʻawi ai ʻo ia i kona hua iā ʻoukou; ʻo wau nō Iēhova ko ʻoukou Akua.

ZEKARIA 8:12

‘No ka mea, e maluhia ka hua kanu, a e hua mai ke kumu waina i kona hua, a e hoʻoulu mai hoʻi ka honua i kāna mea ulu, a e hāʻawi mai hoʻi ka lani i kona hau, a e hāʻawi auaneʻi au i kēia mau mea a pau no kēia koena kanaka.

MALAKI 3:10

“E lawe mai i nā waiwai hapaʻumi a pau i loko o ka hale ahu waiwai, i ʻai ma loko o koʻu hale; a e hoʻāʻo mai ʻoukou iaʻu ma ia mea,” wahi a Iēhova o nā kaua, “i wehe ai paha au i nā puka wai o ka lani, a e ninini iho i ka pōmaikaʻi ma luna o ʻoukou, a lawa a hū.

KA BUKE ʻALIMA A MOSE, I KAPA ʻIA KĀNĀWAI LUA 7:12

¶ “No ia hoʻi, inā e hoʻolohe ʻoukou i kēia mau ʻōlelo kūpaʻa, a e mālama, a e hana hoʻi ia mau mea, a laila e mālama mai ʻo Iēhova kou Akua i ka berita a me ke aloha nou, āna i hoʻohiki ai i kou poʻe kūpuna.

KA HŌʻIKE ʻANA A IOANE KA HAIPULE 22:14

Pōmaikaʻi ka poʻe mālama i kona mau kānāwai, i hiki ke loaʻa iā lākou ko ka lāʻau o ke ola, i komo aku hoʻi ma nā puka, i loko o ke kūlanakauhale.